Esdra 4:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Zersi dama i'rãnho'õmo na ihâimana na'ratazéb ãma, ma tô Izaraéu nhihudu nhitob'ru norĩ hã, Zuda ãma 're ihâimana za'ra mono norĩ na, duré Zeruzalẽ ãma 're ihâimana za'ra mono norĩ na te te ãma iwasété za'ra na ãma rob'ui'éré za'ra, apito ma.

Esdra 4:6 ပူးပေါင်းရင်းမြစ်များ

Zenezi 26:21

Taha pari Izaquihi ma romhuri'wa norĩ, ma tô aimawi hã siwi ab're. Tawamhã ma tô duré taha na ãma sisada'âbâ za'ra. Tahawa ma tô duré ta hã sisi, “dazahi na dasisada 're idahâimana za'ra mono zém” na.

Esdra 4:5

Dama i'rãnho'õmo hawi tipawa'âbâ zô te te iromhuri za'ra norĩ ma hã, ma tô duré rob'uiprazé hã pi'uriwi tãma sõmri za'ra, Izaraéu nhihudu norĩ te te sima ãma irowa'õtõ za'ra zé hã te te tiwi ãma 'wa'rutu za'ra da. Ãne hã ma tô Persia nhib'apito Ciru 're hâimana mono ré, duré Persia ãma apito Dariu 're ihâimana mono zéb u hã uburé isitob'ru norĩ hã te te siwi 're 'manharĩ.

Daniéu 11:2

Hâiwa hawi romhuri'wa hã te zahadu timreme na ãma ĩma uzusi ãne: — Sena na marĩ na hã wa za oto aima rowasu'u. Si'ubdatõ te za Persia ãma apito norĩ danhib'ihâ'a na dama 're hâimana za'ra za. Ta norĩ za'u si, te za duré maparane si'uiwa na ãma dama si'apito, uburé apito norĩ iwana ihâimana za'ra nhipai'u isibro pe hã. Ta hã sibro pese uptabi wa, te za siptete na dama 're hâimana, i'rã nho'õmo na. Te za uburé tite dasi'wapéi 'manharĩ'wa norĩ hã 'rã'õtõ, Grécia ãma a'uwẽ te te 'wapé za'ra da hã.

Daniéu 9:1

Dariu hã, Zersihi 'ra, Média na ti'ai wa'õtõ nho'õmo nhisi hawi a'uwẽ, Babilonia na daza'ru nhisi ãma, te apito na dama 're hâimana.

Mateu 27:37

Tawamhã Zezusihi 'rã nho'õmoi baba ma tô siwi sasõ, wedepo'o na rob'ui'éré hã, iwasédé hã da te ãma ihirizéb ui'éré ré hã. Ãne ãma irob'ui'éré hã: “Ã hã Zezusi, zudeu norĩ nhib'apito.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:13

Tahawa, ĩwasété na, tô sena na te te siwi ĩ'ãma sa'ra waihu'u õ di. Mare di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 25:7

Tawamhã Paulu hã oto itẽme wisi wamhã, zudeu norĩ hã Zeruzalẽ hawi isi'aba'ré norĩ hã ma tô siwi uirĩ. Tahawa, apito ma, ma tô wasu'u wasété uptabi za'ra, Paulu hã. Tane nherẽ, tô sena na iwasédé hã te te siwi ãma sa'ra waihu'u õ di, zudeu norĩ hã.

Apocalipsi 12:10

Tawamhã wa tô duré ni'wai mreme hã wapa. Mreme 'rãihâ na te tinha: — 'Re ihâimana u'âsi mono hã ma tô oto wa'anho'reptuzém na wama ãma uwaimra, wanhitob'rui wi. Danhib'apito na siptete na te te 're ida'ab'madâ'â mono zé hã ma tô duré dama hâi'ré oto. Duré Danho'reptui'wa da, te te ipisudu hã te duré isiré te te 're da'ab'madâ'â oto, waihu'u pese na. Wasiré isazei'wai ãma, awẽ sidâpâsi simizazâri ãna iwasédé hã te te ãma 're i'aza'ra mono hã ma tô oto 'Re ihâimana u'âsi mono hã sihawi time hâiwa hawi, ti'ai u, Wa'uburé hã.