Esdra 10:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã Esdra, hâiwi oto sa wamhã, ma tô sasedoti ipire norĩ ma hã, levita ipire norĩ ma hã, duré uburé a'uwẽ norĩ ma hã tãma 'ru za'ra, Secaniasi te te tãma inharĩ za'ra zéb zarina te te siwi 'manharĩ da, te te siwi iropisutu da hã. Tahawa, ma tô ropisutu za'ra oto.

Esdra 10:5 ပူးပေါင်းရင်းမြစ်များ

Esdra 10:3

Tahawa, ãhã na awa'awi na wa za ipire na ropisutu za'ra ni, wate 'Re ihâimana u'âsi mono nho'remhã, pi'õ norĩ ma, 'ra ré si'aba'ré da, wa te tãma irob'ru za'ra zéb zarina. Ãne wa za asimiroti hã duré wate 'Re ihâimana u'âsi mono nhimiroti te te 're iwazéb za'ra mono norĩ mreme zama wasiwi 'manharĩ ni. Ãne wa za tô 'Re ihâimana u'âsi mono nhimiroti te te i'ruzé hã 'manharĩ za'ra ni.

Neemia 10:29

wa ãhã na wama ipire za'ra norĩ me ropisudu hã romnhihâtâ 'remhã ãne na hã wasiwi 'manharĩ za'ra ni: Wa norĩ, tinhib'a'uwẽ Mozésihi ma, 'Re ihâimana u'âsi mono tinhimiroti te te isõmri na si wa za 're wahâimana za'ra. Duré Wanhib'apito, wate 'Re ihâimana u'âsi mono timreme uburé te te wama 're i'ru za'ra mono zém na si, wa za duré 're wahâimana za'ra. Wa za duré wapo're pese na 're iwahâimana za'ra mono zém na imreme hã wa te ãma tãma 're uwaimrami za'ra. Tawamhã wa te iropisutu za'ra zé, wa te duré ãma 're uwaimrami za'ra mono õ wamhã, te za iwẽ'õ hã te te wama 're apisutu.

Neemia 13:25

Tahawa aibâ norĩ ma, wa tô pẽtẽ za'ra. Wa tô duré 'Re ihâimana u'âsi mono nhimi'ahârizé hã sada waptẽrẽ za'ra. Tahawa, wa tô duré hâ za'ra. Wa tô duré séré zano za'ra. Tawamhã 'Re ihâimana u'âsi mono nhisi na wa tô tiwi waptẽrẽ za'ra, niwamhã i'ra norĩ hã wasiré a'uwẽ'õ norĩ nhipi'õ na hã 're mro zahu za'ra mono tõ da.

Neemia 5:12

Tawamhã dama ipire norĩ, ma te ãne asa ãma ĩzada'âbâ za'ra: — Wẽ di tô. Ãma wama inharĩ za'ra zéb zarina, wa za tô wasiwi 'manharĩ ni. Danhimarĩ mono hã wa za tô apâ wa te dama sõmri za'ra, itede'wa norĩ ma hã. Duré rob'uiprazém na da te wama ropisutu za'ra nherẽ, zahadu da te wama iwa'âbâ za'ra õ na, wa te ãma idawati zahu za'ra da hã mare di za. Tawamhã sasedoti norĩ zô, wa tô ĩhârâ za'ra. Tahawa, wa tô dama ipire norĩ ma, 'manharĩ za'ra, tinhimiropisutuzé te te ãma ĩma i'uwaimrami za'ra mono na sena na te te ĩma sina ropisutu za'ra da hã.

Provébiu 1:5

'Rãi waihu'u wẽ na 're ihâimana za'ra mono zama ã hã rowaihu iwẽ hã te te 're po're 'repu'u za'ra mono wamhã, te za isimirowaihu iwẽ hã te te sina tãma 're hâimo za'ra. Te za duré tinhimirowaihu'uzé iwẽ te te ãma 're iwaihu'u ahâ za'ra mono zé hã te te 're pibui pese za'ra,

Provébiu 15:23

Marĩ na da te 're dazada'âbâ wẽ za'ra mono wamhã, te za dama ãma rowẽ wazere ni. Duré danhimiroti wẽ bâtâ zarina da te dama ãma 're irowasu'u za'ra mono hã wẽ uptabi di.

Provébiu 27:9

Dasisadazezém na 're dasi'mawamarĩ za'ra mono wa, te te dama 're irowẽ zani za'ra mono ne, te sena na 're idasisawi za'ra mono zé hã te te dama 're rowẽ zani za'ra.

Provébiu 9:9

Ni'wa i'rãi waihu'u wẽ ma, marĩ na ãma tãma 're roti mono wamhã, te za ti'rãi waihu'u wẽ hã te te ãma sima 're sa'ẽtẽ. Duré i'uwaibaba si 're imorĩ ma, marĩ na ãma tãma 're rowaihu'u mono wamhã, te za ti'rã nhimiza're hã te te sima 're sa'ẽtẽ.

Mateu 26:63

Tane nherẽ, te Zezusi hã ari'iwi za. Tawamhã sasedoti ipire uptabi hã te duré sadanha, ãne: — E a hã Danho'reptui'wa da, 'