Esdra 5:7 - ꞌRe Ihâimana Uꞌâsi Mono Zadawa Wasuꞌu

⁷ “Apito Dariu, rowẽ na si i'rãnho'õmo na hã dama 're aihâimana mono!

Esdra 5:7 ပူးပေါင်းရင်းမြစ်များ

Esdra 4:17

Tawamhã apito Artazesi, ma te ãne asa romnhihâtâ na sada'âbâ za'ra: “Reum dama i'rãnho'u, duré Sĩsa'ĩ dama romnhihâtâ 'manharĩ'wa, duré asiré Samaria ãma 're ihâimana za'ra mono norĩ, duré Eufrati bâtâ zasizém niwĩ daza'rui wa'õtõ ãma 're ihâimana za'ra mono norĩ me, simisutu wa ãma asawi za'ra wa'wa.

Esdra 5:6

Tawamhã Tatena'ihi norĩ nhimiromnhihâdâ hã, Seta-Bozena'ihi me duré isiré 're ihâimana za'ra mono norĩ me, ma tô apito ma ãne na hã siwi time:

Esdra 5:8

Ãne wa za ãma aima wasu'u za'ra ni, apito. Zuda ãma daza'rui wa'õtõ u wasi'aba'réi wamhã, wa tô dama isa'ẽne 'Re ihâimana u'âsi mono nhorõwa wasiwi 'madâ'â ni, ẽne itõmo za'ẽtẽ nhisu'u pese na da te dasiwi i'ri hã, duré wedepo ipo'o hâ za'õno hã da te dasiwi tãma isõré mono hã, 'ri na'rata 'manharĩzé ma. Romhuri hã te wẽ uptabi na dasiwi 'manharĩ ni ãma. Te duré sa'ẽtẽ romhuri hã mo.

Daniéu 3:9

Tahawa, ma tô apito Nabucodonozoho ma nharĩ za'ra ãne: — Apito, rowẽ na si 're aihâimana u'âsi mono!

Daniéu 4:1

Tawamhã apito Nabucodonozo, ma tô uburé dapoto mono bâ daro mono bâ damreme na 're idamreme zusi mono ma hã ãma ropé, timreme na ãne: — Rowẽ na uburé 're aihâimana za'ra wa'aba mono!

Daniéu 6:21

Tawamhã Daniéu, ma te asa sada'â ãne: — Apito, 're aihâimana u'âsi mono da si, iwẽ hã!

Zuwã 14:27

— Rowẽ na si 're anomro aba mono zéb si, wa za oto aima pisutu za'ra wa'wa, ĩ'ãma 're aipẽ'ẽzé za'ra wa'aba mono tõ da, duré asina 're aihâtâ'â za'ra wa'aba mono ãna, 're anomro aba mono da. Taré te aima pisutu za'ra wa'aba õ di. Ĩzazei'õ'wa norĩ nhimipisutuzém nei õ di, ĩnhimipisutuzé hã.

2 Tesalonita 3:16

Wanhib'apito wi, wama rowẽ nhomri'wai wi, wa wa te 're rowaptẽrẽ za'ra, rowẽ u'â hã ai'ãma 're hâimana u'âsi za'ra wa'aba mono da.