Esdra 7:6 - ꞌRe Ihâimana Uꞌâsi Mono Zadawa Wasuꞌu6 Esdra hã rowaihu'u pese 'wa. Duré Uburé Danhib'apito, Izaraéu nhihudu norĩ te 'Re ihâimana u'âsi mono, Mozésihi ma, tinhimiroti na rob'ui'éré hã te te tãma isõmri waihu'u wẽ 'wa, te 're mo. Tawamhã ta hã ma tô apito Artazesihi u hã mo. Morĩ wamhã, ma tô uburé te te tiwi iwaptẽrẽzé hã tãma tisõ. E marĩ wa. Uburé Danhib'apito, Esdraha ma, iwẽ si te te tãma 're apisutu mono wa. Ãne ma tô ta hã Babilonia hawimhã mo, Zeruzalẽ u hã, အခန်းကိုကြည့်ပါ။ |
Esdra 7:6
40 ပူးပေါင်းရင်းမြစ်များ
Tane nherẽ, tite za'ra 'Re ihâimana u'âsi mono tõmobre, ma tô zudeu ma, i'rãnho'õmo norĩ hã tihâimana za'ra. Tahawa Persia ãma dama ipire norĩ hã ma tô marĩ te te a'â 'manharĩ za'ra tõ da, ãma sima rowairébé za'ra, apito Dariuhu ma, za taha na te te ãma iromnhihâtâ za'ra zé wa'rãmi, te te ãma sada'âbâ za'ra õ ré hã.
Tawamhã 7 bâtâ 're, ma tô i'u'ẽtẽ duptoi'õ na dato hã siwi 'manha, to za'ẽtẽ za'ra sina. Tahawa, tãma hã rowẽ uptabi za'ra di, Uburé Danhib'apito hã, Asiriaha nhib'apito, niha oto te te 'rãi pi'rai wa, õ norĩ zawi na si oto 're hâimana mono da, taha zarina 'Re ihâimana u'âsi mono nhorõwa 'ri apâ te te siwi iwahutu na te te pawaptob za'ra da hã.
“Wa hã apito Artazesi, daza'rui wa'õno Eufrati bâtâ zasizém niwĩ ãma, rob'uiprazé 'madâ'â'wa norĩ ma, wa ãhã na hã tãma 'ru za'ra, sasedoti 'Re ihâimana u'âsi mono hâiwa ãma 're ĩsãmra mono nhimiroti waihu'u pese 'wa Esdraha ma, õne haré awa'awi te te tãma sõmri za'ra da isib'rata, uburé marĩ te te iwaptẽrẽ hã,
Wa hã, Uburé Danhib'apito ĩsiré 're ihâimana mono zém na te ĩsina waihu'u wa, wa tô ĩnhiptete na ĩpahi ãna apito norĩ, timreme na te te siwi 're ipawaptob za'ra mono norĩ me, isiré norĩ siptete na dama roti'wa norĩ me, te te ĩwẽsãmri za'ra zé hã tãma ĩsina wazere za'ra. Ãne Uburé Danhib'apito, ĩte 'Re ihâimana u'âsi mono, ĩnhiptede te te ĩma isõmri zarina, wa tô Izaraéu nhihudu norĩ nhib'ihâ'a norĩ hã ahâ nherẽ ĩmreme na ãma ai'uté za'ra, ĩsiré si'aba'ré da apâ, wanhipti'a za'ra u hã.
Wa hã wa tô apito ma tinha, wate 'Re ihâimana u'âsi mono, uburé te te sina 're i'umnhasi za'ra mono norĩ te te 're i'madâ'â pese za'ra mono na hã, duré te te 're irẽme za'ra mono norĩ da, isiptetezé, duré isiti'ruzé sada 're ihâimana za'ra mono na hã. Tahawa, wa hã ĩnhiséb di, apito wi, awaru na dasi'wapéi 'manharĩ'wa norĩ wasi'aba'réi ré te te wa'madâ'â za'ra mono da, te tiwi iwaptẽrẽ da hã.
Tawamhã a'amo imorĩ'rata ãma 12 bâtâ na wa tô Zeruzalẽ u apâ wasi'aba'ré da hã, Aava na pa nho'õmo nhisi hawimhã wawairébé ni. Tahawa, ma tô wasi'aba'réi ré, wate 'Re ihâimana u'âsi mono hã wasiré hâimana. Taha ré, ma tô duré wanhitob'ru isipãrĩ ze dazô 're iwairébé za'ra mono norĩ wi hã te te wa'madâ'â u'âsi za'ra.
Tawamhã Zacariaha te dawa'õtõ 'remhã nima norĩ, ma tô isãna'remhã ai'aba'ré, ã norĩ hã: Semaia, Azareu, Milala'i, Gilala'i, Maai, Netaneu, Zuda, duré Hanani. Tawamhã Dawi 'Re ihâimana u'âsi mono ãma si 're imorĩ te te sima ãma 're iropta'a mono zém ne hã te uburé 'wasa. Tahawa Esdra, 'Re ihâimana u'âsi mono nhimiroti waihu'u wẽ'wa hã ma tô dawa'õtõ nhowamhã mo.
ni'wai ma hã te wasu'u õ di, te irosa'ratazé za 'ri nho'u apâ te iwahutuzém na hã, 'Re ihâimana u'âsi mono ĩpẽ'ẽ 're te te ĩma iwaihu'uzéb zarina. Tawamhã mara wa'wamhã wa tô udu, rob u ĩwatobro da, nima norĩ we ĩsiré isi'aba'ré norĩ siré. Tahawa, wa tô misi awaru po're pore hã saprõ, tô we ãma ĩmorĩzé hã.
