Esdra 10:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã ma tô dama i'rãnho'õmo norĩ nhimirowaihu'u na duré danhib'ihâ'a nhimirowaihu'u na dapo're pu hã dasiwi 'manharĩ ni, ni'wa hã si'ubdatõ bâtâ pisutu pese upana wisi wamhã, za tinhimarĩ te te isiminizém na hã, duré za Izaraéu nhihudu norĩ hawimhã da te dasiwi iwazere na hã.

Esdra 10:8 ပူးပေါင်းရင်းမြစ်များ

Esdra 10:7

Taha pari Zeruzalẽ ãma, duré Zuda ãma, uburé Babilonia ãma sito pese na 're ihâimana za'ra mono zém hawi apâ isi'aba'ré norĩ, Zeruzalẽ ãma isi'rã'õtõzéb na ma tô rowasu'u na ãma ropé za'ra ni.

Esdra 10:9

Ãne wa, Zuda ãma, duré Bẽzami ãma uburé aibâ norĩ 're ihâimana za'ra mono si'ubdatõ bâtâ 're a'amo hã 9 ãma, duré bâdâ hã 20 na ihâimana ãma ma tô Zeruzalẽ u aihutu. Tahawa, ma tô si'rã'õtõ, 'Re ihâimana u'âsi mono nhorõwa nho'remhã, sõ'awi. Tawamhã taha siwaprã, tã ipini nhiptede ta'a wa, duré roti ipire zô isi'rã'õtõ siwaprã, ma tô uburé tipopo'o za'ra.

Esdra 7:26

Ni'wa, ate 'Re ihâimana u'âsi mono nhimiroti duré dama i'rãnho'õmo nhimiroti te te wapari õ wamhã, te za õne haré awa'awi tãma rob'manharĩ ni. Ãhã wamhã, te za wĩrĩ ni, niha wamhã ti'ai wa'õtõ nho'õmo amoi u si morĩ da, te za dasiwi satõrĩ ni dasisiti. Duré niha wamhã, te za isimarĩ hã dasiwi tiwi waibu za'ra ni. Niha wamhã, te za dasiwi sẽrẽ ni, dazazéb 're.”

Neemia 13:28

Zoiada hã, Eriasibe sasedoti ipire 'ra, te 're hâimana. Tane nherẽ, Zoiadaha 'ra hã ma tô Sãbalatihi 'ra na hã timro, 'ri nho'u Bete-Horõ na isisi hawib 'ra na. Tahawa, wa tô Zoiada, Zeruzalẽ hawimhã waze.

Neemia 13:3

Tawamhã ãne hã Izaraéu nhihudu norĩ, roti na rob'ui'éré nhoré te te wapari za'ra wamhã, ma tô tisiré a'uwẽ'õ norĩ, isiré 're ihâimana za'ra mono zém hawimhã sani za'ra.

Mateu 18:17

Tawamhã asiré isazei'wa norĩ nho'a tãma 're roti za'ra wa'aba mono nherẽ, te te 're aiwapari za'ra wa'aba mono õ wamhã, te za oto uburé asiré isazei'wa norĩ ma 're irowasu'u za'ra wa'aba mo, asada 're iwasété za'ra wa'aba mono zém na hã. Tawamhã uburé asiré isazei'wa norĩ hã te te 're wapari za'ra mono õ wamhã, isazei'õ'wa hâimanazém ne ihâimana na hã, te za oto ãma 're irosa'rata za'ra wa'aba mo, ta hã tiwasété na 're siwaihu'u za'ra mono õ wa oto.

Zuwã 16:2

Dama ipire norĩ hã te za aiwi te te 're rosawi za'ra wa'wa, rowahutuzéb u dame 're asisisi aba mono tõ da. Duré 'Re ihâimana u'âsi mono te te tãma pisutu za'ra newa, te za ai'uprosi aba ni.

Zuwã 9:22

Ãne ma tô imama hã ina me tãma nharĩ za'ra. E marĩ wa. Dama ipire norĩ mreme pipa te. Ãne ma tô da'ãma sima hã te te 're roti za'ra: “Ni'wam norĩ hã Zezusi, Danho'reptui'wa da, 'Re ihâimana u'âsi mono te te ipisutu na te te saze za'ra wamhã, wa za wa te tiwi 're rosawi za'ra, rowahutuzéb u dame 're sisisi tõ mono da.” Ãne na ma tô te te sima 're roti za'ra.

Zuwã 9:34

Tawamhã farizeu norĩ, te duré asa tãma nharĩ za'ra, ãne: — Aiwasété ré, ma tô ana dub're asa'ẽ. Tahawa, ma tô atob'a na aipo. E niha te bété wama irowasu'u za'ra, aiwasété nherẽ. Mo oto aimorĩ. Rowahutuzéb u dame 're azasi mono õ di za oto.

Zozué 6:19

Tane nherẽ, ẽtẽ waipo prã prata na, ẽtẽ waipo pré oru na, ẽtẽ topsada brõzi na, duré isi'uwazi tete na danhib'manharĩ mono hã, uburé ã norĩ, Danhib'apito te hã za. Ta hã te za ite marĩ wa'âbâ za'ẽtẽ nhimi'warazéb 're dasiwi sa'ra ni.

Zuize 21:5

Tawamhã te anharĩ za'ra ãne: — Uburé Izaraéu nhihudu norĩ wa'õtõ 'remhã, e ma norĩ dame isi'aba'réi õ, Uburé Danhib'apito nho'a, Mispa ãma dasi'rã'õno ihâimanazéb u hã. (Ta norĩ hã sena na ropisudu hã ma tô aré siwi 'manha, ãne: Ni'wa sô Mispa ãma dasi'rã'õno ihâimana ãma robaba wamhã, te za dasiwi wĩrĩ ni.)

1 Samuéu 11:7

Tahawa, ma tô maparane powawẽ iba'u hã timra, te te pãrĩ da. Te te pãrĩ wamhã, ma tô te te wa'õtõ. Tawamhã iwa'õno hã ma tô tãma sõmri za'ra, romreme 'wapéi'wa norĩ ma hã ta norĩ hã te te 'wasari da, uburé Izaraéu nhihudu norĩ nhipti'ai mono bâ ma da. Tahawa, te ãne dama sadawa wasu'u za'ra: — Ni'wa hã Sauhu siré duré Samuéu siré dasi'wapéi u morĩ õ wamhã, te za tãma rob'manharĩ za'ra, ã hã powawẽ iba'õmo norĩ ma, te te irob'manharĩ zahuré ne. Tawamhã uburé Izaraéu nhihudu norĩ hã ma tô tipahi pese za'ra, Uburé Danhib'apito hã niha za te te tãma rob'manharĩ za'ra õ'umnhasite. Tahawa, uburé ma tô Sauhu tẽmemhã ai'aba'ré, misi tinhimirosa'rata ré, isiré si oto 're nomro mono da.