Esdra 5:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã apito, Sesbazaha ma hã ma tô tãma ti'ru, apâ Zeruzalẽ ãma 'Re ihâimana u'âsi mono nhorõwa 'ri 're isa mono u hã te te ãma siri za'ra da. Tahawa, 'Re ihâimana u'âsi mono nhorõwa 'ri imorĩ'rata na isabzéb ãma tô apâ da te dasiwi i'ri da hã, ma tô duré dama ti'ru.

Esdra 5:15 ပူးပေါင်းရင်းမြစ်များ

Esdra 1:2

“Wa hã Ciru, Persia nhib'apito, wa aima nharĩ za'ra wa'wa ãne: Uburé Danhib'apito, 'Re ihâimana u'âsi mono hâiwa ãma 're isãmra mono hã ma tô ti'ai ãma uburé te 're ida'ab'madâ'â mono da hã danhib'ihâ'a na 're ĩhâimana mono zé hã ĩma tisõ. Ma tô duré ĩpisutu, Zeruzalẽ ãma iwa 're idawata za'ra mono zé 'ri hã te tãma sãrĩ da, Zuda na romnhisi ãma.

Esdra 3:3

Tawamhã tô õ hã ti'ai 're, a'uwẽ norĩ 're isi'ubumroi mono ma, pahi za'ra nherẽ, ma tô apâ iwana 're isa mono ne hã siwi 'manha, 'Re ihâimana u'âsi mono ma, danhoprub zata nhomrizé hã. Tahawa, ma tô taha nhisiwi ãma siwi sãna'rata tinhoprubzéb hã mararé nhidâpâsi, duré hâiwahâ nhidâpâsi.

Esdra 5:14

Tawamhã piza'a oru 'manharĩ na hã, duré ẽtẽ waipo prã prata 'manharĩ na zama hã, apito Nabucodonozo Zeruzalẽ ãma 'Re ihâimana u'âsi mono nhorõwa 'ri hawi te te isani za'ra hã, te te Babilonia ãma tite ihâiba'õ norĩ ãma 're idawata za'ra mono zé 'ri wa, te te isa'ra norĩ hã ma tô apito Ciru hã apâ sõmri za'ra, aibâ Sesbaza na isisi ma, Zuda ãma dama i'rãnho'õmo na 're hâimana mono da, te te ipisutu ma hã.

Esdra 5:16

Tawamhã Sesbaza morĩ wamhã, ma tô 'Re ihâimana u'âsi mono nhorõwa 'ri na'ratazé mono hã te te ab'manharĩ. Ta hawim haré te zahadu ãhã na hã 'ri na da te ãma 're rob'ma'wamarĩ. Tane nherẽ, zahadu si'utõrĩ õ di.’

Esdra 6:3

“Apito Ciru isi'i'rãnho'õmozém na imorĩ'rata na ãma iwahub ãma, ma tô Zeruzalẽ ãma 'Re ihâimana u'âsi mono nhorõwa 'ri apâ da te dasiwi iwahutu da hã dama ti'ru, danhimizama na danhoprubzé da te iwa 're izata za'ra mono zéb da hã. Tawamhã 'ri na'rata pibuzé 27 metru na hâimo hã, duré 27 metru na 'ri zadarata hâiba amoi u ipibuzé hã.