Ezodu 12:2 - ꞌRe Ihâimana Uꞌâsi Mono Zadawa Wasuꞌu

² — Ã a'amo hã te za oto wahum na'rata za'ratazém na hã aima 're hâimana za'ra wa'wa.

Ezodu 12:2 ပူးပေါင်းရင်းမြစ်များ

Ezodu 12:1

Tawamhã Ezitu ãma, Mozési norĩ zahadu simasisi zahuré ré, te duré 'Re ihâimana u'âsi mono hã tãma roti zahuré, ãne Arãhã me:

Ezodu 12:18

Tawamhã a'amo za'ratazém na'rata na, dia 14 bâtâ na hâiwahâ pesere te za i'u'ẽtẽ duptoi'õ na asa 're ihuri na'rata aba mo. Bâdâ te ipisutu amoi u te za duré ihuri 'rãsutu aba mo, dia 21 bâtâ u. Tô taha bâtâ na hâiwahâ pesere te za asa hã ihuri 'rãsutu 'wa, i'u'ẽtẽ duptoi'õ na hã.

Ezodu 12:3

Tawamhã te za ãne uburé Izaraéu nhihudu norĩ ma, tãma ĩzadawa wasu'u za'ra wa'wa: Tô ã hã a'amo na, dia 10 na te za damama mono bâ tinhimizama hã misi si te te pisutu, pone'ẽrebâ zéré mapure 'ra hã, niha wamhã, pone'ẽrebâ zéré uzé 'ra hã.

Ezodu 13:3

Tawamhã Mozési hã ma tô dama rob'rãzarõtõ, ãne: — Ã bâtâ ãma 're aipo're si'âri za'ra wa'aba mono õ di za, Ezitu hawi i'aiwairébé aba zém na hã, aipawa'âbâ ãna aré dama 're iromhuri za'ra wa'aba mono zém hawimhã. Ã bâdâ hã Uburé Danhib'apito te te we i'asani za'ra wa'aba zé, tiwaihu'u pese na. Tahawa, i'u'ẽne iduptobzém na hã 're huri aba mono õ di za, datozé bâdâ 're ihâimana mono na hã.

Ezodu 13:4

à bâtâ na a norĩ wa'wa hã ma tô aiwairébé 'wa, Ezitu hawimhã, a'amo za'ratazé hã imorĩ'rata na Abibe na a'amo nhisi na.

Ezodu 34:18

— I'u'ẽtẽ duptoi'õ na dato isa'ẽtẽ nhisi na hã te za asima 're iromhu'u u'âsi za'ra wa'aba mo. Te aima iwaihu'u za'ra wa'aba zéb zarina, te za i'u'ẽtẽ wapu duptoi'õ na asa hã 're ihuri aba mo, Abibe na a'amo nhisi 're 7 bâtâ 'rem na, taha a'amo na tô Ezitu hawi we aiwairébé aba dâ'âsina.

Ezodu 40:17

Ãne ma tô a'amo imorĩ'rata te, bâdâ imorĩ'rata ãma, Izaraéu nhihudu norĩ Ezitu hawi iwairébézém na misi wahu aré tô oto isi'utõrĩzéb ãma, ma tô romhâ 'manharĩ na 'ri 're, 'Re ihâimana u'âsi mono iwa 're ihâimana mono zé 'ri na hã te te siwi ãma wasisi.