Esdra 6:20 - ꞌRe Ihâimana Uꞌâsi Mono Zadawa Wasuꞌu

²⁰ Tawamhã uburé sasedoti norĩ, duré levita norĩ hã ma tô si'upsõ za'ra, 'Re ihâimana u'âsi mono ma, iwẽ na hâimana za'ra da hã. Taha pari levita norĩ ma tô abaze norĩ hã siwi simro, Pascowa na dato isa'ẽtẽ wa ãma isõprub za'ra zéb da hã, uburé a'uwẽ te te sina isiri za'ra hâiba u'âbâmhã, isiré sasedoti norĩ apâ te te sina isiri za'ra zé hâiba norĩ u'âbâmhã, duré sihâiba u'âbâb za'ra zama hã.

Esdra 6:20 ပူးပေါင်းရင်းမြစ်များ

Ezodu 12:21

Tawamhã Mozési hã ma tô Izaraéu nhihudu norĩ ma, ipire norĩ zô hã tihârâ za'ra. Tawamhã te tãma roti za'ra, Pascowa na za dasa da te ihuri na'rata zém na: — Ãhã na hã asimizama te za ipisutu aba mo, pone'ẽrebâ 'ra hã, duré pone'ẽrebâ zéré uzé 'ra hã. Ta hã te za ipisutu aba mo, simroi wa'aba mono da, asõrõwa mono bâ wa'aba, asa ãma huri aba mono da, Pascowa na datozém nhisi na.

Hebreu 7:27

Duréihã sasedoti norĩ 're ihâimana za'ra mono ne, 're hâimana mono õ di, Zezusi hã. Ta norĩ hã awẽ sidâpâsi te za tinhoprubzé hã si'udâna te te tãma 're sõmri 'rata za'ra 'Re ihâimana u'âsi mono ma, tiwasété parizéb da hã. Taha pari, te za duré da'udâna zama danhoprubzé hã te te tãma 're sõmri za'ra, dawasédé te te dama ãma 're apari mono da. Tanei õ di, Zezusi hã sasedoti na te te wa'ãma 're iromhuri za'ra mono zé hã. Niwa marĩ te te 'manharĩ wasété waihu'u õ wa, awẽ sidâpâsi si'udâna tinhoprubzé hã te te tãma 're anhomri mono õ di, Timama ma hã. Misi haré ma tô tinhoprubzém na hã tãma sisõ, 'Re ihâimana u'âsi mono ma, dazada dâ'â da, sihâiba zawi ãna tãma sisõmri wamhã, õhõ haré dawasédé hã te te oto dama ãma 're i'apari mono zéb da hã.