Ezodu 10:3 - ꞌRe Ihâimana Uꞌâsi Mono Zadawa Wasuꞌu

³ Tawamhã Mozési norĩ, Arãhã me, Ezitu te apito u neb zahuré wamhã, ma tô ãne tãma rowasu'u zahuré: — Uburé Danhib'apito, hebreu norĩ te 'Re ihâimana u'âsi mono, te we ãne aima tinha: “E momo te za aiwapu na aihâimana da, asima iwẽ'õzé aihâimana na ãma i'uzusi mono zé ĩnho'remhã ti'rãsutu. E niwa te za ĩma aiwairo. Tahawa te za oto ãhã na ĩnhib'a'uwẽ norĩ ma iwaprosi za'ra, ate ti'ai wa'õtõ nho'õmo hawi wairébé da, ĩ'ãma si oto 're wata za'ra mono hâ.

Ezodu 10:3 ပူးပေါင်းရင်းမြစ်များ

Ezodu 10:4

Mare wamhã, awẽ wa za 'ridi hã ahâ uptabi na ate ti'ai wa'õtõ nho'õmo u hã waze.

Ezodu 16:28

Tahawa, Uburé Danhib'apito te Mozésihi ma tinha ãne: — E momo te za ĩnhimirowaihu'u na, duré ĩnhimiroti na ĩwapari za'ra wa'aba õ zém na i'aihâimana za'ra wa'aba zé hã i'rãsutu za'ra wa'wa.

Ezodu 4:23

Wa tô aima nharĩ pa, ĩ'ra norĩ ma, waprosi da, asa'rui hawimhã wairébé da, ĩ'ãma si oto 're wata za'ra mono da. Tazahã a hã tãma waprosi za'ra õ di, wairébé da hã. Tahawa, wa za ai'ra aibâ na ãma irosõwada 'rada hã aiwi tiwĩ.”

Ezodu 5:1

Tawamhã Mozési norĩ Arãhã me, ma tô Ezitu te apito u tineb zahuré. Tahawa, te ãne tãma rowasu'u zahuré: — Uburé Danhib'apito, Izaraéu nhihudu norĩ te 'Re ihâimana u'âsi mono hã te tinha ãne: “Ĩnhib'a'uwẽ norĩ ma, te za irowairé, rop si 're irosa'wari mono u si'aba'ré da, tame niha bâtâ na ĩ'ãma 're iwata za'ra mono zém na dato isa'ẽne te te sima 're 'manharĩ za'ra mono da.”

Ezodu 9:17

Tane nherẽ, te zahadu a hã 're i'asi'madâ'â zei mono na aihâimanazém na hã ãma i'uzusi mo. Tahawa duré ĩnhib'a'uwẽ si'aba'ré da, tãma irowairébé za'ra da hã asima wẽ õ di.

Provébiu 1:22

— Isimiza'rese'õ norĩ! E momo te za i'rãsutu za'ra wa'wa, asimiza'rese'õ na 're i'aihâimana za'ra wa'aba mono zé hã. E niwa te za rowaihu iwẽ na aiwa'ẽ ze zé hã iwaihu'u za'ra wa'wa. E niwamhã bété ãne na hã asiwaihu'u za'ra wa'aba õ di.

Provébiu 1:24

Asô ĩhârâ aba zé hã ma tô asiwi iwẽ'õ wa'wa. Duré asô ĩnhimiwẽ za'ra wa'aba wamhã, ni'wa hã te te ĩ'ãma sasõmri õ di.

Provébiu 18:12

'Râwi 're idasi'madâ'â ze za'ra mono na hã te za ãma 're dasiwamnarĩ za'ra. Tane nherẽ, ni'wa dama wapu na 're isi'madâ'â mono zarina, te za da te dasiwi 're wazé pese.

Daniéu 5:22

— Apito Béusaza, a hã õhõ 'ra 're aihâimana mono wa, ãne hã uburé aima waihu'u pese nherẽ, te 'râwimhã 're asi'madâ'â zei u'âsi mono na hã 're aihâimana siroptu mo.

Roma 2:4

Ãté te za ãne asima 're inharĩ za'ra wa'aba mo: “'Re ihâimana u'âsi mono hã simizawi pese uptabi di. Dasi'uihâ na dawasédé hã da te 're 'manharĩ u'âsi za'ra mono nherẽ, da'ãma 're wa'a su'u mono õ di. Tahawa, ĩwasédé te 're 'manharĩ mono nherẽ, te te 're ĩ'ahâri su'u mono õ di.” Ãne hã asi'uihâ na asi'ãma 're rosa'rata za'ra wa'aba mono õ di za. 'Re ihâimana u'âsi mono hã aiwasété wi 're aipizari za'ra wa'aba mono da si, te simi'ẽ na te te 're ai'madâ'â za'ra wa'wa, simizawi pese uptabi na. E ãne hã zahadu aima waihu'u za'ra wa'aba õ di bété.

Hebreu 12:25

Tahawa, te za 're asi'madâ'â pese za'ra wa'aba mo, 'Re ihâimana u'âsi mono hã te te aima 're rowasu'u za'ra wa'aba mono wamhã, tiwi 're asipo're nhitob za'ra wa'aba mono tõ da. Duréihã Sina'i na ẽtẽ 'rãihâ nhisi ãma, 'Re ihâimana u'âsi mono ti'ai u te te we dama rowasu'u wamhã, isimiroti wapari'õ'wa norĩ hã wairébé õ di, te te idahâ za'ra zé wi hã. Wa norĩ hã bété. E 'Re ihâimana u'âsi mono hã hâiwa hawi te te wei wama 're aroti wẽ mono nherẽ, tiwi 're wasipizari za'ra mono wamhã, e isimihâzé wi wasi'uihâ na 're wawairébé mono da bâ, wa za bété wanhimipari ãna hã 're wanomro u'âsi.

Tiagu 4:10

Aihâimana wẽ na tãma 're asiwasu'u za'ra wa'aba mono õ di za, Danhib'apito uptabi ma hã, asina 're aiwata za'ra wa'aba mono tõ da. Aihâimana wasété na si te za tãma 're asiwasu'u za'ra wa'aba mo. Tawamhã robzei'õ hawi te za ai'ãma 're sisaprĩ za'ra wa'wa, rowẽ na oto 're aihâimana za'ra wa'aba mono da.

1 Pedru 5:6

Ãhã wa, te za Wamama ma 'râwi aiwapu na 're asi'madâ'â za'ra wa'aba mo, taha si waihu'u pese uptabi na 're hâimana mono wa. Ãne wamhã, bâdâ te te ai'ãma sima ipisutu za'ra wa'aba zém na, te za ai'ãma uwaimrami za'ra wa'wa, aipire na oto dama 're i'aihâimana za'ra wa'aba mono zéb da hã.