Tawamhã Zuda ma te ãma sada'â: — Apito, e niha wa za marĩ na aima wasiwasu'u za'ra ni. E niha na wa za duré marĩ na wasiwi asada'âbâ ni. E niha wa za wawasété za'ra ne wahâimanazé hã wasima hiri wẽ za'ra ni. Waihu'u õ di. 'Re ihâimana u'âsi mono, ma tô wawasédé wa te ĩ'manharĩ za'ra zém na wawi a'upsibi me. Ãhãta wa ãme wa norĩ hã uburé wahâimana za'ra ni. Tahawa wa za aihĩni wa norĩ hã hâsizé ite sa'ui 're inomro me, wapawa'âbâ ãna wa te aima 're romhuri za'ra taré.
Esdra 9:10 - ꞌRe Ihâimana Uꞌâsi Mono Zadawa Wasuꞌu10 — 'Re ihâimana u'âsi mono, e niha uburé marĩ hâimana parim nherẽ, wa za bété nharĩ za'ra ni, niha na, ãhã awa'awi na hã. Wa norĩ hã wa tô uburé asimiroti hã rẽme za'ra ni, အခန်းကိုကြည့်ပါ။ |
Esdra 9:10
10 ပူးပေါင်းရင်းမြစ်များ
asadawa 'mahârâ'wa norĩ nho'õmoi baba wama isõmri za'ra hã. Ta norĩ hã ma tô te te 're wapo're pu'u siromo za'ra, ãma wanhipti'a za'ra da, ti'ai u za iwanhisisi hã iwẽ'õ 're isa'wari mono na hã. E marĩ wa. Taha 're, a'uwẽ norĩ ti'a zada'ré si'uiwa na tinhimi'manharĩ wasété uptabi na ro hã te te siwi 're sito mono wa.
Wa norĩ hã wa tô aré danhib'a'uwẽ wa, wapawa'âbâ ãna wa te 're romhuri za'ra. Tane nherẽ, taha 'remhã warẽme za'ra õ di. A hã ma tô Persia nhib'apito norĩ hã i'rãipizari za'ra, iwẽ si te te wama 're 'manharĩ za'ra mono da. Taha zarina ma tô asõrõwa 'ri hã apâ wa te wasiwi wahutu da hã wama sa'ré za'ra, da te aré dasiwi i'ri pru pe hã. Ma tô duré wama sa'ré za'ra, ãme Zuda ãma, duré Zeruzalẽ ãma wasima iwẽ na 're wahâimana za'ra mono da, 'ri 'wawi wa'ra 'rãihâ 'rem ne.
Tane nherẽ, wahup sidâpâsi ta norĩ ãmamhã 're aiwa'a su'u mono õ di. Duré Aipẽ'ẽzani, asadawa 'mahârâ'wa nho'õmoi babamhã ma tô te te tãma 're pri'i za'ra. Tane nherẽ, ma tô asib'a'uwẽ norĩ hã po're nhidâ haré 're hâimana za'ra. Tahawa ma tô duré iwaptoma 're idahâimana za'ra mono norĩ ma, isib'ratab za'ra tãma 're i'anhomri u'âsi mo.
Duréihã 'Re ihâimana u'âsi mono nhimiroti na ma tô Mozési hã rob'ui'éré, zudeu norĩ ma, õhõ na si ãma 're hâimana za'ra mono da. Tahawa, 'Re ihâimana u'âsi mono nhimiroti 'rata na rob'ui'éré hã 're hâimana siromo mono wa, ni'wa hã tiwẽ na 're imorĩ wasété õ na dama 're siwasu'u waihu'u mono õ di. Uburé dawasété na 're dasisãmri za'ra mono da si, te dama 're hâimana, rob'ui'éré 'rada hã, duré 'Re ihâimana u'âsi mono, dawasété na te te 're ida'awẽ'õ mono zé hã da te dasina 're waihu'u za'ra mono da.
ကြော်ငြာတွေ