Ezodu 10:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã Mozési ma te ãma tãma wa'rã ãne: — Wa norĩ hã uburé aihĩni pese wa za ai'aba'ré ni, ai'uté norĩ me, duré ihâiba prédum norĩ me. Wa'ra si'aibâ norĩ, wa'ra sipi'õ norĩ, uburé pese marĩ wama 're ihâimana za'ra mono wanhimizama pone'ẽrebâ norĩ hã, pone'ẽrebâ zéré uzé norĩ hã, duré powawẽ norĩ hã, wa za wasiré hã wa te simro za'ra, Uburé Danhib'apito wama iwazéb za'ra zarina dato isa'ẽne wa te ãma tãma 're i'manharĩ za'ra mono zéb da hã.

Ezodu 10:9 ပူးပေါင်းရင်းမြစ်များ

Zenezi 50:8

Tawamhã duré Zuzéhé hawi a'uwẽ norĩ zama, isisãnawã norĩ zama, duré uburé Zacoho nhorõwa ãma 're ihâimana za'ra mono norĩ zama, ma tô isiré hã ai'aba'ré. Ãhã wa, Gosẽ ãma ma tô sisa'u za'ra rẽme za'ra ai'uté norĩ hã, pone'ẽrebâ norĩ hã, pone'ẽrebâ zéré uzé norĩ hã, duré powawẽ norĩ hã.

Ezodu 10:10

Tawamhã apito te ãne tãma nharĩ zahuré: — Asib'apito wa'wa hã tô asiré wa'aba morĩre! Tane nherẽ, wa hã aimro norĩ wa'wa hã, duré ai'ra norĩ wa'wa hã asiré simroi wa'aba mono da, te aima isa'ré za'ra wa'aba da hã mare di za. Asimirosa'rata waima zarina ĩzada i'aihâimana za'ra wa'aba zém na hã wa tô ĩsina aiwaihu'u za'ra wa'wa. Ĩma hã waihu'u di.

Ezodu 10:26

Tahawa wa za uburé wanhimizama hã wa te ãma wasiré simro. Duré wa te wasiwi i'mairẽme da hã mare di za. E marĩ wa. Za wa te wasiwi 'maipisutu dâ'âsina, 'Re ihâimana u'âsi mono Uburé Danhib'apito ãma 're iwawata za'ra mono zéb da hã wa te wasiwi isõmri da hã. Duré ro te te wama ipisutu za'ra zéb u zahadu wasihutu õ ré, wa norĩ hã wa te wasiwi iwaihu'u da hã mare di, za nimahã Uburé Danhib'apito ma wanhimizama za'ra na wanhoprubzé wa te tãma isõmri za'ra zé hã.

Ezodu 12:32

Tahawa te za asimizama pone'ẽrebâ zéré mapure, pone'ẽrebâ zéré uzé, duré powawẽ norĩ hã asiré wa'aba isimroi wa'aba mo. Tawamhã 'Re ihâimana u'âsi mono wi, te za ĩ'ãma irowaptẽrẽ 'wa, iwẽ te te ĩma zama 're anhomri mono da.

Ezodu 12:37

Tawamhã Izaraéu nhihudu norĩ hã ma tô oto wairé, Ramesé na 'ri nho'õmo nhisi hawi. Para na te zâmo. Tawamhã Sucoti na 'ri nho'õmo nhisi u ma tô zâwi. Ãne, Izaraéu nhihudu norĩ za'rata za'ra hã, 600 miu na aibâ si hã, isa'rata na. Pi'õ norĩ hã sa'rata õ di. Duré ai'uté norĩ zama sa'rata za'ra õ di. Duré ihi norĩ zama sa'rata za'ra õ di.

Ezodu 12:38

Tawamhã Izaraéu nhihudu norĩ oto wairébé wamhã, ma tô ni'wam norĩ hã Izaraéu nhihudu õ norĩ hã dazu wairé. Ma tô duré tinhimizama hã te te siré simro, Izaraéu nhihudu norĩ hã. Simizama ahâ uptabi za'ra di, pone'ẽrebâ norĩ na hã, pone'ẽrebâ zéré uzé norĩ na hã, duré powawẽ norĩ na hã.

