Esdra 6:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã zudeu norĩ nhib'ihâ'a hã ma tô 'ri na romhuri na te te ãma siwi uzusi, wẽ na. Taha siwaprã ma tô 'Re ihâimana u'âsi mono zadawa 'mahârâ'wa Ageu norĩ nhimirowasu'u, Idoho 'ra Zacariaha nhimirowasu'u me hã tãma tipẽ'ẽ to za'ra. Tawamhã ma tô 'ri hã siwi uprosi oto, Izaraéu nhihudu norĩ te, 'Re ihâimana u'âsi mono te te iwaihu'uzéb zarina, duré Persia nhib'apito norĩ Ciru, Dariu, Artazesi, ã norĩ hã te te iwaihu'u za'ra zéb zarina.

Esdra 6:14 ပူးပေါင်းရင်းမြစ်များ

Esdra 3:8

Tawamhã apâ isi'aba'rézém na maparane wahub 're maparane a'amoi ãma, ma tô Izaraéu nhihudu norĩ, 'Re ihâimana u'âsi mono nhorõwa 'ri 'manharĩ tém na hã ãma siwi sãna'rata, Zeruzalẽ ãma za 're isa mono na. Zorobabé Salati'éhé 'ra hã, Zozué Zozadaquihi 'ra hã, isisãnawã norĩ isiré za'ra hã, sasedoti norĩ hã, levita norĩ hã, duré uburé a'uwẽ norĩ Zeruzalẽ u apâ te te sina isiri za'ra norĩ hã, ma tô siptete na romhuri hã siwi ti'â. Tawamhã levita norĩ 20 na ãma iwahub za'ra nhipai u ma tô uburé dama romhuri'wa da hã pisutu za'ra ni.

Esdra 4:24

Tawamhã 'Re ihâimana u'âsi mono nhorõwa 'ri 'manharĩ na romhuri ma tô aré dasiwi sazâri ni. Taha haré ma tô aré we ãma 're ropsa'wari, Persia ãma Dariu dama i'rãnho'õmo na maparane ãma iwahubzéb u hã.

Esdra 4:3

Tane nherẽ, Zorobabé, Zozué, duré isiré Izaraéu nhihudu wa'õtõ nhib'ihâ'a norĩ hã ma tô ãne asa ãma sada'âbâ za'ra: — Wa te ai'ãma rosa'rata za'ra wa'aba õ di, Uburé Danhib'apito, wate 'Re ihâimana u'âsi mono te 'ri 'manharĩ na wapawaptob za'ra wa'aba da hã. Ãne si wa za tô wasiwaprosi wasiwi 'ri ni, Persiaha nhib'apito Ciru te te i'ruzéb zarina.

Esdra 5:1

Tawamhã 'Re ihâimana u'âsi mono zadawa 'mahârâ'wa Ageu norĩ, Idoho 'ra Zacariaha me hã Zuda ãma duré Zeruzalẽ ãma zudeu norĩ 're ihâimana za'ra mono norĩ ma, Izaraéu nhihudu norĩ te, 'Re ihâimana u'âsi mono timreme te te tãma iwaihu'u zahuré zém na ma tô dama ãma rowasu'u zahuré.

Esdra 5:13

Tane nherẽ, Babilonia nhib'apito Ciruhu ãma imorĩ'rata na isi'i'rãnho'õmozém na ãma iwahub ãma, ma tô 'Re ihâimana u'âsi mono nhorõwa 'ri apâ da te dasiwi wahutu da hã tinhimiromnhihâtâ na hã dama ti'ru.

Esdra 5:2

Tawamhã Salati'éhé 'ra Zorobabé, Zozadaquihi 'ra Zozuéhé me 'Re ihâimana u'âsi mono zadawa wasu'u hã ma tô wapari zahuré. Tahawa, Zeruzalẽ ãma 'Re ihâimana u'âsi mono nhorõwa 'ri na ma tô apâ ãma dasiwi sãna'rata ni. Tahawa, ma tô isadawa 'mahârâ'wa norĩ hã duré ãma dapawaptob zahuré.

Esdra 6:3

“Apito Ciru isi'i'rãnho'õmozém na imorĩ'rata na ãma iwahub ãma, ma tô Zeruzalẽ ãma 'Re ihâimana u'âsi mono nhorõwa 'ri apâ da te dasiwi iwahutu da hã dama ti'ru, danhimizama na danhoprubzé da te iwa 're izata za'ra mono zéb da hã. Tawamhã 'ri na'rata pibuzé 27 metru na hâimo hã, duré 27 metru na 'ri zadarata hâiba amoi u ipibuzé hã.

Esdra 6:8

Tawamhã romnhihâtâ na hã wa ãma aiwada'uri za'ra wa'wa, 'ri na a norĩ wa'wa hã dapawaptob za'ra wa'aba da. Uburé 'ri da, marĩ wa'âbâ mono hã duré dasai wa'âbâ mono hã te za õne haré we tihâiba, romhuri hã simizazâri tõ da. Ãhã da hã te za dama i'rãnho'õmo te, rob'uiprazé ubumrozém hawimhã da te 're sani, daza'rui wa'õno Eufrati bâtâ zasizém niwĩ dapawa'âbâ arĩ, da te 're iwaibui mono hawimhã, rob'uiprazé hã.

Esdra 7:1

Tawamhã wahub ahâ na we 're wahu mono pari, apito Artazesi Persia nhib'apito na 're hâimana mono ré, ma tô Esdra na aibâ nhisi hã Babilonia hawimhã mo, Zeruzalẽ u hã. Ta hã, Arã sasedoti isiré norĩ ma isa'ẽtẽ sipoto hawi a'uwẽ, Seraiaha 'ra, Azariaha nhihudu, duré Hilquiaha 'ra nhihudu.

Esdra 9:9

Wa norĩ hã wa tô aré danhib'a'uwẽ wa, wapawa'âbâ ãna wa te 're romhuri za'ra. Tane nherẽ, taha 'remhã warẽme za'ra õ di. A hã ma tô Persia nhib'apito norĩ hã i'rãipizari za'ra, iwẽ si te te wama 're 'manharĩ za'ra mono da. Taha zarina ma tô asõrõwa 'ri hã apâ wa te wasiwi wahutu da hã wama sa'ré za'ra, da te aré dasiwi i'ri pru pe hã. Ma tô duré wama sa'ré za'ra, ãme Zuda ãma, duré Zeruzalẽ ãma wasima iwẽ na 're wahâimana za'ra mono da, 'ri 'wawi wa'ra 'rãihâ 'rem ne.

Neemia 6:15

Tawamhã apâ 'ri 'wawi wa'ra 'manharĩ pese zé hã ma tô ai'utõ bâdâ 25 na, elul na a'amo nhisi ãma, bâdâ hã 52 na wa'ãma morĩ za'ra pari.