Esdra 4:15 - ꞌRe Ihâimana Uꞌâsi Mono Zadawa Wasuꞌu

¹⁵ dama 'ru da, aihi'rata norĩ wasu'u ré ibaihâ mono hã da te sabu za'ra mono da. Ãne 'manharĩ wamhã, te za i'upsibi me, 'ri nho'u Zeruzalẽ ãma a'uwẽ õne u'â tinhib'apito te te siwi 're iwapari õ u'âsi za'ra mono na, duré duréi romna'rata hawi, apito norĩ ma, duré daza'rui wa'õtõ mono bâ dama i'rãnho'õmo norĩ ma, we marĩ te te 're isani za'ra mono na. Tawamhã duré nimahã na taha zarina ma tô dasiwi 'ri prum ni.

Esdra 4:15 ပူးပေါင်းရင်းမြစ်များ

Esdra 4:12

“Apito, wa ãma aima wasu'u za'ra ni, asadawa para we zudeu norĩ isi'aba'ré, we isihudu Zeruzalẽ u ma tô apâ 'ri nho'u isimipari'õ iwasété uptabi siwi 'ri. Ma tô duré 'ri 'wawi wa'ra wahutu na hã ãma siwi sãna'rata. Taha romhuri na te za duré siwi uprosi su'u za.

Esdra 4:14

Tahawa, wa norĩ aima romhuri'wa, wa te wasiwi 're ai'umnhasi mono na 're aihâimana mono nherẽ, te te siwi i'asisi uptob da hã, wa te wasima wẽ za'ra õ di, wa norĩ hã. Tahawa ãne romreme hã wa aima me za'ra ni,

Esdra 4:16

Tahawa, apito, wa ãne aima wasu'u zahi za'ra ni: Apâ 'ri nho'u hã te te siwi 'manharĩ té wamhã, duré i'wawi wa'ra te te siwi 'manharĩ téb 'rãsutu wamhã, a hã Eufrati bâtâ zasizém niwĩ daza'rui wa'õno ihâimana ãma te za asiptetezé hã isimini.”

Neemia 2:19

Tane nherẽ, Sãbalati norĩ, Tobiaha me duré Gesẽ, Arabia norĩ siré me, ãne na wa te i'manharĩ za'ra zé te te waihu'u za'ra wamhã, ma tô wa'ãma to za'ra sina wa'ãma aihâ za'ra. Tahawa te ãne wazadanharĩ za'ra: — E marĩ te bété asiwi i'manharĩ 'wa. E taha zarina apito da, aihâimana za'ra wa'aba da.

Neemia 6:6

Ãne imreme na rob'ui'éré hã: “Gesẽ hã ma tô ĩma aiwasu'u, aiwaptoma a'uwẽ norĩ 'remhã te te ai'ãma sima irobâsi za'ra zém na hã ãne: A hã zudeu norĩ me, te u, dama ipire norĩ zada aihâimana za'ra wa'aba da, rosa'rada hã asima i'manharĩ za'ra wa'wa. Duré tahawa te u, apâ 'ri 'wawi wa'ra hã asiwi i'manharĩ pese 'wa. Te duré u, asima irosa'ra, dama i'asi'apito da hã.