Ezodu 10:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã Mozési norĩ Arãhã me, apito apâ sô hârâ zahuré wa, te te sina siri zahuré wamhã, ma tô ãne oto tãma rob'ru zahuré: — Te za oto ai'aba'réi wa'wa, Uburé Danhib'apito ate 'Re ihâimana u'âsi mono ãma si 're aiwata za'ra wa'aba mono da. Tane nherẽ, wa tô ĩsima wẽ, te iwaihu'u da si, ni'wam norĩ asiré wa'aba za isi'aba'ré da hã.

Ezodu 10:8 ပူးပေါင်းရင်းမြစ်များ

Ezodu 10:16

Tawamhã apito Fara'o, Mozési norĩ zô Arãhã me, awa'awi sô hârâ zahuré wamhã, te ãne tãma nharĩ zahuré: — Wa hã, tô sena wa tô Uburé Danhib'apito, ate za'ra wa'wa 'Re ihâimana u'âsi mono zada hã ĩwasété. Asada wa'aba zama wa tô duré ĩwasété.

Ezodu 10:24

Tawamhã apito Fara'o te sô hâ, Mozésihi zô. Tahawa te duré tãma tinha ãne: — Te za oto ai'aba'réi wa'wa, Uburé Danhib'apito ãma 're aiwata za'ra wa'aba mono da. Aimro norĩ zama, duré ai'ra wa'aba norĩ zama te za ãma isimroi wa'aba mo. Tane nherẽ, asimizama za'ra wa'wa pone'ẽrebâ norĩ hã, pone'ẽrebâ zéré uzé norĩ hã, duré powawẽ norĩ hã ãma asiwi simroi wa'aba mono õ di za, asiré. Rési ãna te za ãme aimasa.

Ezodu 12:31

Tawamhã tô ta bara na te apito Fara'o hã Mozési norĩ zô tihârâ zahuré, Arãhã me. Tawamhã te oto tãma rob'ru zahuré, sa'ẽtẽ ãne: — Ã hawi mo oto aiwairébé aba, uburé a norĩ wa'wa hã Izaraéu nhihudu norĩ me! Ĩte ti'ai wa'õtõ nho'u te za oto asiwi ĩré irẽme 'wa. A'ubuni u te za oto ai'aba'réi wa'wa, nasi ĩwi iwaptẽrẽ aba zéb zarina Uburé Danhib'apito uptabi ãma aiwata za'ra wa'aba da hã.

Ezodu 8:25

Tawamhã apito, Mozési norĩ zô, Arãhã me sô hârâ zahuré wamhã, te ãne tãma nharĩ zahuré: — Te za oto ai'aba'réi wa'wa, danhimizama zata na ate 'Re ihâimana u'âsi mono ma, ãma tãma asõprub za'ra wa'aba da. Tane nherẽ, danhimizama zata na Ezitu 're te za asõprubzé hã asiwi i'manharĩ 'wa.

Ezodu 8:8

Tawamhã apito Fara'o, Mozési norĩ zô Arãhã me hã ma tô sô tihârâ zahuré, te te ãne tãma nharĩ zahuré da: — Ma'ãpé, asib'apito 'Re ihâimana u'âsi mono ma tãma aimreme aba, uti zarãpré hã ĩnhiti, duré ĩnhib'a'uwẽ norĩ nhiti te te satõrĩ za'ra da. Tawamhã wa hã wa za asib'a'uwẽ norĩ ma hã waprosi za'ra, za si'aba'ré da, Uburé Danhib'apito uptabi ma, abaze da te 're izata za'ra mono na tãma 're sõprub za'ra mono da hã.

Ezodu 9:28

Ma'ãpé, Asib'apito wa'aba ma, aimreme aba. Tãirãrã hã tã ipĩni nhama ré hã sipari zahuré hâ. Pipa uptabi di! Tawamhã ai'aba'réi wa'aba da hã wa za oto aima waprosi za'ra wa'wa. Tawamhã duré oto i'asimipari zahu aba da hã mare di za.