Esdra 6:22 - ꞌRe Ihâimana Uꞌâsi Mono Zadawa Wasuꞌu

²² Tawamhã 7 bâtâ 're, ma tô i'u'ẽtẽ duptoi'õ na dato hã siwi 'manha, to za'ẽtẽ za'ra sina. Tahawa, tãma hã rowẽ uptabi za'ra di, Uburé Danhib'apito hã, Asiriaha nhib'apito, niha oto te te 'rãi pi'rai wa, õ norĩ zawi na si oto 're hâimana mono da, taha zarina 'Re ihâimana u'âsi mono nhorõwa 'ri apâ te te siwi iwahutu na te te pawaptob za'ra da hã.

Esdra 6:22 ပူးပေါင်းရင်းမြစ်များ

Esdra 1:1

Tawamhã Persia te apito, Ciru dama isi'i'rãnho'õmozém na misi imorĩ'rata na ãma iwahub ãma, ma tô Uburé Danhib'apito, isadawa 'mahârâ'wa Zeremiaha nhimirowasu'u zarina timreme hã ãma uwaimra oto. Tawamhã Uburé Danhib'apito ma tô apito Ciru hã 'rãi pi'ra. Tahawa, ma tô dama ti'ru, daro mono bâ tinhimi'madâ'âzéb 'remhã isimiroti na, da te ãma dasima ropéi mono da, rob'ui'éré na duré da'ahâ nho'a da te dasima 're isõré za'ra mono zéb da hã, ãne isimiroti na:

Esdra 6:1

Tawamhã apito Dariu ma tô dama ti'ru, Babilonia ãma ibaihâ nhimi'warazéb ãma dahi'rata norĩ wasu'u na romnhihâtâ mono na sô darĩtĩ za'ra da hã, Ciru hã 'ri te te dama i'ruzéb zô tinhimiromnhihâtâ na.

Esdra 7:27

Tawamhã Esdra te ãne tinha: — Uburé Danhib'apito, wahi'rata norĩ te 'Re ihâimana u'âsi mono ãma, wa ãma ĩwata, wẽ uptabi wa, niha na apito pẽ'ẽ 'remhã rosa'rata na hã te te ãma tiwi saprĩ wa, Zeruzalẽ ãma Uburé Danhib'apito nhorõwa 'ri te te iwazézém na hã.

Neemia 13:6

Tane nherẽ, ãne na romhâimana wamhã, wa hã Zeruzalẽ ãma ĩhâimana õ di. E marĩ wa. Babilonia te, apito Artazesi ãma i'rãnho'õmo na 're ihâimana mono zém na 32 na ãma iwahub ãma, wa tô õwamhã apâ ĩsina siri, ĩsi'uihâ na te tãma ĩsina robzanhamri da, apito ma. Tawamhã niha bâdâ we si'utõrĩ mono pari, ma tô bâdâ hã ĩma sa'ré, apâ ĩmorĩzéb da hã.

Provébiu 16:7

Uburé Danhib'apito hã, ni'wa ihâimanazém na te te wẽsãmri wamhã, te za isitob'ru norĩ ime rowẽ na 're hâimana za'ra mono da hã te te ãma tiwi 're azaprĩ, ihâimanazém na hã.

Provébiu 21:1

Ti'ai ãma apito nhimirosa'rada, Uburé Danhib'apito ma waihu'u pese di, te te tãma 're i'rui mono da hã, â nima niwĩ 're praba mono da, te te sima iwẽzéb zarina, te te tãma ipisutu ne.

Mateu 26:17

Tawamhã bâdâ ma tô iwa waptãrã, i'u'ẽtẽ duptoi'õ, da te 're ihuri mono zé hã, Pascowa na dato nhisi hã. Taha ré, ma tô Zezusihi siré 're inomro mono norĩ hã sina tété za'ra, te te siwi sadanharĩ da, ãne: — E momo ma tô asima irowẽ, asô iwanhipi za'ra zéb da hã, Pascowa na dato nhisi na iwasaihurizéb da hã.

Zuwã 19:11

Tawamhã Zezusi asa te tãma tinha, ãne: — 'Re ihâimana u'âsi mono, ma tô aipisutu, ĩma aipire da. Ĩma aipire da, te te aipisutu õ 'wa'âhã, aré ĩma aipire õ di. Tawamhã ĩma aipire da, te te aipisutu nherẽ, ĩ'ãma asimiroti wasété wamhã, tãma aiwẽ õ di za, aiwasédé hã ĩ'ãma 'manharĩ wa. Tane nherẽ, aibâ hã si'uihâ na te te aima ĩhâiba nhomri hã aiwasété nhipai u wasété uptabi di, ta hã.