Ezodu 10:2 - ꞌRe Ihâimana Uꞌâsi Mono Zadawa Wasuꞌu

² Ta hã ãne na ĩnhimi'manharĩzé ai'ra norĩ ma zama 're wasu'u za'ra wa'aba mono da, duré asihudu norĩ wa'aba ma, ezipsiu norĩ simiza'rese'õ ne ihâimana za'ra zém na ĩnhimiromhõsi pipa te tãma ĩ'manharĩ za'ra zéb zarina. Ãne da, wa tô a'â wa hã nasi 'rãnhitob za'ra. Ãne zarina te za a norĩ wa'wa hã duré asiwi ĩwaihu'u 'wa, wa hã Uburé Danhib'apito na hã.

Ezodu 10:2 ပူးပေါင်းရင်းမြစ်များ

Salmu 44:1

'Re ihâimana u'âsi mono, wahi'rata norĩ te te wama 're irob'rãzarõtõ za'ra mono wasu'u zé hã wa tô wapo're na wa te 're wapari za'ra, duréihã ta norĩ 're hâimana za'ra mono ré, uburé marĩ iwẽ 're i'a'manharĩ mono zém na hã.

Salmu 44:2

A'uwẽ aimawi norĩ, ai'ãma isimizazei'õ 're ihâimana za'ra mono, a hã isipti'ai hawi 're sani za'ra mono wa, asib'a'uwẽ norĩ oto iwa 're iséme za'ra mono zém na zama ma tô duré te te wama 're wasu'u za'ra. Tô õ norĩ a'uwẽ aimawi norĩ ma, niha na tãma 're rob'manharĩ za'ra mono wa, asib'a'uwẽ norĩ ma, iwẽ na si oto 're romhâimana za'ra mono da, 're i'apawapto mono na hã ma tô duré te te wama 're wasu'u za'ra.

Salmu 78:3

niha na marĩ wa te 're iwapari za'ra mono hã, duré wa te 're iwaihu'u za'ra mono hã, wahi'rata norĩ te te wama 're iwasu'u za'ra mono zé hã.

Ezodu 13:14

Tawamhã niwa apto'oré ai'ra norĩ, marĩ te te iwasu'u na te te ãma 're asadanharĩ za'ra wa'aba mono wamhã, te za ãma 're isada'âbâ za'ra wa'aba mo, ãne: “Uburé Danhib'apito tiwaihu'u pese na ma tô Ezitu ãma wapawa'âbâ ãna wa te 're iromhuri za'ra mono zém hawimhã we wa'awaze.

Ezodu 14:18

Wa hã ezipsiu norĩ ãma te ai'uté za'ra wamhã, te za siwi ĩwaihu'u, wa hã Uburé Danhib'apito na 're ĩhâimana u'âsi mono na hã.

Ezodu 14:4

Wa hã wa za apito Fara'o pẽ'ẽ tete na hâimana da hã tãma 'manha, asarina za'ra wa'aba 're morĩ da a'â. Tane nherẽ, apito ãma duré ite dasi'wapéi 'manharĩ'wa norĩ ãma hã wa za ai'uté za'ra, ãne na ĩwaihu'u pese zé hã te tãma hâi'ré za'ra da. Ãhã wamhã, te za ezipsiu norĩ siwi ĩwaihu'u, wa hã Uburé Danhib'apito 're ĩhâimana mono na hã. Tawamhã Izaraéu nhihudu norĩ ma tô imreme zarina 'manharĩ za'ra.

Ezodu 7:17

Tahawa 'Re ihâimana u'âsi mono te ãhã na aima tinha: Marĩ te te i'ab'manharĩzé mono na te za Uburé Danhib'apito na hã iwaihu. Apito, ã hã ĩnhiwã ĩnhib'rata ihâimana na wa za asõ'a â hã azâ. Tawamhã te za â wapru na si'manha.

Ezodu 7:5

Tawamhã wa hã, ezipsiu norĩ te hâ za'ra da, oto ĩnhib'rada te sarõtõ wamhã, duré ihawib za'ra Izaraéu nhihudu norĩ te sani za'ra wamhã, te za ezipsiu norĩ hã siwi ĩwaihu'u, wa hã Uburé Danhib'apito uptabi na.

Ezodu 8:6

Tawamhã Arã, Ezitu ãma â nhisiwi tinhiwã te te wẽ wamhã, ma tô uti zarãpré rob u wairébé. Tahawa, ma tô uburé ti'ai wa'õtõ nho'õmo 'remhã nemo te te suwa.

Zuéu 1:3

Ma'ãpé ai'ra norĩ wa'aba ma, tãma 're wasu'u za'ra wa'aba mono, ã hã marĩ iwatobrozé hã, ta norĩ zama ti'ra norĩ ma, tinhihudu norĩ ma, duré tinhihudu sidâpâsi te te tãma 're wasu'u za'ra mono da.

Éfézu 6:4

Damama norĩ, ai'ra ma hã 're 'manharĩ wasété za'ra wa'aba mono õ di za, asada 're sahi za'ra wa'aba mono tõ da. Te za asimiroti wẽ na si 're ipawapto wẽ za'ra wa'aba mo, Wanhib'apito nhimiroti zarina, ai'ra norĩ wa'wa hã 're nomro wẽ mono da.