Esdra 6:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã ãne te te ãma isada'âbâ za'ra zé, ma te apito Dariuhu ma hã tãma me za'ra: “Ã hã apito Dariu te te iwaihu'uzé, Tatena'i daza'rui wa'õno Eufrati bâtâ zasizém niwĩ dama i'rãnho'õmo ãma ma hã, Seta-Bozena'ihi ma hã, duré daza'rui wa'õno bâtâ zasizém niwĩ isiré dama ipire norĩ 're ihâimana za'ra mono norĩ ma hã: “'Re ihâimana u'âsi mono nhorõwa 'ri nhiti ma'ãpé ai'ré za'ra wa'aba.

Esdra 6:6 ပူးပေါင်းရင်းမြစ်များ

Zenezi 32:28

Tawamhã te duré tãma tinha ãne: — Asisi õ di za oto, Zaco na. 'Re ihâimana u'âsi mono ma tô i'wapé. Duré aibâ norĩ zama ma tô i'wapé za'ra. Tahawa, ma tô ãma i'ai'uté za'ra. Ãhã wa, asisi hã za oto Izaraéu na.

Zenezi 43:14

'Re ihâimana u'âsi mono iwaihu'u pese si niha hã aibâ ma, te te i'manharĩ da hã wa ĩsima wẽ, taha zarina ai'ãma siwamri za'ra wa'aba wa, te te aima waprosi za'ra wa'aba da, asisãnawã norĩ na Bẽzamihĩ me we asiwi siri aba da ãwa. Bété duré ĩ'ra norĩ te simini za'ra wamhã, marĩ hã te 'manharĩ dai õ di wa hã. Ĩ'ra ãna wa za tô oto 're ĩhâimana.

Esdra 4:9

“Ã romnhihâdâ hã, Reum dama i'rãnho'õmo norĩ, Sĩsa'ĩ dama romnhihâtâ 'manharĩ'wai me hã, tisiré 're ihâimana za'ra mono zu, te te da'ãma 're irowairébé za'ra mono zu, uburé aimawi pawa'âbâ zô Erequi na tiza'ru nhisi ãma te te 're iromhuri za'ra mono zu, Babilonia ãma 're idahâimana za'ra mono zu, Susã ãma 're idahâimana za'ra mono zu, duré Elã na romnhisi ãmab zu zama ma tô siwi time,

Esdra 5:3

Tawamhã taha ré, Tatena'i, Eufrati bâtâ zasizém niwĩ daza'rui wa'õtõ ãma dama i'rãnho'u hã, Seta-Bozena'i hã, duré isiré norĩ hã ma tô Zeruzalẽ u ai'aba'ré. Si'aba'réi wamhã, ma tô ãne sadanharĩ za'ra: — E 'wa ma tô 'ri hã apâ asiwi wahutu aba da hã ãma aima rowairébé za'ra wa'wa, duré 'ri uparizé mono hã apâ asiwi sõré aba mono da hã.

Esdra 5:6

Tawamhã Tatena'ihi norĩ nhimiromnhihâdâ hã, Seta-Bozena'ihi me duré isiré 're ihâimana za'ra mono norĩ me, ma tô apito ma ãne na hã siwi time:

Esdra 6:13

Tawamhã dama i'rãnho'u Tatena'i hã, Seta-Bozena'i hã, duré isiré dama ipire norĩ hã ma tô apito te te iwaihu'uzéb zarina si siwi 'manha.

Esdra 6:7

Da te dasiwi i'ri za'ra zé hã ma'ãpé dawi sawi za'ra wa'aba tõ. Zuda ãma i'rãnho'õmo norĩ ma, duré zudeu norĩ nhib'ihâ'a ma, ma'ãpé sa'ré za'ra wa'aba, 'Re ihâimana u'âsi mono nhorõwa 'ri, duréihã da te dasiwi i'ri prubzéb ãma tô apâ te te siwi 'ri nharĩ da.

Neemia 1:11

Tahawa, ma'ãpé ĩmreme na te ãma aiwi 're irowaptẽrẽ mono zé hã wapari ãhã na hã. Duré aima romhuri'wa hâiba amo norĩ ai'ãma 're iwata ze za'ra mono nhimirowaptẽrẽ zama te za iwapa. Ma'ãpé duré ĩma 'manharĩ, iwẽ na si ĩma romhâimana da, apito hã iwẽ na te te ĩma rowairébé da. Tô taha wamhã, wa tô uwa 'rãi wa'u isé za'wari'wa na aré 're ĩhâimana, apito ma hã.

Provébiu 21:1

Ti'ai ãma apito nhimirosa'rada, Uburé Danhib'apito ma waihu'u pese di, te te tãma 're i'rui mono da hã, â nima niwĩ 're praba mono da, te te sima iwẽzéb zarina, te te tãma ipisutu ne.

Provébiu 21:30

Ti'ai ãma rowaihu hã duré da'rã nhimiza're hã, Uburé Danhib'apito da hã siptete waihu'u õ di.

Roma 8:31

'Re ihâimana u'âsi mono hã ãne hã te te wama 're apisutu mono wamhã, e niha wa za tawamhã 're wahâimana za'ra. Ta hã, wa niwĩ oto 're hâimana za'ra mono wa, e 'wa hã te za wa'ãma ai'uté. Mare di. Uburé wanhitob'ru norĩ nhiptetezé hã, tarére 'Re ihâimana u'âsi mono ma hã.