Esdra 10:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Esdra, 'Re ihâimana u'âsi mono nhorõwa 'ri nho're hawi ma tô watobro. Watobro wamhã, ma tô Eriasibehe 'ra si'aibâ Zoãnahã za'warizéb u mo. Tame ma tô ãma timara. Ma tô duré ãma ti'awẽ, sai ãna, duré te te hâ'rẽne ãna, tãma robzei'õ uptabi wa, Babilonia hawi a'uwẽ norĩ apâ te te sina isiri za'ra, 'Re ihâimana u'âsi mono ãma si 're nomro mono õ wa.

Esdra 10:6 ပူးပေါင်းရင်းမြစ်များ

Esdra 10:1

Tawamhã Esdra, 'Re ihâimana u'âsi mono nhorõwa 'ri nho're hi'rãtitõ sãmra sina, ma tô tãma mre, wawa sina, dawasété u'âbâ. Taha ré, ma tô Izaraéu nhihudu norĩ ahâ uptabi na imana wawimhã si'rã'õtõ, aibâ norĩ hã, pi'õ norĩ hã, duré ai'uté norĩ hã. Ma tô duré ta norĩ zama ti'ru'ru.

Esdra 10:7

Taha pari Zeruzalẽ ãma, duré Zuda ãma, uburé Babilonia ãma sito pese na 're ihâimana za'ra mono zém hawi apâ isi'aba'ré norĩ, Zeruzalẽ ãma isi'rã'õtõzéb na ma tô rowasu'u na ãma ropé za'ra ni.

Esdra 9:4

Tawamhã tame wa tô ĩhâimana zei'õ na hã a'â nhamra, hâiwahâ tẽme danhoprub zata zéb u. Tawamhã ni'wam norĩ ma tô oto si'rã'õtõ da hã siwi ĩ'uirĩ, Izaraéu nhihudu norĩ te 'Re ihâimana u'âsi mono, Babilonia hawi isi'aba'ré norĩ tiwasédé te te 're i'manharĩ za'ra mono zém na te te inharĩzé ma, ipahi za'ra norĩ hã.

Neemia 12:10

Zozué hã, Zoiaquĩhĩ mama, Zoiaquĩ hã, Eriasibehe mama, Eriasibe hã, Zoiadaha mama,

Neemia 12:22

Tawamhã Eriasibe, Zoiada, Zuãna, duré Zadua, sasedoti ipire na dama 're hâimana za'ra mono ré, ma tô levita norĩ wa'õtõ ma, danhib'ihâ'a nhisi na ãma rob'ui'éré za'ra ni, Persia te apito Dariu 're hâimana mono ré hã.

Neemia 13:28

Zoiada hã, Eriasibe sasedoti ipire 'ra, te 're hâimana. Tane nherẽ, Zoiadaha 'ra hã ma tô Sãbalatihi 'ra na hã timro, 'ri nho'u Bete-Horõ na isisi hawib 'ra na. Tahawa, wa tô Zoiada, Zeruzalẽ hawimhã waze.

Neemia 13:5

Tahawa ma tô 'ri 're wa'õtõ za'ẽne hã tãma sa'ré, amnho na danhoprubzé, iro'o da, wede wa'u zadaze na danhoprubzé iwa 're isimi'wara mono hã, 'Re ihâimana u'âsi mono nhorõwa 'ri 're, marĩ da te ãma 're i'manharĩ za'ra mono iwa 're isimi'wara mono hã, sasedoti ma danhoprubzé nhimi'warazé hã, 10 na amnho tehâri wasi, misi iwasi iwa 're isimi'wara mono hã, duré uwa 'rãi wa'u isé nhimi'warazé hã, levita norĩ ma, azeitona wa'u to, da te tãma 're isõmri za'ra mono iwa 're isimi'wara mono hã, isõ're'wa norĩ ma hã, duré 'Re ihâimana u'âsi mono nhorõwa 'ri 'madâ'â'wa norĩ ma hã.

Neemia 3:1

Tawamhã 'ri nho'õmo 'wawi wa'ra ma tô ãne apâ dasiwi 'manharĩ ni: Sasedoti tisiré norĩ nhipai u ipire uptabi Eriasibe na isisi hã, duré sasedoti isiré norĩ ma tô Pone'ẽrebâ na 'ridawa za'ẽtẽ nhisi hã siwi 'manha apâ. Tahawa, ma tô ãma sima romhu'u za'ra, te te siwi isaiwĩrĩzém na. Taha pari ma tô oto ãma siwi te te sasõmri 'ridawa za'ẽtẽ mono hã, 'ri 'wawi wa'ra 'rãihâ na. Cem na 'ri 'rãihâ nhisi u ma tô duré 'ri 'wawi wa'ra wahutu na hã ãma siwi tita, duré Hananeu na 'ri 'rãihâ nhisi u zama.

Neemia 3:20

Isãna're iwa'õno hã ma tô duré Baruqui, Zaba'ihi 'ra hã 'manharĩ pese, 'ri 'wawi wa'ra wẽ'ẽzém hawi, Eriasibe sasedoti tisiré norĩ nhipai u ipire uptabi nhib'ridawa ihâimana u.

Salmu 102:4

Ĩpẽ'ẽ 'remhã, duroire 'ré wa, da te 're sihâri za'ra mono wa, dapara na da te oto 're iwati'i za'ra mono ne, wa 're ĩhâimana. Tahawa, duré wa ĩsa na 're ĩpo're simrami pese.

Ezodu 34:28

Tawamhã Mozési, Uburé Danhib'apito siré ma tô tamemhã tihâiba, 40 bâtâ na, 40 mara na sai ãna duré te te hâ'rẽne ãna. Tawamhã ma tô ẽtẽpo'o na 10 sina 'Re ihâimana u'âsi mono nhimirotizém na hã ãma rob'ui'éré zahuré.

Daniéu 9:3

Ĩma robzei'õ zarina, da'uza ihâi hâza'õtõ na wa tô ĩsi'uza. Taha wa, wa tô duré 'ru'a wa nhamra. Ĩsa hã wa tô duré tirẽ. Wa tô Uburé Danhib'apito 'Re ihâimana u'âsi mono ma, sa'ẽtẽ mre, te tiwi iwaptẽrẽzé te te ĩma 'manharĩ da.