Ezodu 13:6

Tahawa, 7 na bâdâ hã 're ne mono ré hã te za i'u'ẽtẽ duptoi'õ hã 're ihuri aba mo. 7 bâtâ na si te za oto dato hã asiwi 're i'manharĩ za'ra wa'aba mo, 'Re ihâimana u'âsi mono asiwi 're wazéb za'ra wa'aba mono sina.

Ezodu 3:18

— Tawamhã duré ãne tãma ĩzadaihu'u za'ra wamhã, te za ĩnhib'a'uwẽ norĩ aiwapari za'ra. Taha pari te za Izaraéu nhihudu norĩ ma i'rãnho'õmo norĩ me hã ai'aba'réi wa'wa, Ezitu te apito ma, nharĩ za'ra wa'aba da hã. Tahawa, te za ãne tãma inharĩ za'ra wa'wa za: “Uburé Danhib'apito, hebreu norĩ te 'Re ihâimana u'âsi mono, ma tô wama za'ra hã sihâi'ré. Tahawa, wama rowairébé za'ra na, a'ubuni wi rop si 're irosa'wari mono u wasi'aba'ré da. Tawamhã wasi'aba'réi ré te za si'ubdatõ bâdâ hã wa'ãma tineb za'ra, Uburé Danhib'apito wate 'Re ihâimana u'âsi mono ma, wanhimizama zata na tãma ãma wanhoprub za'ra da hã.”

Ezodu 5:1

Tawamhã Mozési norĩ Arãhã me, ma tô Ezitu te apito u tineb zahuré. Tahawa, te ãne tãma rowasu'u zahuré: — Uburé Danhib'apito, Izaraéu nhihudu norĩ te 'Re ihâimana u'âsi mono hã te tinha ãne: “Ĩnhib'a'uwẽ norĩ ma, te za irowairé, rop si 're irosa'wari mono u si'aba'ré da, tame niha bâtâ na ĩ'ãma 're iwata za'ra mono zém na dato isa'ẽne te te sima 're 'manharĩ za'ra mono da.”

Ezodu 5:3

Tawamhã Mozési norĩ Arãhã me, ma te ãma tãma wa'rãmi zahuré ãne: — Hebreu norĩ te, 'Re ihâimana u'âsi mono, ma tô wei watẽme mo, te te wama nharĩ da. Tahawa, ma'ãpé wama waprosi za'ra na, si'ubdatõ bâtâ 're wazâmorĩ da, rop si 're irosa'wari mono u, Uburé Danhib'apito, wate 'Re ihâimana u'âsi mono ma, ãma tãma wanhoprub za'ra da, danhimizama zata na hã. Wasi'aba'réi õ wamhã, wahâzé na, duré dasi'wapé na te za wama rob'manharĩ za'ra, wasi'utõrĩ da hã.

Provébiu 3:9

Ma'ãpé 'Re ihâimana u'âsi mono 're wazé mono, asimarĩ na duré amnho iwẽ imorĩ'rata na 're i'atehâri mono 'rã na tãma 're i'asõpru mono zém na.

Éfézu 6:4

Damama norĩ, ai'ra ma hã 're 'manharĩ wasété za'ra wa'aba mono õ di za, asada 're sahi za'ra wa'aba mono tõ da. Te za asimiroti wẽ na si 're ipawapto wẽ za'ra wa'aba mo, Wanhib'apito nhimiroti zarina, ai'ra norĩ wa'wa hã 're nomro wẽ mono da.

Zozué 24:15

Tane nherẽ, Uburé Danhib'apito ma, 're anomro aba mono da, asima wẽ za'ra wa'aba õ wamhã, ãhã na awa'awi na hã asima pisutu za'ra wa'aba, nimahã ãma si 're anomro aba mono da wamhã. Niha hã wamhã, te za tô asima irowairébé za'ra wa'wa, aihi'rata norĩ hã Mezopotãmia ãma, ihâiba'õ ãma 're iwata za'ra mono ma si 're anomro aba mono da hã, niha wamhã, amoreu norĩ te ihâiba'õ norĩ ma hã, ã hã ti'ai 're, 're ihâimana za'ra mono zéb ãma hã. Tane nherẽ, wa za tô wa norĩ hã wanhorõwa 're, 're iwahâimana za'ra mono norĩ hã Uburé Danhib'apito ãmap si 're wanomro.