Esdra 3:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã nima norĩ, Uburé Danhib'apito ãma iwata za'ra na ma tô tinho're za'ra. Tahawa, isiré ihâiba amo hã ma tô nasi 'râwi ãma sada'âbâ za'ra, tinho're na tô õhõ danho're na. Ãne te nasi ãma sisada'âbâ za'ra: “Uburé Danhib'apito hã wẽ uptabi di. Duré isimizawizé Izaraéu nhihudu norĩ ãma hã te õne u'â 're hâimana u'âsi!” Tawamhã uburé a'uwẽ norĩ hã te mreme 'rãihâ sina Uburé Danhib'apito ãma hã tinho're na, nasi ãma tiwata za'ra, 'ri 'manharĩ na apâ te te oto ãma siwi sãna'rata wẽ te.

Esdra 3:11 ပူးပေါင်းရင်းမြစ်များ

Neemia 12:24

Tawamhã levita i'rãnho'õmo norĩ hã ãne: Hasabiasi, Serebia, Zesua, Binu'i, duré Cadmi'é. Tawamhã ta norĩ siré, ma tô 'Re ihâimana u'âsi mono ãma 're iwata za'ra mono zém na isõ're na te te ãma 're sada'âbâ za'ra, isõ're simasap sina, 'Re ihâimana u'âsi mono nhib'a'uwẽ Dawi, tinhimiroti te te ihirizéb zarina.

Neemia 12:40

Tawamhã maparane dawa'õno hã ma tô 'Re ihâimana u'âsi mono nhorõwa 'ri u hã aihutu. Ãhã wa, ĩte dawa'õtõ nhib'ihâ'a norĩ zu ma tô sasedoti norĩ zama tihâimana za'ra, danhimnhihârâzé te te ihãsi mono hã: Eriaquĩ, Maaséia, Miniami, Micaia, Elioenai, Zacaria, duré Hanania.

Salmu 100:5

E marĩ wa, Uburé Danhib'apito hã wẽ uptabi wa, duré isimizawizé õne u'â tãma 're hâimana mono wa, duré umnhasi na 're ihâimana mono zé hã si'utõrĩ waihu'u õ wa.

Salmu 103:17

Uburé Danhib'apito nhimizawizé te si'utõrĩ ãna te te 're iwazéb za'ra mono norĩ ãma hã 're hâimana u'âsi. Ta norĩ 'ra nhihudu norĩ ma sidâpâsi, te õne u'âsi i'uwaibaba na si te te tãma 're i'ab'manharĩ mono zé hã 're hâimana,

Salmu 118:1

Uburé Danhib'apito ãma si te za 're aiwata u'âsi za'ra wa'aba mo, õhõ si wẽ wa, duré isimizawizé hã õne u'â 're hâimana mono wa.

Salmu 47:1

Uburé a'uwẽ norĩ, rowẽ te, ma'ãpé asib'ratap to'o za'ra wa'aba! Asõ're 'rãihâ na, 'Re ihâimana u'âsi mono ãma aiwata za'ra wa'aba.

Salmu 47:5

'Re ihâimana u'âsi mono, tisimasisizéb u ma tô sai'u, rowẽ te, 're idahãsi mono siwaprã. Rowẽ te, te danhimnhihârâzém na hã amnhihãsi ni.

Ezodu 15:21

Ãne Miriã, te tawamhã tãma tinho're za'ra: Uburé Danhib'apito ma, te za tãma 're asõ're u'âsi za'ra wa'aba mo, aipẽ'ẽ 're ãma 're aiwata za'ra wa'aba mono sina. E tihai wa. Õ hã iwẽ uptabi na hã te te da'ãma ai'uté wa; Õ hã ma tô awaru hã, duré awaru na isi'wapéi'wa norĩ hã, â wa'wa u sãmra.

Luca 1:50

Imreme, da te 're 'madâ'â pese za'ra mono wamhã, te za da'ãma 're pẽ'ẽzé u'âsi. Õne u'âsi.

Zozué 6:10

Zozué hã ma tô a'uwẽ norĩ ma waihu'u siromo za'ra, a'â sadari za'ra mono tõ da, duré a'â robruru te te siwi 'manharĩ tõ da, te te tãma iwaihu'u za'ra zé bâtâ u.

Zozué 6:16

Tawamhã oto 7 na te te siwi i'uirĩ zahu zéb ãma sasedoti norĩ tinhimnhihãsizé te te siwi hãsi zahâri wamhã, ma tô a'uwẽ norĩ ma Zozué hã tãma nharĩ za'ra, ãne: — Oto asadari na hã aihãsi aba! Uburé Danhib'apito ma tô oto Zerico hã aima sõmri za'ra wa'wa.

Zozué 6:5

Tawamhã ta norĩ, pẽ'ẽ hâ sina te te hãsi mono wamhã, te za uburé a'uwẽ norĩ hã sa'ẽtẽ uptabi tizadari za'ra. Tahawa, 'ri nho'õmo 'wawi wa'ra 'rãihâ hã te za waptãrã. Tawamhã hâiba mono bâ awa'awi te za 'ri nho'õmo u hã sisa're, sisisi mono da.