Esdra 7:13 - ꞌRe Ihâimana Uꞌâsi Mono Zadawa Wasuꞌu

¹³ Wa hã wa ãhã na ĩnhimiroti hã dama tihi, daro ĩnhimi'madâ'âzé mono bâ uburé Izaraéu nhihudu norĩ te te sima irowẽ za'ra norĩ hã Zeruzalẽ u ãma asiré si'aba'ré da, taré 're ihâimana za'ra mono a'uwẽ hã duré sasedoti norĩ hã, duré levita norĩ hã.

Esdra 7:13 ပူးပေါင်းရင်းမြစ်များ

Esdra 1:3

'Re ihâimana u'âsi mono, asiré 're hâimana za'ra wa'aba mono da si ĩma iwẽ hã, tinhib'a'uwẽ siré. Tahawa, ma'ãpé Zeruzalẽ u ai'aba'réi wa'aba, Uburé Danhib'apito, Izaraéu nhihudu norĩ te 'Re ihâimana u'âsi mono nhorõwa asiwi 'ri wahutu aba da, iwa ãma 're idawata za'ra mono zéb da hã, Zeruzalẽ 're, 're isãmra mono ãma.

Esdra 5:13

Tane nherẽ, Babilonia nhib'apito Ciruhu ãma imorĩ'rata na isi'i'rãnho'õmozém na ãma iwahub ãma, ma tô 'Re ihâimana u'âsi mono nhorõwa 'ri apâ da te dasiwi wahutu da hã tinhimiromnhihâtâ na hã dama ti'ru.

Esdra 6:1

Tawamhã apito Dariu ma tô dama ti'ru, Babilonia ãma ibaihâ nhimi'warazéb ãma dahi'rata norĩ wasu'u na romnhihâtâ mono na sô darĩtĩ za'ra da hã, Ciru hã 'ri te te dama i'ruzéb zô tinhimiromnhihâtâ na.

Salmu 110:3

Nimahã na asitob'ru norĩ zada aihâimana da, bâdâ pisutu wamhã, te za asib'a'uwẽ norĩ hã oto aima sihâi'ré za'ra, sihawim na isipisutu za'ra norĩ hã. Awẽ wi atébré 're ihâimana mono ne, te za ihâiba tém norĩ hã ẽne iwazéb zahi ãma siwi asõpẽtẽ.

Daniéu 6:26

Uburé a'uwẽ norĩ, ĩnhimi'madâ'âzéb 're daza'rui mono bâ 're i'aihâimana za'ra wa'aba mono ma, wa aima waihu'u za'ra wa'wa, ãne. Ma'ãpé Daniéu, 'Re ihâimana u'âsi mono ãma 're iwata mono hã asiwi 're wazé aba mono. E marĩ wa, õ hã 'Re ihâimana u'âsi mono idâ'â'õ, õne u'â 're ihâimana mono. Niwamhã duré dama i'rãnho'õmo na isimi'madâ'âzé hã isipru waihu'u õ. Duré niwamhã isiptetezé hã tiwi isi'utõrĩ waihu'u õ.

Filipu 2:13

E marĩ wa. 'Re ihâimana u'âsi mono hã aipẽ'ẽ 're, te te ai'ãma 're romhuri u'âsi za'ra wa'aba mono wa, isimipawaptobzém na marĩ na ãma 're sazei pese za'ra wa'aba mono da, duré taha zarina i'uwaibaba si marĩ hã tãma 're 'manharĩ wẽ za'ra wa'aba mono da, te te sima 're i'aiwẽ za'ra wa'aba mono zéb uwaibaba.

Apocalipsi 22:17

'Re ihâimana u'âsi mono pẽ'ẽzani hã te Pone'ẽrebâi mro da me, dazô 're hârâ u'âsi zahuré, ãne: — We 're anomro aba mono, â u'âsi u. Tawamhã ni'wam norĩ hã ãne hã te te 're wapari za'ra mono wa, â u'âsi u 're nomro mono wamhã, te za duré ihârâ zahuré na dazô 're hãsi u'âsi. Da te 're 'rubu za'ra mono wa, da te 're i'âhuri mono ne, ni'wam norĩ hã te te sima 're wẽ za'ra mono wamhã, te za tô â u'âsi u 're nomro, te te 're âhuri u'âsi mono da, wa'âbâ ãna. Â u'â hã da te 're âhuri mono wa, 'Re ihâimana u'âsi mono 'rata 're idanomro u'âsi mono zé.