Esdra 4:22 - ꞌRe Ihâimana Uꞌâsi Mono Zadawa Wasuꞌu

²² Ma'ãpé ã hã rowaihu'uzé hã, uburé ãma asiwi uwaimrami wẽ za'ra wa'aba, te te siwi ãma uzusi tõ da, duré ĩnhimi'madâ'âzém hawimhã te 're romnhimini tõ mono da.”

Esdra 4:22 ပူးပေါင်းရင်းမြစ်များ

Esdra 4:13

Apito ãhã nhipai u ihâiba amo niha hã iwaihu'u da hã aima i'ruzahi. Ã hã 'ri nho'u apâ te te siwi 'ri wamhã, duré apâ 'ri 'wawi wa'ra te te siwi wahutu wamhã, ã norĩ a'uwẽ tipawa'â aima te te 're i'arĩ za'ra mono da hã mare di za. Ãne wamhã, te za rob'uiprazé 're i'a'ubumroi mono zé hã aiwi sina ti'awi.

Esdra 4:21

Tahawa, ma'ãpé aibâ norĩ ma, waihu'u za'ra wa'aba, 'ri nho'õmo na tinhimiromhuri te te sahâri za'ra da. 'Ri nho'u, wa hã te 'rui õ nherẽ, apâ da te dasiwi i'ri da hã mare uptabi di.

Esdra 4:23

Tawamhã apito Artazesihi nhimiromnhihâdâ hã ma tô Reum norĩ ma, dama romnhihâtâ 'manharĩ'wa Sĩsa'ĩhĩ me, duré isiré norĩ me hã tãma sõré za'ra ni. Tahawa awa'awi ma tô ta norĩ hã Zeruzalẽ u ai'aba'ré. Si'aba'réi wamhã, ma tô zudeu norĩ ma, tisi'wapézém na hã tãma amhâzépa za'ra, tinhimiromhuri te te sahâri za'ra da.

Daniéu 6:2

Tawamhã ro morĩ wẽ da, niha marĩ hâimana tõ da, ma tô apito si'ubdatõ dama ipire norĩ, 120 na dama i'rãnho'õmo norĩ te te 're 'madâ'â za'ra mono da hã pisutu za'ra. Tawamhã Daniéu zama ma tô dazu pisutu, dama ipire na hâimana da.

Daniéu 6:3

Tawamhã Daniéu ma tô tisiré norĩ dama i'rãnho'õmo na 're ihâimana za'ra mono nhipai u tinhimiromhuri wẽ na hã sihâi'ré. Taha ma, tãma romhuri waihu'u pese uptabi wa, ma tô apito hã ãma rosa'rata, te te sẽrẽ da, uburé danhipai u danhib'ihâ'a na oto 're hâimana mono da.