Ezodu 11:2 - ꞌRe Ihâimana Uꞌâsi Mono Zadawa Wasuꞌu

² Tahawa ma'ãpé Izaraéu nhihudu norĩ aibâ ma, duré pi'õ norĩ ma, waihu'u za'ra na, siwaptoma ezipsiu norĩ 're ihâimana za'ra mono norĩ wi, marĩ te te tiwi waptẽrẽ za'ra mono da, niha wamhã ẽtẽ waipo prã prata na marĩ 'manharĩ norĩ hã, duré ẽtẽ waipo pré oru na marĩ 'manharĩ norĩ hã.

Ezodu 11:2 ပူးပေါင်းရင်းမြစ်များ

Zenezi 24:53

Tawamhã ma tô ẽtẽ waipo prã prata 'manharĩ hã, duré ẽtẽ waipo pré oru 'manharĩ hã, da'uzazé ihâpa siré tãma sõmri za'ra, Rebecaha ma. Tawamhã ihitébré norĩ ma zama ina me hã ma tô taré marĩ iwa'âbâ za'ẽtẽ na hã ãma tãma tinhoprub zahuré.

Zenezi 31:9

Ãne ma tô 'Re ihâimana u'âsi mono, aimama aba wi isimizama hã tiwi sani za'ra, te te ĩma sõmri za'ra da.

Salmu 24:1

Uburé Danhib'apito ma, te ti'a hã duré uburé marĩ iwa 're ihâimana za'ra mono hã 're hâimana. Uburé pese daro mono bâ, iwa 're idahâimana za'ra mono norĩ zama te duré tãma hã 're hâimana.

Ezodu 3:21

— Tawamhã wa za duré ezipsiu norĩ ma 'manharĩ za'ra, za te te aiwazéb za'ra wa'aba da hã. Tahawa nimahã na oto aiwairébé aba da wamhã, asib'rata baba na hã ai'aba'réi wa'aba õ di za.

Ezodu 3:22

Tahawa te za hâiba mono bâ Izaraéu nhihudu norĩ nhipi'õ, ezipsiu nhipi'õ norĩ isõrõwa 're, 're ihâimana za'ra mono wi hã, duré iwaptoma 're ihâimana za'ra mono wi hã, marĩ hã, ẽtẽ waipo prã prata hã, ẽtẽ waipo pré oru hã, duré i'uza ãma 're isi'uza za'ra mono da hã, i'ra si aibâ norĩ hã, duré i'ra sipi'õ norĩ hã tiwi tãma waptẽrẽ za'ra za. Tawamhã ãne te za ezipsiu norĩ wi isimarĩ hã tiwi iwaibu za'ra wa'wa za.

Ezodu 32:24

Tahawa, wa hã wa tô tãma 'ru za'ra, ni'wam norĩ po're za'ruzé oru 'manharĩ na tãma ihâimana za'ra hã te te ĩma sani za'ra da, te te ĩma sõmri za'ra da. Tawamhã ta norĩ hã unhama u te sãmra wamhã, ma tô powawẽ zapu hâiba na hã si'manha!

Provébiu 13:22

Ni'wa te za iwẽ hã si'uirĩ na tisi'watébré 'ra ma, tinhimarĩ iwẽ hã tãma rẽme za'ra. Tanei õ di, iwasété norĩ nhimarĩ hã. Te za sena na 're ihâimana za'ra mono norĩ zô si, da te 're ubumro za'ra.

Mateu 20:15

Te ĩsima iwẽzéb zarina, ĩte rob'uiprazém na te da'apawa'âbâ wamhã, e ĩwasédé wa tô 'manha. Mare di. Ĩwasédé hã te 'manharĩ õ di. Ãté taré dama ĩnhopru wa, ma tô ĩzada asahi, bâtâ bâ te te ĩma romhuri za'ra õ nherẽ, bâtâ na dapawa'âbâzém na te pawa'âbâ za'ra 'ru te.” Ãne ma tô buru tede'wa hã tãma siwaihu'u, tãma iromhuri'wai ma.