Tawamhã ahâ uptabi na sasedoti si'ihi norĩ hã, levita si'ihi norĩ hã, duré a'uwẽ wa'õtõ nhib'ihâ'a si'ihi norĩ hã ma tô duréihã imorĩ'rata na aré 'ri 're isa mono hã te te 're 'madâ'â za'ra. Ãhã wa, ta norĩ hã ma tô wawa 'rãihâ na ti'ru'ru, 'ri tém nhana'ratazé apâ da te dasiwi sa'ra ré, te te 'madâ'â za'ra wa. Tane nherẽ, isiré norĩ isimasa hã ma tô rowẽ te, sa'ẽtẽ nasi hã, hârâ 'rãihâ na.
Esdra 3:13 - ꞌRe Ihâimana Uꞌâsi Mono Zadawa Wasuꞌu13 Ãne wa, nima hã robruru'uzé ni'wa hã te te wapari waihu'u õ di, sina sito wa, dazadarizé, da'ru'ru me. Sa'ẽtẽ uptabi da te dasima iromhu'u za'ra zé robruru hã da te dasima 'manharĩ za'ra wa, ma tô romhâ hawim nherẽ wapari za'ra ni, robruru hã. အခန်းကိုကြည့်ပါ။ |
Esdra 3:13
14 ပူးပေါင်းရင်းမြစ်များ
Tawamhã tô taha bâtâ na 'Re ihâimana u'âsi mono ma, danhimizama da te 're izata za'ra mono hã ahâ uptabi na ma tô tãma sõmri za'ra ni. Tahawa, dama rowẽ uptabi za'ra di. E marĩ wa. 'Re ihâimana u'âsi mono hã ipẽ'ẽtozé te te tãma sa'ẽtẽ za'ra wa. Taha zarina, pi'õ norĩ zama, duré ai'uté norĩ zama ma tô dazu sima romhu'u za'ra. Ãhã wa, robruru te te siwi i'manharĩ hã te romhâ na uptabi nherẽ, dasiwi wapari za'ra ni.
Tane nherẽ, ni'wam norĩ hã, a hã i'wawib za'ra 're aimapa mono da, sima sô 're isõpré mono hã te za tãma rowẽ sina 're hâimana za'ra. Te za pẽ'ẽto sina 're sõ're u'âsi za'ra. Asimi'madâ'âzém na i'wawi 're aimapa u'âsi za'ra mono. Asawi'wa norĩ si te ai'ãma rowẽ 're ihâimana mono hã te te 're sõpẽtẽ za'ra.
ကြော်ငြာတွေ