Esdra 4:5 - ꞌRe Ihâimana Uꞌâsi Mono Zadawa Wasuꞌu

⁵ Dama i'rãnho'õmo hawi tipawa'âbâ zô te te iromhuri za'ra norĩ ma hã, ma tô duré rob'uiprazé hã pi'uriwi tãma sõmri za'ra, Izaraéu nhihudu norĩ te te sima ãma irowa'õtõ za'ra zé hã te te tiwi ãma 'wa'rutu za'ra da. Ãne hã ma tô Persia nhib'apito Ciru 're hâimana mono ré, duré Persia ãma apito Dariu 're ihâimana mono zéb u hã uburé isitob'ru norĩ hã te te siwi 're 'manharĩ.

Esdra 4:5 ပူးပေါင်းရင်းမြစ်များ

Esdra 4:24

Tawamhã 'Re ihâimana u'âsi mono nhorõwa 'ri 'manharĩ na romhuri ma tô aré dasiwi sazâri ni. Taha haré ma tô aré we ãma 're ropsa'wari, Persia ãma Dariu dama i'rãnho'õmo na maparane ãma iwahubzéb u hã.

Esdra 4:4

Tawamhã õhõ ti'ai ãma a'uwẽ norĩ hã ma tô Izaraéu nhihudu norĩ wi, te te ãma tiwi irobzei'õ za'ra da hã nasi niha na hã tãma rob'manharĩ za'ra. Ma tô duré nasi tãma rob'rãmi za'ra, pahi za'ra da, 'ri 'manharĩ na te te ãma uzusi za'ra tõ da.

Esdra 4:6

Tawamhã Zersi dama i'rãnho'õmo na ihâimana na'ratazéb ãma, ma tô Izaraéu nhihudu nhitob'ru norĩ hã, Zuda ãma 're ihâimana za'ra mono norĩ na, duré Zeruzalẽ ãma 're ihâimana za'ra mono norĩ na te te ãma iwasété za'ra na ãma rob'ui'éré za'ra, apito ma.

Esdra 5:5

Tane nherẽ, tite za'ra 'Re ihâimana u'âsi mono tõmobre, ma tô zudeu ma, i'rãnho'õmo norĩ hã tihâimana za'ra. Tahawa Persia ãma dama ipire norĩ hã ma tô marĩ te te a'â 'manharĩ za'ra tõ da, ãma sima rowairébé za'ra, apito Dariuhu ma, za taha na te te ãma iromnhihâtâ za'ra zé wa'rãmi, te te ãma sada'âbâ za'ra õ ré hã.

Daniéu 10:13

Tawamhã hâiwa ãma romhuri'wa, Persia ãma apito norĩ nhimi'madâ'âzéb 'wawi 're isimapa mono hã ma tô 21 na bâdâ imorĩ 'rem na ĩzada tihâiba. Tane nherẽ, Migueu hâiwa ãma romhuri'wa norĩ nhib'ihâ'a siré, ma tô te te ĩpawaptob da, we ĩtẽme mo, ĩsiwaprosi Persia te apito norĩ zada, ĩhâimana wa.