Esdra 8:16 - ꞌRe Ihâimana Uꞌâsi Mono Zadawa Wasuꞌu

¹⁶ Tahawa, 9 na dama i'rãnho'õmo norĩ hã wa tô waibu, ã norĩ hã: Eriézé, Ari'é, Semaia, Elnatã, Zaribe, Elnatã ihâiba amo, Natã, Zacaria, duré Mesulã. Tawamhã duré maparane dama romnhoré'wa norĩ hã wa tô timra, Zoiaribe norĩ hã Elnatãhã me, rowaihu'u pese 'wa norĩ hã.

Esdra 8:16 ပူးပေါင်းရင်းမြစ်များ

Esdra 10:21

Harĩhĩ hawi a'uwẽ norĩ hã: Maaséia, Eliasi, Semaia, Zei'é, duré Uzia.

Esdra 8:15

Tawamhã wa hã Esdra, 'rinho'u Aava na isisi tẽme â hã 're ipraba mono 'rata, wa tô uburé a'uwẽ norĩ hã 'rã'õtõ. Tame wa tô si'ubdatõ bâtâ na wa te wasima i'ri nhoré mono zéb ãma ai'ubumro ni. Tawamhã duré tame a'uwẽ norĩ, atãma na te ab'madâ'â pese mono wamhã, wa tô sasedoti norĩ dawazari isi'ubumro hã sãmri za'ra. Tane nherẽ, levita norĩ dasiré hã 'maihâimana õ di.

Esdra 8:17

Tahawa, Casifia na romnhisi ãma danhib'ihâ'a Idoho zô, wa tô satõrĩ zahuré, sô rĩtĩ zahuré mono da, te te sõpẽtẽ zahuré wa, duré isiré 'Re ihâimana u'âsi mono ãma 're idawata za'ra mono zé 'ri 're, te te aré 're iromhuri za'ra mono norĩ ma, te te tãma nharĩ za'ra da, tô ãme ãhã 'ri 're romhuri'wa da, te te we watẽme 'mazatõrĩ za'ra da.

Esdra 8:18

Tawamhã 'Re ihâimana u'âsi mono iwẽ na te te wapawaptob za'ra wa, ma tô aibâ Serebia na isisi marĩ tãma iwaihu'u pe hã wei watẽme satõrĩ za'ra, levita Malihi hawi a'uwẽ hã. Tahawa, ma tô 18 na i'ra norĩ hã duré isisãnawã norĩ hã we isiré ai'aba'ré.

Provébiu 2:6

Uburé Danhib'apito si rowaihu'u wẽ nhomri'wa hã. Ta hawip si te duré da'rã nhimiza're hã we 're ne.

Provébiu 20:5

Dapẽ'ẽ 're, 're idanhimirosa'rata za'ra mono zé hã aiwa ab're 'rehâ 're, â ihâimana ne hã. Tane nherẽ, ni'wa i'rãi waihu'u wẽ ma hã tãma waihu'u pese di, te te dawi 're i'ahâi'ré mono da hã.

Provébiu 28:2

Danhipti'ai 're, 're idahâimana za'ra mono wasété zarina, te za dama i'rãnho'õmo norĩ hã da te ãma 're saprĩ u'âsi za'ra. Tane nherẽ, dama i'rãnho'u sena na i'rãiwaihu'u na dama 're hâimana za'ra mono wamhã, te za simiroti nhiptete na te te dama 're rob'madâ'â za'ra, niha hã marĩ hã hâimana tõ da hã.

Daniéu 2:21

Õhõ si te za niha hã we 're iromhâimana mono zém na hã te te ãma 're azaprĩ. Õhõ si te za duré apito da hã te te 're da'a'maza. Õhõ si te za duré apâ te te 're da'azani. Duré õhõ si te za rowaihu'u pese 'wa norĩ ma hã rowaihu iwẽ hã te te tãma 're anhomri. Õhõ si te za duré i'rã nhimiza'rese norĩ ma hã isimiza'rese wẽ hã te te tãma 're anhomri.

2 Timotiu 2:7

Ma'ãpé, ãma 're rosa'rata u'âsi mono, te aima irowasu'uzém na hã. Ãne wamhã, Wanhib'apito hã te za te te 're aipawapto, ãhã wasu'u na hã ãma 're awaihu'u mono da.

1 Zuwã 5:20

Ãne wa tô duré waihu'u za'ra ni. Zezusi hã, 'Re ihâimana u'âsi mono 'ra hã ma tô wei mo, ti'ai u. Ta hã ma tô tinhimiroti na te te 're wa'apawapto, 'Re ihâimana u'âsi mono hã tô sena uptabi hã wa te 're iwaihu'u pese za'ra mono zéb da hã. I'ra ãma, Zezu Cristuhu ãma 're wanomro mono wa, wa duré Imama ãma 're wanomro, tô sena uptabi 're ihâimana mono ãma. Zezusi hã, ta hã uburé Danhib'apito uptabi. Ta hã dapẽ'ẽ 're dadâ'â ãna 're idanomro u'âsi mono zé hã, te te dama 're i'apisutu mono. Ãne na wa tô wasiwi waihu'u pese za'ra ni.