Esdra 5:5 - ꞌRe Ihâimana Uꞌâsi Mono Zadawa Wasuꞌu

⁵ Tane nherẽ, tite za'ra 'Re ihâimana u'âsi mono tõmobre, ma tô zudeu ma, i'rãnho'õmo norĩ hã tihâimana za'ra. Tahawa Persia ãma dama ipire norĩ hã ma tô marĩ te te a'â 'manharĩ za'ra tõ da, ãma sima rowairébé za'ra, apito Dariuhu ma, za taha na te te ãma iromnhihâtâ za'ra zé wa'rãmi, te te ãma sada'âbâ za'ra õ ré hã.

Esdra 5:5 ပူးပေါင်းရင်းမြစ်များ

Esdra 7:28

Wa hã, Uburé Danhib'apito ĩsiré 're ihâimana mono zém na te ĩsina waihu'u wa, wa tô ĩnhiptete na ĩpahi ãna apito norĩ, timreme na te te siwi 're ipawaptob za'ra mono norĩ me, isiré norĩ siptete na dama roti'wa norĩ me, te te ĩwẽsãmri za'ra zé hã tãma ĩsina wazere za'ra. Ãne Uburé Danhib'apito, ĩte 'Re ihâimana u'âsi mono, ĩnhiptede te te ĩma isõmri zarina, wa tô Izaraéu nhihudu norĩ nhib'ihâ'a norĩ hã ahâ nherẽ ĩmreme na ãma ai'uté za'ra, ĩsiré si'aba'ré da apâ, wanhipti'a za'ra u hã.

Esdra 7:6

Esdra hã rowaihu'u pese 'wa. Duré Uburé Danhib'apito, Izaraéu nhihudu norĩ te 'Re ihâimana u'âsi mono, Mozésihi ma, tinhimiroti na rob'ui'éré hã te te tãma isõmri waihu'u wẽ 'wa, te 're mo. Tawamhã ta hã ma tô apito Artazesihi u hã mo. Morĩ wamhã, ma tô uburé te te tiwi iwaptẽrẽzé hã tãma tisõ. E marĩ wa. Uburé Danhib'apito, Esdraha ma, iwẽ si te te tãma 're apisutu mono wa. Ãne ma tô ta hã Babilonia hawimhã mo, Zeruzalẽ u hã,

Esdra 8:22

Wa hã wa tô apito ma tinha, wate 'Re ihâimana u'âsi mono, uburé te te sina 're i'umnhasi za'ra mono norĩ te te 're i'madâ'â pese za'ra mono na hã, duré te te 're irẽme za'ra mono norĩ da, isiptetezé, duré isiti'ruzé sada 're ihâimana za'ra mono na hã. Tahawa, wa hã ĩnhiséb di, apito wi, awaru na dasi'wapéi 'manharĩ'wa norĩ wasi'aba'réi ré te te wa'madâ'â za'ra mono da, te tiwi iwaptẽrẽ da hã.

Salmu 32:8

Uburé Danhib'apito te ĩma tinha ãne: “Bâdâdi iwẽ na wa za ãma aima te 're rowasu'u, nimomo 're i'ane mono da hã. Wa za te 're asaprõni u'âsi. Duré wa za te 're ai'madâ'â pese.

Salmu 34:15

'Re ihâimana u'âsi mono hã te sena na 're ihâimana za'ra mono norĩ hã te te 're ab'madâ'â pese. Te duré te te tiwi 're irowaptẽrẽ za'ra mono zé hã te te 're awapari.

Filipu 1:28

Asitob'ru norĩ ma, 're aipahi za'ra wa'aba mono da hã, mare di, Cristuhu zazei'wa norĩ 'ruiwapari'wa norĩ ma hã. Ãne hã aipahi ãna sada 're aihâimana za'ra wa'aba mono wamhã, te za ta norĩ hã 'râwi 're siwaihu'u za'ra, 'Re ihâimana u'âsi mono za te te i'uprosizém na hã, duré a norĩ wa'aba si za te te i'asõ'reptu za'ra wa'aba zém na hã.

1 Pedru 3:12

Hâimana wẽ na dama 're ihâimana za'ra mono norĩ si, te za te te 're ab'madâ'â pese, 'Re ihâimana u'âsi mono hã. Te te duré tiwi 're rowaptẽrẽ za'ra mono wamhã, te za te te 're awapari, imreme zarina te te tãma ãma 're a'uwaimrami mono da. Tane nherẽ, dahâimana wasété na dama 're dahâimana za'ra mono wamhã, te za dazada 're hâimana.”