Esdra 9:11 - ꞌRe Ihâimana Uꞌâsi Mono Zadawa Wasuꞌu

¹¹ asadawa 'mahârâ'wa norĩ nho'õmoi baba wama isõmri za'ra hã. Ta norĩ hã ma tô te te 're wapo're pu'u siromo za'ra, ãma wanhipti'a za'ra da, ti'ai u za iwanhisisi hã iwẽ'õ 're isa'wari mono na hã. E marĩ wa. Taha 're, a'uwẽ norĩ ti'a zada'ré si'uiwa na tinhimi'manharĩ wasété uptabi na ro hã te te siwi 're sito mono wa.

Esdra 9:11 ပူးပေါင်းရင်းမြစ်များ

Esdra 6:21

Tawamhã uburé Izaraéu nhihudu norĩ, Babilonia hawi apâ te te sina isiri za'ra norĩ hã ma tô danhimizama na ãma 're idanhoprub za'ra mono nhi hã tihu. Duré a'uwẽ iwasédé Cana'ã ãma 're ihâimana za'ra mono norĩ hâimanazé te te irẽme za'ra, duré Uburé Danhib'apito, Izaraéu nhihudu norĩ te 'Re ihâimana u'âsi mono ãma oto 're wata za'ra mono da, tihâimanazém na te te isaprĩ za'ra norĩ zama hã ma tô duré romnhi hã dame tihu.

Esdra 9:1

Tawamhã ãne hã uburé da te 'manharĩ za'ra pari, ni'wam norĩ Izaraéu nhihudu norĩ ma i'rãnho'u hã ma tô we ĩtẽme ai'aba'ré, te te ĩma rowasu'u za'ra da, ãne: “A'uwẽ Izaraéu nhihudu norĩ, sasedoti norĩ, duré levita norĩ, tisiré a'uwẽ'õ norĩ 're ihâimana siwamnarĩ za'ra mono zé wi 're sisawi za'ra mono õ di, cananeu norĩ wi, hitita norĩ wi, perizeu norĩ wi, zebuzeu norĩ wi, amonita norĩ wi, moabita norĩ wi, ezipsiu norĩ wi, duré amoreu norĩ wimhã.

Esdra 9:10

— 'Re ihâimana u'âsi mono, e niha uburé marĩ hâimana parim nherẽ, wa za bété nharĩ za'ra ni, niha na, ãhã awa'awi na hã. Wa norĩ hã wa tô uburé asimiroti hã rẽme za'ra ni,

2 Corĩtu 7:1

Ĩsisãnawã norĩ, ĩma asawi pese za'ra wa'aba norĩ, ãne hã uburé 'Re ihâimana u'âsi mono te te wama 're i'aropisutu mono zé hã, oto wama 're hâimana za'ra mono wa, uburé marĩ iwasété wi, wa za 're wasi'madâ'â pese za'ra, ãma 're wasihâiba wasété za'ra mono tõ da, duré 'râwi wapẽ'ẽ 're, ãma 're wasiwasété za'ra mono tõ da. Tahawa, 'Re ihâimana u'âsi mono hã wa za wa te wasiwi 're wazé pese za'ra. Wa za duré tãma 're wasisõmri u'âsi za'ra, ãma 're wanomro wẽ u'âsi mono da.