Esdra 6:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã apito Dariu ma tô dama ti'ru, Babilonia ãma ibaihâ nhimi'warazéb ãma dahi'rata norĩ wasu'u na romnhihâtâ mono na sô darĩtĩ za'ra da hã, Ciru hã 'ri te te dama i'ruzéb zô tinhimiromnhihâtâ na.

Esdra 6:1 ပူးပေါင်းရင်းမြစ်များ

Esdra 4:15

dama 'ru da, aihi'rata norĩ wasu'u ré ibaihâ mono hã da te sabu za'ra mono da. Ãne 'manharĩ wamhã, te za i'upsibi me, 'ri nho'u Zeruzalẽ ãma a'uwẽ õne u'â tinhib'apito te te siwi 're iwapari õ u'âsi za'ra mono na, duré duréi romna'rata hawi, apito norĩ ma, duré daza'rui wa'õtõ mono bâ dama i'rãnho'õmo norĩ ma, we marĩ te te 're isani za'ra mono na. Tawamhã duré nimahã na taha zarina ma tô dasiwi 'ri prum ni.

Esdra 4:19

Tawamhã wa tô, dama ti'ru, ibaihâi 're Zeruzalẽ wasu'uzéb ré zô, darĩtĩ za'ra da. Tahawa, duréi romna'rata hawi, Zeruzalẽ ãma apito norĩ zada 're idahâimana za'ra mono zé wasu'u hã, duré marĩ wasété téb ré u'âsi 'wa na ahâ uptabi na we 're ihâimana u'âsi za'ra mono zé wasu'u hã ma tô dasiwi upsibi me ni.

Esdra 5:17

“Tahawa, apito, ãne hã aima wẽ wamhã, ma'ãpé dama 'mai'ru na, Babilonia ãma dahi'rata norĩ wasu'uzéb ré ibaihâi mono hã da te sabu za'ra da, apito Ciru hã sena na te te i'ruzéb zô, Zeruzalẽ ãma 'Re ihâimana u'âsi mono nhorõwa 'ri apâ da te dasiwi i'rizéb da hã. Taha parip si, te za we wama asiwasu'u za'ra, niha na ãma asima irowairébézém na hã.”

Esdra 6:22

Tawamhã 7 bâtâ 're, ma tô i'u'ẽtẽ duptoi'õ na dato hã siwi 'manha, to za'ẽtẽ za'ra sina. Tahawa, tãma hã rowẽ uptabi za'ra di, Uburé Danhib'apito hã, Asiriaha nhib'apito, niha oto te te 'rãi pi'rai wa, õ norĩ zawi na si oto 're hâimana mono da, taha zarina 'Re ihâimana u'âsi mono nhorõwa 'ri apâ te te siwi iwahutu na te te pawaptob za'ra da hã.

Esdra 7:13

Wa hã wa ãhã na ĩnhimiroti hã dama tihi, daro ĩnhimi'madâ'âzé mono bâ uburé Izaraéu nhihudu norĩ te te sima irowẽ za'ra norĩ hã Zeruzalẽ u ãma asiré si'aba'ré da, taré 're ihâimana za'ra mono a'uwẽ hã duré sasedoti norĩ hã, duré levita norĩ hã.

Salmu 40:7

Tahawa, wa tinha ãne: “Ãhãta wa ĩhâiba! Asimiroti na romnhihâtâ 'remhã te ĩhâimana wẽ zéb da hã te te ĩma 're roti.

Provébiu 25:2

'Re ihâimana u'âsi mono hã dama iwaihu'u'õ te te wawi 're isuwa za'ra mono zarina, wa wasiwi wa te 're wazé pese. Duré dama ipire norĩ te te marĩ wama 're iwasu'u hâi'ré za'ra mono zarina, wa duré wa te wasiwi 're wazéb za'ra.

Daniéu 9:25

Daniéu, marĩ waihu'u da, ma'ãpé ĩwapari pese. Zeruzalẽ apâ za da te dasiwi 'ri da, te te dama 'rui parimhã, te za 7 x 7 na wahu hã ai'utõ, 'Re ihâimana u'âsi mono dama i'rã nho'õmo da hã te te ipisutuzéb u. Tawamhã Zeruzalẽ 're, 'ri nhi'ridi ité ihâimana za'ra ãma hã, duré 'ri 'wawi wa'ra 'rãihâ ãma hã te za wahu hã ai'utõ, 62 x 7 na. Tane nherẽ, taha ré hã te za we romhâimana mono, robzépata za'ẽtẽ na hã.

Apocalipsi 5:1

Tawamhã wa tô duré 'madâ, ibaihâ isinhai ré hã. Danhib'apito simasisizém na isãmra hã te tinhib'rata nhimire niwĩ tété. Ibaihâ nhinha hã, i'ui'éré si'uiwa ré hã. Duré 7 na ihâiba hã i'uptob ré hã siwasihu tõ da, ni'wa te te duré sõré tõ da hã.