Esdra 10:9 - ꞌRe Ihâimana Uꞌâsi Mono Zadawa Wasuꞌu

⁹ Ãne wa, Zuda ãma, duré Bẽzami ãma uburé aibâ norĩ 're ihâimana za'ra mono si'ubdatõ bâtâ 're a'amo hã 9 ãma, duré bâdâ hã 20 na ihâimana ãma ma tô Zeruzalẽ u aihutu. Tahawa, ma tô si'rã'õtõ, 'Re ihâimana u'âsi mono nhorõwa nho'remhã, sõ'awi. Tawamhã taha siwaprã, tã ipini nhiptede ta'a wa, duré roti ipire zô isi'rã'õtõ siwaprã, ma tô uburé tipopo'o za'ra.

Esdra 10:9 ပူးပေါင်းရင်းမြစ်များ

Esdra 10:10

Tawamhã sasedoti Esdra hã ma tô hâiwi za, para na. Sa wamhã, te tinha ãne: — A norĩ wa'wa hã 'Re ihâimana u'âsi mono ãma si 're i'anomro aba mono õ zarina, ma tô Izaraéu nhihudu norĩ te te 're i'upa za'ra mono zém na hã tiwi ãma 're ihâimo za'ra wa'aba mo, duré asiré a'uwẽ'õ norĩ sipi'õ na 're i'aimro za'ra wa'aba mono u'âbâmhã.

Esdra 10:3

Tahawa, ãhã na awa'awi na wa za ipire na ropisutu za'ra ni, wate 'Re ihâimana u'âsi mono nho'remhã, pi'õ norĩ ma, 'ra ré si'aba'ré da, wa te tãma irob'ru za'ra zéb zarina. Ãne wa za asimiroti hã duré wate 'Re ihâimana u'âsi mono nhimiroti te te 're iwazéb za'ra mono norĩ mreme zama wasiwi 'manharĩ ni. Ãne wa za tô 'Re ihâimana u'âsi mono nhimiroti te te i'ruzé hã 'manharĩ za'ra ni.

Esdra 10:8

Tawamhã ma tô dama i'rãnho'õmo norĩ nhimirowaihu'u na duré danhib'ihâ'a nhimirowaihu'u na dapo're pu hã dasiwi 'manharĩ ni, ni'wa hã si'ubdatõ bâtâ pisutu pese upana wisi wamhã, za tinhimarĩ te te isiminizém na hã, duré za Izaraéu nhihudu norĩ hawimhã da te dasiwi iwazere na hã.

Esdra 9:4

Tawamhã tame wa tô ĩhâimana zei'õ na hã a'â nhamra, hâiwahâ tẽme danhoprub zata zéb u. Tawamhã ni'wam norĩ ma tô oto si'rã'õtõ da hã siwi ĩ'uirĩ, Izaraéu nhihudu norĩ te 'Re ihâimana u'âsi mono, Babilonia hawi isi'aba'ré norĩ tiwasédé te te 're i'manharĩ za'ra mono zém na te te inharĩzé ma, ipahi za'ra norĩ hã.