Esdra 5:8 - ꞌRe Ihâimana Uꞌâsi Mono Zadawa Wasuꞌu

⁸ Ãne wa za ãma aima wasu'u za'ra ni, apito. Zuda ãma daza'rui wa'õtõ u wasi'aba'réi wamhã, wa tô dama isa'ẽne 'Re ihâimana u'âsi mono nhorõwa wasiwi 'madâ'â ni, ẽne itõmo za'ẽtẽ nhisu'u pese na da te dasiwi i'ri hã, duré wedepo ipo'o hâ za'õno hã da te dasiwi tãma isõré mono hã, 'ri na'rata 'manharĩzé ma. Romhuri hã te wẽ uptabi na dasiwi 'manharĩ ni ãma. Te duré sa'ẽtẽ romhuri hã mo.

Esdra 5:8 ပူးပေါင်းရင်းမြစ်များ

Esdra 2:1

Tawamhã Babilonia te apito Nabucodonozo, Izaraéu nhihudu norĩ 'remhã tirob u te te isimroi mono hã, Zuda ãma aré 're ihâimana za'ra mono hã ahâ uptabi di. Ta norĩ hã ma tô Zeruzalẽ u, duré Zuda u apâ sina siri za'ra, tite mono bâ 'ri nho'õmo mono u.

Esdra 5:7

“Apito Dariu, rowẽ na si i'rãnho'õmo na hã dama 're aihâimana mono!

Esdra 5:9

“Tahawa, wa tô dama i'rãnho'õmo norĩ ãma sadanharĩ za'ra ni, apâ da te dasiwi i'ri wahutuzéb da hã, duré apâ 'ri na'rata 'manharĩzé da te dasiwi iwahutu da hã ni'wa te te dama ãma rowairébé zô.

Esdra 6:10

Ãne te za ta norĩ hã te te 're 'manharĩ za'ra, 'Re ihâimana u'âsi mono hâiwa ãma 're isãmra mono ma, 're isõprub za'ra mono zé te te 're i'awẽsãmri mono zéb da hã. Duré ĩ'ãma 're mreme zusi mono da, ĩ'ra norĩ ãma zama, rowẽ na 're wahâimana za'ra mono da hã, te za te te 're 'manharĩ za'ra.

Esdra 6:4

Tawamhã si'ubdatõ ẽtẽ na 'ri na'rata 'manharĩ sisõré nhisiwimhã te za wedepo'o na misi isõré na hã dasiwi 'manharĩ ni za. Duré uburé pese marĩ norĩ wa'âbâzé hã za dama i'rãnho'õmo norĩ hawip si.

Esdra 7:23

Uburé te za ãma i'uwaimra, 'Re ihâimana u'âsi mono hâiwa ãma 're isãmra mono tinhorõwa 'ri na hã te te 're i'awaihu'u mono zéb zarina, ãne zarina niwa isiti'ruzé hã ĩzada hâimana tõ da, duré niwa apto'o ré ĩnhihudu norĩ da zama, hâimana tõ da, ĩ'uirĩ na hã.

Neemia 11:3

Ni'wam norĩ Izaraéu nhihudu, sasedoti norĩ, levita norĩ, duré Salomahã nhib'a'uwẽ nhihudu 'Re ihâimana u'âsi mono nhorõwa 'ri 're te te 're iromhuri za'ra mono, ma tô 'ri nho'u ihâiba amo norĩ ãma tite ti'ai wa'õtõ mono wa, 're si'ubumro. Ã hã Zuda na daza'rui wa'õtõ nhisi ãma dama ipire Zeruzalẽ ãma 're isi'ubumroi mono norĩ nhisi na irob'ui'éré hã:

Neemia 7:6

Tawamhã Izaraéu nhihudu norĩ 'remhã, Babilonia te apito Nabucodonozo te te idanhimroi mono siré, ma tô Zuda ti'ai hawimhã da'ahâ na dame ai'aba'ré. Tawamhã ta norĩ hã ma tô Zeruzalẽ u, duré Zuda u ti'ai wa'õtõ nhisi u hã apâ dasina siri za'ra ni, date mono bâ 'ri nho'õmo mono u.

Daniéu 2:47

Tawamhã te oto Daniéu ma tinha, ãne: — 'Re ihâimana u'âsi mono ãma, a norĩ wa'wa 're i'aiwata za'ra wa'aba mono hã, sena na te tô uburé ihâiba'õ norĩ nhipai u siptete uptabi na 're hâimana. Uburé ti'ai ãma apito norĩ ma, te duré Danhib'apito uptabi na hã 're hâimana. Tahawa, ĩma waihu'u pese di oto, õhõ si uburé dama iwaihu'u'õ hâi'ré'wa na hã. E marĩ wa. Taha zarina si, a hã ma tô te irosawẽrẽzém na isa'rese'õ na i'uwaibaba na si ãma ĩma isaprĩ na hã ãma i'uwaimra, te waihu'u da hã.

Daniéu 3:26

Tawamhã apito, unhama ré hã 'ri're wa'wa 'ridawa u 'râwi wisi wamhã, ma tô hârâ 'rãihâ na 'mahârâ za'ra ãne: — Sadraqui, Mezaqui, Abide-Negu, 'Re ihâimana u'âsi mono danhipai u isiptete nhib'a'uwẽ norĩ, we aiwairébé aba ãwa! Tawamhã si'ubdatõ aibâ norĩ, unhama wa'wa hawi ma tô oto wairé. Wairébé wamhã,

Daniéu 4:2

Wa tô ĩsima wẽ, 'Re ihâimana u'âsi mono danhipai u isiptete uptabi, marĩ dama i'manharĩ waihu'u'õ iwẽ uptabi te te ĩma ihâi'rézé hã uburé waihu'u za'ra wa'aba da.

Daniéu 6:26

Uburé a'uwẽ norĩ, ĩnhimi'madâ'âzéb 're daza'rui mono bâ 're i'aihâimana za'ra wa'aba mono ma, wa aima waihu'u za'ra wa'wa, ãne. Ma'ãpé Daniéu, 'Re ihâimana u'âsi mono ãma 're iwata mono hã asiwi 're wazé aba mono. E marĩ wa, õ hã 'Re ihâimana u'âsi mono idâ'â'õ, õne u'â 're ihâimana mono. Niwamhã duré dama i'rãnho'õmo na isimi'madâ'âzé hã isipru waihu'u õ. Duré niwamhã isiptetezé hã tiwi isi'utõrĩ waihu'u õ.