Esdra 9:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã tame wa tô ĩhâimana zei'õ na hã a'â nhamra, hâiwahâ tẽme danhoprub zata zéb u. Tawamhã ni'wam norĩ ma tô oto si'rã'õtõ da hã siwi ĩ'uirĩ, Izaraéu nhihudu norĩ te 'Re ihâimana u'âsi mono, Babilonia hawi isi'aba'ré norĩ tiwasédé te te 're i'manharĩ za'ra mono zém na te te inharĩzé ma, ipahi za'ra norĩ hã.

Esdra 9:4 ပူးပေါင်းရင်းမြစ်များ

Esdra 10:3

Tahawa, ãhã na awa'awi na wa za ipire na ropisutu za'ra ni, wate 'Re ihâimana u'âsi mono nho'remhã, pi'õ norĩ ma, 'ra ré si'aba'ré da, wa te tãma irob'ru za'ra zéb zarina. Ãne wa za asimiroti hã duré wate 'Re ihâimana u'âsi mono nhimiroti te te 're iwazéb za'ra mono norĩ mreme zama wasiwi 'manharĩ ni. Ãne wa za tô 'Re ihâimana u'âsi mono nhimiroti te te i'ruzé hã 'manharĩ za'ra ni.

Esdra 10:9

Ãne wa, Zuda ãma, duré Bẽzami ãma uburé aibâ norĩ 're ihâimana za'ra mono si'ubdatõ bâtâ 're a'amo hã 9 ãma, duré bâdâ hã 20 na ihâimana ãma ma tô Zeruzalẽ u aihutu. Tahawa, ma tô si'rã'õtõ, 'Re ihâimana u'âsi mono nhorõwa nho'remhã, sõ'awi. Tawamhã taha siwaprã, tã ipini nhiptede ta'a wa, duré roti ipire zô isi'rã'õtõ siwaprã, ma tô uburé tipopo'o za'ra.

Salmu 119:136

Ĩtõmo'u te panho'õmo ne ĩwi 're praba, asimiroti da te dasiwi 're 'madâ'â pese mono õ wa.

Daniéu 10:2

Tahawa, si'ubdatõ romhuri 're, wa tô aiwa'õ.

Daniéu 9:21

Zahadu te rowaptẽrẽ ré, tô õ hã hâiwa ãma romhuri'wa Gabriéu, ĩnhotõ 'rowim ne ĩtõmo na te i'madâ hã, ma tô hâiwa hawi sa'ẽtẽ we wara. Ma tô ĩ'rata mazazâ 'râwi, si'ubdatõ ãma bâtâ za'ratazéb ãma, marĩ zata na 're idanhoprub za'ra mono zé bâtâ ãma hâiwahâ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:1

Tawamhã nimahã bâtâ na ma tô Pedru norĩ hã dame tineb zahuré, Zuwãhã me, 'Re ihâimana u'âsi mono nhorõwa 'ri u hã. Bâdâ sipi'rai wi, te dame tineb zahuré, 'Re ihâimana u'âsi mono ãma 're idawata za'ra mono zé bâtâ na.