Esdra 2:43 - ꞌRe Ihâimana Uꞌâsi Mono Zadawa Wasuꞌu

^43-54 Tawamhã ã hã 'Re ihâimana u'âsi mono nhorõwa 're, te te 're iromhuri za'ra mono norĩ nhib'a'uwẽ wa'õno hã sito pese na Babilonia ãma 're ihâimana za'ra mono zém hawi, apâ isi'aba'ré norĩ nhib'ihâ'a nhisi hã: Zia, Hasufa, Tabaote, Querosi, Sia, Padõ, Lebana, Hagaba, Acube, Hagaba, Salma'i, Hana, Gide'u, Ga'a, Reaiasi, Rezĩ, Necoda, Gazã, Uza, Paséia, Besa'i, Asnate, Me'uni, Nefisĩ, Baquebuque, Hacufa, Haru, Baslute, Meida, Harsa, Barcosi, Sisera, Tema, Nesia, duré Hatifa.

Esdra 2:43 ပူးပေါင်းရင်းမြစ်များ

Esdra 2:58

Uburé hã 'Re ihâimana u'âsi mono nhorõwa 're, romhuri'wa norĩ hã, Salomahã ma romhuri'wa norĩ nhihudu me hã 392 na ihâiba za'ra hã.

Esdra 7:7

nima norĩ Izaraéu nhihudu norĩ 'remhã, sasedoti norĩ ré, levita norĩ ré, isõ're'wa norĩ ré, duré 'Re ihâimana u'âsi mono nhorõwa 'madâ'â'wa norĩ ré, duré taha 'ri 're, romhuri'wa norĩ ré. Ãne hã ma tô tiromhâiba, Artazesi hã dama i'rãnho'õmo na 7 na ãma iwahubzéb ãma.

Esdra 8:17

Tahawa, Casifia na romnhisi ãma danhib'ihâ'a Idoho zô, wa tô satõrĩ zahuré, sô rĩtĩ zahuré mono da, te te sõpẽtẽ zahuré wa, duré isiré 'Re ihâimana u'âsi mono ãma 're idawata za'ra mono zé 'ri 're, te te aré 're iromhuri za'ra mono norĩ ma, te te tãma nharĩ za'ra da, tô ãme ãhã 'ri 're romhuri'wa da, te te we watẽme 'mazatõrĩ za'ra da.

Esdra 8:20

220 na 'ri 're romhuri'wa norĩ zama ma tô isiré we ai'aba'ré, apito Dawi duré tãma da'madâ'â'wa norĩ hã levita norĩ pawaptob za'ra 'wa da, te te ipisutu za'ra nhihudu norĩ hã. Tahawa, uburé ta norĩ nhisi na hã ma tô ãma rob'ui'éré za'ra.

Neemia 10:28

Wa norĩ hã Izaraéu nhihudu, sasedoti norĩ hã, levita norĩ hã, 'Re ihâimana u'âsi mono nhorõwa 'ri 'madâ'â'wa norĩ hã, tô taha 'ri're romhuri'wa norĩ hã, isõ're'wa norĩ tô taha 'ri 'remhã, duré uburé 'Re ihâimana u'âsi mono nhimiroti te te 're iwapari pese za'ra mono norĩ hã, wasiré a'uwẽ'õ wanhipti'ai 're, iwazarib za'ra wahâimana ãna 're iwahâimana za'ra mono norĩ hã wamro norĩ me, duré uburé wa'ra isimiza'rese prã norĩ me,

Neemia 11:21

Zeruzalẽ ãma 'Re ihâimana u'âsi mono nhorõwa 'ri na romhuri'wa norĩ, ma tô Zeruzalẽ 're Ofe'u na 'ri wa'õtõ 'rare nhisi ãma 're hâimana za'ra. Ta norĩ ma tô Zia norĩ nhimi'madâ'â zapari Gispaha me te te 're romhuri za'ra.

Neemia 11:3

Ni'wam norĩ Izaraéu nhihudu, sasedoti norĩ, levita norĩ, duré Salomahã nhib'a'uwẽ nhihudu 'Re ihâimana u'âsi mono nhorõwa 'ri 're te te 're iromhuri za'ra mono, ma tô 'ri nho'u ihâiba amo norĩ ãma tite ti'ai wa'õtõ mono wa, 're si'ubumro. Ã hã Zuda na daza'rui wa'õtõ nhisi ãma dama ipire Zeruzalẽ ãma 're isi'ubumroi mono norĩ nhisi na irob'ui'éré hã: