Ezodu 1:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã ta hã ma tô tinhib'a'uwẽ norĩ ma nharĩ za'ra ãne: — Ĩwapari pese za'ra wa'aba. Izaraéu nhihudu norĩ isiptede wanhipai u za'ra waptu na ma tô sina hâ.

Ezodu 1:9 ပူးပေါင်းရင်းမြစ်များ

Zenezi 26:16

Tawamhã Abimelequi, te Izaquihi ma, nimahã bâtâ na tãma tinha ãne: — Te za oto aimo, wanhipti'a za'ra hawimhã. Asiptete uptabi na te wama za'ra hã 're aihâimana mo.

Zenezi 46:3

Tawamhã 'Re ihâimana u'âsi mono, te ãne tãma tinha: — Wa hã 'Re ihâimana u'âsi mono, aimama te, 'Re ihâimana u'âsi mono na 're ĩhâimana mono. Tahawa aipahi ãna ma'ãpé aimorĩ, Ezitu u hã. Tame wa za asihudu norĩ, ahâ uptabi na sitébré da hã tãma pisutu za'ra, a'uwẽ misi ãma isitom na dama siptete na 're hâimana za'ra mono da.

Ezodu 5:5

Tahawa, te duré tãma nharĩ zahuré ãne: — Ãhã na awa'awi na Izaraéu nhihudu norĩ, ã hã ti'ai wa'õtõ nho'õmo 're, daza'rui mono bâ ahâ na 're hâimana za'ra mono nherẽ, te a norĩ wa'wa tinhimiromhuri te te wawi rẽme za'ra da hã asima iwẽ wa'wa.

Provébiu 14:28

Danhib'apito hã da'ahâ uptabi ma, isi'i'rãnho'õmo na 're hâimana mono wamhã, taha si te sa'ẽtẽ na hã dama 're hâimana. Tahawa, marĩ dai õ di, da'umro ma nherẽ, 're idasi'i'rãnho'õmo za'ra mono hã.

Provébiu 27:4

Danhiti'ru hã, da'ãma dasiba'õzé, te 're hâimana. Dahâimana wẽ uprosi'wa, te duré 're hâimana. Tane nherẽ, marĩ na da te 're ida'ruiwapari za'ra mono zé hã wasété uptabi di, isipai u.

Titu 3:3

Wa norĩ zama hã, Cereta nhihudu norĩ ne, wanhimiza'rese ãna, wa aré tô 're wanomro. Wapo're'õ u'âsi, wa aré 're wahâimana za'ra. Dazadawa nhipese na ma tô da te wama 're rob'rãmi za'ra. Uburé marĩ hã sipu'u pese na, wa tô aré wa te wasima 're wẽ za'ra, iwẽ newa, ãma wama 're robze za'ra mono da hã. Wa tô duré wa te dama 're rob'manharĩ wasété za'ra. Danhimarĩ na da'ruiwapari hã ma tô aré duré wama 're hâimana za'ra duré. Wawasédé hã wa te 're 'manharĩ za'ra mono 'ru te, ma tô aré da te 're wa'ruiwapari za'ra. Wa norĩ wa norĩ zama asa wa te 're da'ruiwapari za'ra aré.

Tiagu 4:5

Duréihã ma tô ãne imreme na rob'ui'éré, 'Re ihâimana u'âsi mono zadawa 'mahârâ'wa hã, ãne: “Wamama, Tipẽ'ẽzani te te wama 're isõmri mono hã, wapẽ'ẽ 're wama 're hâimana za'ra mono da, te te sima 're wa'awẽ uptabi, Wamama zawi'wa na oto 're wanomro mono da.” E taré ma tô ãne na hã rob'ui'éré, ibaihâ na hã. Mare di. Taré te te ãma rob'ui'éré õ di. Tô sena ma tô ãma rob'ui'éré.