Esdra 5:11 - ꞌRe Ihâimana Uꞌâsi Mono Zadawa Wasuꞌu

¹¹ Tahawa, ma tô asa ãma wazada'âbâ za'ra ãne: ‘Wa norĩ hã, 'Re ihâimana u'âsi mono hâiwa 'manharĩ'wa ti'ai 'manharĩ'wa nhib'a'uwẽ, wa 're wahâimana za'ra. Wa norĩ hã wa oto 'Re ihâimana u'âsi mono nhorõwa 'ri hã wasiwi wahutu ni, duréi Izaraéu nhihudu norĩ nhib'apito isa'ẽne te te aré i'ri nharĩ hã.

Esdra 5:11 ပူးပေါင်းရင်းမြစ်များ

Zenezi 24:3

Uburé Danhib'apito 'Re ihâimana u'âsi mono, hâiwa ãma duré ti'ai ãma zama uburé marĩ te te 're i'ab'madâ'â mono nhisi na ropisudu hã 'manharĩ, ĩ'ra Izaqui, niwa apto'o ré, ã hã Cana'ã na ti'ai wa'õtõ nho'õmo nhisi ãma 're ĩhâimana mono zéb ãma, pi'õ na imro da hã, tãma 'maipisutu tõ da.

Esdra 5:10

Tawamhã danhib'ihâ'a norĩ nhisi za'ra zô, wa tô duré sadanharĩ za'ra ni, isisi za'ra hã wa te aima ui'éré za'ra wa, awaihu'u da.

Salmu 119:46

Uburé Danhib'apito, apito norĩ nho'remhã wa za asimiroti na te tãma 're rob'mahârâ za'ra, 're ĩnhisé mono ãna.

Daniéu 3:26

Tawamhã apito, unhama ré hã 'ri're wa'wa 'ridawa u 'râwi wisi wamhã, ma tô hârâ 'rãihâ na 'mahârâ za'ra ãne: — Sadraqui, Mezaqui, Abide-Negu, 'Re ihâimana u'âsi mono danhipai u isiptete nhib'a'uwẽ norĩ, we aiwairébé aba ãwa! Tawamhã si'ubdatõ aibâ norĩ, unhama wa'wa hawi ma tô oto wairé. Wairébé wamhã,

Zona 1:9

Ãne te tãma siwasu'u za'ra, Zona hã: — Wa hã hebreu na ĩwamri. Duré Uburé Danhib'apito 'Re ihâimana u'âsi mono ãma si wa ãma 're ĩwata, hâiwa ãma 're isãmra mono ãma, âporé 'manharĩ'wai ãma, duré ti'ai 'manharĩ'wai ãma.

Mateu 10:32

— Ni'wam norĩ hã ĩzazei'wa na dama 're siwasu'u za'ra mono wamhã, wa hã wa za duré Ĩmama nho'a te 're awasu'u, ĩzazei'wa na, hâiwa ãma 're isãmra mono nho'a.

Luca 12:8

Te duré tãma nharĩ za'ra, ãne: — Ni'wam norĩ hã ĩzazei'wa na danho'a dama 're siwasu'u za'ra mono wamhã, ti'ai ãma Dasiré Ipodo hã te za duré tizazei'wa na te te 're awasu'u, hâiwa ãma 'Re ihâimana u'âsi mono ma romhuri'wa norĩ nho'a.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:23

Wa hã, 'Re ihâimana u'âsi mono nhib'a'uwẽ, te tãma 're iromhuri u'âsi mono hã. Bara na, hâiwa ãma tãma iromhuri'wa hã ma tô we ĩtẽme wi.

Roma 1:16

'Re ĩnhisé mono õ di, Zezusihi wasu'uwẽ hã te dama 're wasu'u tõ mono da. E marĩ wa. 'Re ihâimana u'âsi mono hã siptete uptabi wa, iwasu'uwẽ na te te ãma 're da'anho'reptui mono da, Zezusi te te sina 're i'umnhasi za'ra mono norĩ hã. Zudeu norĩ si ma tô isãna'rata hawimhã te te 're sõ'reptu za'ra aré. Tane nherẽ, te oto ãhã na hã zudeu'õ norĩ zama te te 're anho'reptu.

Roma 6:16

A norĩ wa'wa hã dama 're romhuri za'ra wa'aba mono da, aihâiba hã dama 're sõmri za'ra wa'aba mono wamhã, taha nhimiwada'uri na si, te za tô 're aihâimana za'ra wa'aba mo. Ãne hã aima waihu'u pese za'ra wa'aba di. Tane, aihâiba hã aiwasété ma, 're sõmri za'ra wa'aba mono wamhã, te za tô ãma 're asiwasété za'ra wa'aba mo. Taha zarina te za atâ'â u'âsi ne, 're aihâimana za'ra wa'aba mo, aipẽ'ẽ 're, 'Re ihâimana u'âsi mono nhiti. Tane nherẽ, 'Re ihâimana u'âsi mono ma, aihâiba hã 're sõmri za'ra wa'aba mono wamhã, taha nhimiwada'uri na si te za 're aihâimana za'ra wa'aba mo. Tawapsi te za oto te te 're aiwẽsãmri za'ra wa'wa.

Galata 6:14

Tanei õ di, wa hã. Wanhib'apito Zezu Cristuhu ãma si, wa za 're ĩwata u'âsi, wedepo'o nhonhi'rãmi na wazada idâ'â ãma. Tahawa, tiza'ozém na wazada dâ'â wa, ĩwi 're idadâ'â za'ra mono ne, duré wa hã dawi 're ĩdâ'â mono ne, ti'ai ãma danhimirosa'rata na hã oto 're ĩhâimana mono õ di.

Zozué 24:15

Tane nherẽ, Uburé Danhib'apito ma, 're anomro aba mono da, asima wẽ za'ra wa'aba õ wamhã, ãhã na awa'awi na hã asima pisutu za'ra wa'aba, nimahã ãma si 're anomro aba mono da wamhã. Niha hã wamhã, te za tô asima irowairébé za'ra wa'wa, aihi'rata norĩ hã Mezopotãmia ãma, ihâiba'õ ãma 're iwata za'ra mono ma si 're anomro aba mono da hã, niha wamhã, amoreu norĩ te ihâiba'õ norĩ ma hã, ã hã ti'ai 're, 're ihâimana za'ra mono zéb ãma hã. Tane nherẽ, wa za tô wa norĩ hã wanhorõwa 're, 're iwahâimana za'ra mono norĩ hã Uburé Danhib'apito ãmap si 're wanomro.