Esdra 7:21 - ꞌRe Ihâimana Uꞌâsi Mono Zadawa Wasuꞌu

²¹ “Wa hã apito Artazesi, daza'rui wa'õno Eufrati bâtâ zasizém niwĩ ãma, rob'uiprazé 'madâ'â'wa norĩ ma, wa ãhã na hã tãma 'ru za'ra, sasedoti 'Re ihâimana u'âsi mono hâiwa ãma 're ĩsãmra mono nhimiroti waihu'u pese 'wa Esdraha ma, õne haré awa'awi te te tãma sõmri za'ra da isib'rata, uburé marĩ te te iwaptẽrẽ hã,

Esdra 7:21 ပူးပေါင်းရင်းမြစ်များ

Esdra 4:16

Tahawa, apito, wa ãne aima wasu'u zahi za'ra ni: Apâ 'ri nho'u hã te te siwi 'manharĩ té wamhã, duré i'wawi wa'ra te te siwi 'manharĩ téb 'rãsutu wamhã, a hã Eufrati bâtâ zasizém niwĩ daza'rui wa'õno ihâimana ãma te za asiptetezé hã isimini.”

Esdra 4:20

Apito isiptete norĩ tamemhã ma tô te te 're da'madâ'â za'ra. Ta norĩ hã ma tô duré uburé Eufrati bâtâ zasizém niwĩ daza'rui wa'õtõ ãma dama i'rãnho'õmo na hã 're hâimana za'ra. Tahawa, ma tô dapawa'âbâ arĩre hã te te dawi 're awaibu.

Esdra 6:6

Tawamhã ãne te te ãma isada'âbâ za'ra zé, ma te apito Dariuhu ma hã tãma me za'ra: “Ã hã apito Dariu te te iwaihu'uzé, Tatena'i daza'rui wa'õno Eufrati bâtâ zasizém niwĩ dama i'rãnho'õmo ãma ma hã, Seta-Bozena'ihi ma hã, duré daza'rui wa'õno bâtâ zasizém niwĩ isiré dama ipire norĩ 're ihâimana za'ra mono norĩ ma hã: “'Re ihâimana u'âsi mono nhorõwa 'ri nhiti ma'ãpé ai'ré za'ra wa'aba.

Esdra 7:1

Tawamhã wahub ahâ na we 're wahu mono pari, apito Artazesi Persia nhib'apito na 're hâimana mono ré, ma tô Esdra na aibâ nhisi hã Babilonia hawimhã mo, Zeruzalẽ u hã. Ta hã, Arã sasedoti isiré norĩ ma isa'ẽtẽ sipoto hawi a'uwẽ, Seraiaha 'ra, Azariaha nhihudu, duré Hilquiaha 'ra nhihudu.

Esdra 7:22

ẽtẽ waipo prã prata 3.400 na ipire pibuzéb u hã, amnho trigu 12.500 na ipire pibuzéb u hã, uwa 'rãi wa'u isé 2 miu litru u hã, azeitona wa'u to 2 miu litru u hã, duré dasaiwarĩrĩzé te te sima iwẽ zarina hã.

Esdra 7:6

Esdra hã rowaihu'u pese 'wa. Duré Uburé Danhib'apito, Izaraéu nhihudu norĩ te 'Re ihâimana u'âsi mono, Mozésihi ma, tinhimiroti na rob'ui'éré hã te te tãma isõmri waihu'u wẽ 'wa, te 're mo. Tawamhã ta hã ma tô apito Artazesihi u hã mo. Morĩ wamhã, ma tô uburé te te tiwi iwaptẽrẽzé hã tãma tisõ. E marĩ wa. Uburé Danhib'apito, Esdraha ma, iwẽ si te te tãma 're apisutu mono wa. Ãne ma tô ta hã Babilonia hawimhã mo, Zeruzalẽ u hã,

Esdra 8:36

Tawamhã apito nhimirowaihu'uzém na romnhihâdâ ma tô duré dama i'rãnho'õmo norĩ ma, tisõ, duré daza'rui wa'õno Eufrati bâtâ zasizém niwĩ da'madâ'â'wa norĩ ma zama. Tawamhã ma tô duré ta norĩ hã 'Re ihâimana u'âsi mono nhorõwa 'ri 're romhurizém na hã dapawaptob za'ra.

Neemia 2:7

Tahawa wa tô apito wi waptẽ, te te ĩma sõmri da tinhimirob'ui'éré hã, daza'rui wa'õno Eufrati-Oeste na isisi ãma i'rãnho'õmo norĩ ma, te tãma sõmri za'ra wa, isa'ru wa'waibaba za'ra te ro'razâri wẽ wa, ta hawimhã Zuda u ĩwisi wẽ da hã.

Salmu 119:4

A hã ma tô asimiroti hã wama isõmri za'ra, wa te 're iwapari pese za'ra mono zém na, wa te ãma aima 're i'uwaimrami za'ra mono da hã.

Daniéu 6:26

Uburé a'uwẽ norĩ, ĩnhimi'madâ'âzéb 're daza'rui mono bâ 're i'aihâimana za'ra wa'aba mono ma, wa aima waihu'u za'ra wa'wa, ãne. Ma'ãpé Daniéu, 'Re ihâimana u'âsi mono ãma 're iwata mono hã asiwi 're wazé aba mono. E marĩ wa, õ hã 'Re ihâimana u'âsi mono idâ'â'õ, õne u'â 're ihâimana mono. Niwamhã duré dama i'rãnho'õmo na isimi'madâ'âzé hã isipru waihu'u õ. Duré niwamhã isiptetezé hã tiwi isi'utõrĩ waihu'u õ.