Esdra 2:2 - ꞌRe Ihâimana Uꞌâsi Mono Zadawa Wasuꞌu

² Ta norĩ nhib'ihâ'a hã, Zorobabé, Zozué, Neemia, Seraia, Re'elaia, Mordecai, Bisã, Mispa, Biva'i, Reum, duré Ba'ana. — Ã hã ãma irob'ui'éré za'ra hã, Izaraéu nhihudu norĩ wa'õtõ mono 'remhã dahâiba za'ratazém na:

Esdra 2:2 ပူးပေါင်းရင်းမြစ်များ

Esdra 1:11

Tawamhã oru na duré prata na marĩ mono hã ma tô uburé simisutu hã watobro, 5.400 na. Ta hã Sesbaza, Zeruzalẽ u ma tô uburé apâ tidu, Izaraéu nhihudu norĩ Babilonia hawi apâ isi'aba'ré norĩ siré.

Esdra 1:8

Rob'uiprazé 'madâ'â'wa Mitredatehe ma, ma tô marĩ mono hã tãma sõmri za'ra. Taha pari ma ta hã iwamri za'ratazé mono na ãma romnhihâtâ. Tahawa, ma tô Sesbaza, Zuda ãma dama i'rãnho'õmo ma hã uburé tãma sõmri za'ra.

Esdra 2:1

Tawamhã Babilonia te apito Nabucodonozo, Izaraéu nhihudu norĩ 'remhã tirob u te te isimroi mono hã, Zuda ãma aré 're ihâimana za'ra mono hã ahâ uptabi di. Ta norĩ hã ma tô Zeruzalẽ u, duré Zuda u apâ sina siri za'ra, tite mono bâ 'ri nho'õmo mono u.

Esdra 2:3

Paroho nhib'a'uwẽ wa'õtõ 'remhã dahâiba za'rada hã: 2.172 na dahâiba hã;

Esdra 3:2

Tawamhã sasedoti Zozué, Zozadaquihi 'ra, isiré ihâimana za'ra norĩ hã, isiré ihâiba amo sasedoti norĩ hã, Zorobabé, Salati'éhé 'ra zama, duré isisãnawã norĩ hã ma tô Izaraéu nhihudu norĩ te, 'Re ihâimana u'âsi mono ma danhoprubzé zata nomrizéb da hã siwi 'manha, Mozési, 'Re ihâimana u'âsi mono nhib'a'uwẽ nhimiroti na rob'ui'éré zarina.

Esdra 4:3

Tane nherẽ, Zorobabé, Zozué, duré isiré Izaraéu nhihudu wa'õtõ nhib'ihâ'a norĩ hã ma tô ãne asa ãma sada'âbâ za'ra: — Wa te ai'ãma rosa'rata za'ra wa'aba õ di, Uburé Danhib'apito, wate 'Re ihâimana u'âsi mono te 'ri 'manharĩ na wapawaptob za'ra wa'aba da hã. Ãne si wa za tô wasiwaprosi wasiwi 'ri ni, Persiaha nhib'apito Ciru te te i'ruzéb zarina.

Esdra 4:8

Tawamhã dama i'rãnho'u Reum, Sĩsa'ĩ dama romnhihâtâ 'manharĩ'wai me ma tô apito Artazesihi ma hã duré tãma romnhihâtâ zahuré, Zeruzalẽ ãma 're idahâimana za'ra mono norĩ na iwasédé te te siwi ãma ihirizém na hã. Tawamhã ãne romnhihâdâ hã:

Esdra 5:2

Tawamhã Salati'éhé 'ra Zorobabé, Zozadaquihi 'ra Zozuéhé me 'Re ihâimana u'âsi mono zadawa wasu'u hã ma tô wapari zahuré. Tahawa, Zeruzalẽ ãma 'Re ihâimana u'âsi mono nhorõwa 'ri na ma tô apâ ãma dasiwi sãna'rata ni. Tahawa, ma tô isadawa 'mahârâ'wa norĩ hã duré ãma dapawaptob zahuré.

Esdra 8:1

à norĩ hã, Izaraéu nhihudu wa'õtõ nhib'ihâ'a norĩ Babilonia hawi Zeruzalẽ u apâ Esdraha siré isi'aba'ré, apito Artazesi danhib'ihâ'a na 're hâimana mono ré hã:

Neemia 12:47

Tawamhã Zorobabé 're hâimana mono ré, duré Neemia 're hâimana mono ré zama ma tô uburé Izaraéu nhihudu norĩ hã, tinhoprubzém na isõ're'wa norĩ hã, duré 'Re ihâimana u'âsi mono nhorõwa 'ri 'madâ'â'wa norĩ hã te te ãma 're pawaptob za'ra, bâtâ sidâpâsi. Tawamhã a'uwẽ Izaraéu nhihudu norĩ hã, ma tô levita norĩ ma danhoprubzé iwazéb zahi hã te te tãma 're sõmri za'ra. Tawamhã ta norĩ, taha parimhã ma tô duré oto sasedoti norĩ ma, ipo'o mono bâ te te tãma 're sõmri za'ra, 'Re ihâimana u'âsi mono te te tãma ipisutu za'ra zéb zarina.

Neemia 7:7

Isiré isib'ihâ'a isi'aba'ré norĩ hã, Zorobabé, Zozué, Neemia, Azaria, Ra'amia, Naamani, Mordecai, Bisã, Misperete, Biva'i, Ne'u, duré Ba'ana.