Tawamhã wa tô duré oto tãma wasu'u za'ra, 'Re ihâimana u'âsi mono iwẽ te te ĩma ipisutuzé hã, duré te te ĩpawaptobzé hã. Wa tô duré tãma wasu'u za'ra, apito te te ĩma ĩnharĩzé hã, marĩ mono na. Tahawa, ma te ãne ãma ĩzada'âbâ za'ra: — Tane wamhã, 'ri 'wawi wa'ra wahutuzém na wa te oto ãma sãna'rata za'ra wa'aba! Tawamhã ma tô oto sada rob'ubumro za'ra, romhuri na te te ãma isãna'rata za'ra zéb da hã.
Tawamhã wa tô duré waptẽ rob'ui'éré hã, Asafi apito marã 'madâ'â'wai ma da hã, wede norĩ te te ĩma 'mai'ru da, 'Re ihâimana u'âsi mono nhorõwa 'ri 'wawi 'ri isiptede 're isimapa mono 'ridawa za'ẽtẽ norĩ hã da te dasiwi ãma 'manharĩ da, duré 'ri nho'õmo 'wawi wa'ra 'rãihâ 'manharĩzéb da hã, duré ĩnhorõwa 'manharĩzéb da hã. Tawamhã apito ma tô uburé ĩma sõmri za'ra, te tiwi iwaptẽrẽ hã. E marĩ wa, 'Re ihâimana u'âsi mono hã ĩsiré hâimana wa.
Tawamhã wanhitob'ru norĩ ma tô waihu'u za'ra, isimirosa'rada wa te tiwi i'upsibi me za'ra zé hã. Ma tô duré waihu'u za'ra, 'Re ihâimana u'âsi mono niha na te te sima irowa'õtõ za'ra zé te te tiwi i'wa'rutu za'ra na hã. Tahawa, wa tô wa norĩ hã apâ 'ri 'wawi wa'ra 'rãihâ 'manharĩ pese na romhuri hã wasiwi âri ni.
Tawamhã Izaraéu nhihudu norĩ, oto 7 na a'amo si'utõrĩ pari, te oto tite za'ra 'ri nho'õmo 'remhã 're si'ubumro. Tawamhã a'amoi 're bâdâ isãna'rata hawi ma tô uburé Zeruzalẽ ãma tasi'rã'õtõ ni, 're idasisõpẽtẽ pese za'ra mono zéb ãma, Â na 'ridawa za'ẽtẽ nhisim nho're. Tawamhã Esdra hã rowaihu'u pese 'wa, duré Uburé Danhib'apito, Izaraéu nhihudu norĩ te 'Re ihâimana u'âsi mono, Mozésihi ma, tinhimiroti na rob'ui'éré hã te te tãma isõmri waihu'u wẽ 'wai uptabi wi, ma tô tiwi waptẽrẽ za'ra ni, 'Re ihâimana u'âsi mono nhimiroti na rob'ui'éré itepãiwasi hã te te dama âri da.
Tawamhã 'Re ihâimana u'âsi mono nhimiroti na rob'ui'éré, da te wapari za'ra wamhã, ma tô ta'ru'ru ni. Tawamhã Neemia dama i'rãnho'u hã, Esdra, 'Re ihâimana u'âsi mono nhimiroti waihu'u wẽ 'wa uptabi hã, duré levita norĩ hã, rob'ui'éré na te te ãma dama saprĩ za'ra da, ihâimana za'ra norĩ hã ma tô dama nharĩ za'ra ãne: — Ã hã bâdâ iwazéb zahi, te tihâiba, Uburé Danhib'apito, wate 'Re ihâimana u'âsi mono ma. Tahawa a norĩ wa'aba wi aiwi irobzei'õ za'ra wa'aba da hã mare di za. Duré nasi i'ai'ru'ru wa'aba da hã mare di za.
Tawamhã ãne te duré tãma rowasu'u za'ra, Zezusi hã: — Wa za duré aima ãma romnhimiré'é za'ra wa'wa, ãne. Ãté 'ri tede'wa te za marĩ iwẽ hã te te 're azani, 'ri 're wa'wa ãma 're iromnhimi'wara mono zém hawi, te te dama 're anhomri mono da. E tawamhã marĩ i'ratare si te za te te dama 're azani. Mare di. Marĩ itéb zama te za duré te te dama 're azani, te te dama 're anhomri mono da. Tane duré, ni'wam norĩ hã 'Re ihâimana u'âsi mono nhimiroti waihu'u pese 'wa norĩ hã da'ãma 're isib'a'uwẽ mono zé wasu'u te te waihu'u pese za'ra wamhã, ta norĩ hã te za isimiroti itéb zama te te dama 're waihu'u za'ra, isimiroti 'rata me.
E niha tawamhã ti'ai ãma rowaihu'u pese 'wa norĩ nhimirowaihu hã. Ta hã 'Re ihâimana u'âsi mono ma hã tarére. Duré danhimiroti waihu'u nhipese na, 'râwi da te dasima ãma 're iroti za'ra mono zé hã tarére tãma hã. Uburé danhimirowaihu'u nhipese na dahâimanazé hã wapure di tãma hã, 'Re ihâimana u'âsi mono waihu'u pese ma hã. Ãne, 'Re ihâimana u'âsi mono hã tiwaihu'u pese na te te dama 're i'ab'manharĩ mono zéb zarina, wa tô waihu'u za'ra ni.
ကြော်ငြာတွေ