Esdra 9:6 - ꞌRe Ihâimana Uꞌâsi Mono Zadawa Wasuꞌu

⁶ wa tô tinha ãne: — 'Re ihâimana u'âsi mono, ĩma rowazéb uptabi di. Tahawa, tô asõ're ĩ'rãiwahutu da hã, ĩma rowazéb uptabi di. 'Re iwawasété za'ra mono zém na hã wa tô ãma 're wasi'rã ubu pese za'ra. Duré 're wawasété za'ra mono wa, wawasédé wa'ãma 're i'aza'ra za'ra mono zé hã te hâiwa u te te sina 're hâimo u'âsi.

Esdra 9:6 ပူးပေါင်းရင်းမြစ်များ

Zenezi 13:13

a'uwẽ wasété uptabi na si 're ihâimana za'ra mono ãma, tiwasété si 'Re ihâimana u'âsi mono zada, te te 're i'manharĩ za'ra mono zéb ãma.

Esdra 9:13

Wawasété u'âbâ, duré wa te ãma 're i'upa za'ẽtẽ za'ra mono u'âbâ, niha na marĩ na 're wa'ahâ za'ra mono wa, ma tô ãne na uburé marĩ hã wama 're hâimana za'ra, robzépata za'ẽtẽ zé hã. Tane nherẽ, ã hã wa tô wasina waihu'u za'ra ni, a hã, 'Re ihâimana u'âsi mono, ãne 're wahâimana za'ra mono nherẽ, suru na wama 're irob'manharĩ za'ra mono zém na hã. Duré ma tô wama irowairébé za'ra, a'â wahâiba ré 're wahâimana za'ra mono da.

Esdra 9:15

Uburé Danhib'apito, Izaraéu nhihudu norĩ te 'Re ihâimana u'âsi mono, a hã tô sena i'uwaibaba na si te dama 're i'arowairébé u'âsi mo. Tahawa, duréi hawim haré ã bâtâ u zahadu wahâiba ré na 're wahâimana za'ra mono da hã ma tô duré a hã wama irowairébé za'ra. Wa norĩ hã wa te ãma 're i'upa za'ra mono zém na hã, wa ãhã na aima hã 're wasiwẽ'õ za'ra. Tane nherẽ, atõmo nho'a 're iwasimasa mono da hã, ibâi õ di.

Neemia 1:6

'Re ihâimana u'âsi mono, ma'ãpé we ĩ'madâ'â. Bâtâ na duré mara na zama ĩmreme na te aiwi 're irowaptẽrẽ mono zé hã ma'ãpé 're wapari mono, asib'a'uwẽ Izaraéu nhihudu norĩ hâiba na hã. Wa hã Izaraéu nhihudu norĩ me wawasédé wa te 're i'manharĩ za'ra mono na hã wa aima ĩsiwasu'u. Wahi'rata norĩ hawim na wa wawasété na hã 're wahâimana za'ra tô.

Ezodu 32:31

Tawamhã Mozési, Uburé Danhib'apito ihâimanazéb u apâ morĩ wamhã, te ãne tãma tinha: — Ã norĩ a'uwẽ hã ma tô tiwasété pese za'ra. Ma tô ẽtẽ waipo pré oru na ihâiba'õ norĩ poto awã te te siwi i'manharĩ ãma hã tiwata za'ra.

Luca 15:21

Tawamhã te timama ma tinha, ai'repudu hã, ãne: “Ĩmama, ĩwasété na, wa tô 're mo. 'Re ihâimana u'âsi mono nhimiroti hã, wa tô upa. Asimiroti zama, wa tô duré upa. Ĩwasété wa, ãté ĩ'ãma 're ai'ra mono õ di za.” Ãne te timama ma tinha, ai'repudu hã.

Luca 18:13

— Tanei õ di, rob'uiprazé arĩ ubumroi'wa hã. Hâiwi te za, romhâ na. Te ti'rã po. 'Râwi siwẽ'õ wa, 'rãi wahutu õ di. Ãne te tãma siwasu'u: “'Re ihâimana u'âsi mono, wa hã ĩwasétére di. Ĩwasété wa, ĩ'ãma aipẽ'ẽzé na, ĩwasédé hã ĩma pari da.”

Roma 6:21

Aiwasété na si 're aihâimana za'ra wa'aba mono ré, e marĩ ma tô aima 're hâimana za'ra wa'wa, 're i'manharĩ za'ra wa'aba mono zé wa'rãmimhã, ãma aima 're irowẽ za'ra wa'aba mono zéb da hã. Robaba di. Taha na asimi'manharĩ wasété za'ra wa'aba zém na ãma 're aséb za'ra wa'aba mono di oto. Ãne si, da te 're 'manharĩ u'âsi za'ra mono wamhã, dapẽ'ẽ 're, dadâ'â u'âsi ne, te za tô 're dahâimana za'ra.

Apocalipsi 18:5

Marĩ hã da te 're isibu 'rãihâ za'ra mono ne, ma tô Babilonia ãma 're idawasété za'ra mono zé hã tinhibu 'rãihâ pese, hâiwa u. Tawamhã 'Re ihâimana u'âsi mono hã ma tô ãma sipo're pu'u, Babilonia ãma 're idawasété uptabi za'ra mono zéb ãma.