Esdra 2:68 - ꞌRe Ihâimana Uꞌâsi Mono Zadawa Wasuꞌu

⁶⁸ Tawamhã Zeruzalẽ ãma Uburé Danhib'apito nhorõwa aré 're isa mono zéb u ni'wam norĩ, a'uwẽ wa'õtõ ma, danhib'ihâ'a sihutu wamhã, ma tô tinhoprubzé hã sõmri za'ra, tô isab 'rata zéb ãma 'ri da te ãma wahutu da apâ, 'Re ihâimana u'âsi mono ma.

Esdra 2:68 ပူးပေါင်းရင်းမြစ်များ

Esdra 2:69

Tawamhã isimarĩ hã tãma 're ihâimana za'ra mono zéb zarina ma tô sõmri za'ra, te te sada ubumro za'ra da, 514 na ipire pibuzém na oru hã, 2.800 na ipire pibuzém na ẽtẽ waipo prã prata hã, duré 100 na sasedoti norĩ nho'utu ubuzé ihâ pa hã.

Esdra 3:3

Tawamhã tô õ hã ti'ai 're, a'uwẽ norĩ 're isi'ubumroi mono ma, pahi za'ra nherẽ, ma tô apâ iwana 're isa mono ne hã siwi 'manha, 'Re ihâimana u'âsi mono ma, danhoprub zata nhomrizé hã. Tahawa, ma tô taha nhisiwi ãma siwi sãna'rata tinhoprubzéb hã mararé nhidâpâsi, duré hâiwahâ nhidâpâsi.

Esdra 9:9

Wa norĩ hã wa tô aré danhib'a'uwẽ wa, wapawa'âbâ ãna wa te 're romhuri za'ra. Tane nherẽ, taha 'remhã warẽme za'ra õ di. A hã ma tô Persia nhib'apito norĩ hã i'rãipizari za'ra, iwẽ si te te wama 're 'manharĩ za'ra mono da. Taha zarina ma tô asõrõwa 'ri hã apâ wa te wasiwi wahutu da hã wama sa'ré za'ra, da te aré dasiwi i'ri pru pe hã. Ma tô duré wama sa'ré za'ra, ãme Zuda ãma, duré Zeruzalẽ ãma wasima iwẽ na 're wahâimana za'ra mono da, 'ri 'wawi wa'ra 'rãihâ 'rem ne.

Salmu 110:3

Nimahã na asitob'ru norĩ zada aihâimana da, bâdâ pisutu wamhã, te za asib'a'uwẽ norĩ hã oto aima sihâi'ré za'ra, sihawim na isipisutu za'ra norĩ hã. Awẽ wi atébré 're ihâimana mono ne, te za ihâiba tém norĩ hã ẽne iwazéb zahi ãma siwi asõpẽtẽ.

Ezodu 25:2

— Izaraéu nhihudu norĩ ma tãma nharĩ za'ra na, tinhoprubzé te te ĩma sõmri za'ra da. Ta norĩ pẽ'ẽ to sina te te isõmri za'ra si te za isõprub za'ra zé hã i'awaibu.

2 Corĩtu 8:12

Ato sina, ãma asõprub za'ra wa'aba wamhã, 'Re ihâimana u'âsi mono si te za asõprubzém na aiwẽsãmri za'ra wa'wa. Asimarĩ aba õ wa, tô suru na isõmri za'ra wa'aba zéb zarina, te za duré ãma aiwẽsãmri za'ra wa'wa, ato sina ãma asõprub za'ra wa'aba wa.

2 Corĩtu 8:3

Marĩ hã sa hâimana za'ra õ nherẽ, ma tô sa'ẽtẽ na dama sõmri za'ra, tinhoprubzém na te te ãma dazawi za'ra da. Si'uihâ na ma tô sima pisutu za'ra, ãne na wa te ãma saze za'ra wa, Zeruzalẽ ãma 'Re ihâimana u'âsi mono nhib'a'uwẽ norĩ te te siwi ãma pawaptob za'ra da, te te sima iwẽ uptabi za'ra zéb zarina. Tahawa, wẽ di ãne hã, dama ãma isõprub za'ra zé hã, Masédonia ãma isazei'wa norĩ nhoprubzé hã.

2 Corĩtu 9:7

'Râwi aipẽ'ẽ 're, asima iwaihu'u za'ra wa'aba zéb zarina si, te za aihâiba mono bâ dama asõprub za'ra wa'wa, ãté sa'ẽtẽ na, ãté suru na. Robzei'õ nherẽ, dama asõprub za'ra wa'aba õ di za. Duré taré da te aima i'ru za'ra wa'aba zéb zarina, dama asõprub za'ra wa'aba õ di za. Mare di. Asi'uihâ na si te za asima iwẽ za'ra wa'aba zéb zarina, dama asõprub za'ra wa'wa, ato sina. Ãne si iwẽ uptabi hã, 'Re ihâimana u'âsi mono ma hã, dato sina dasima 're idanhoprub za'ra mono zé hã.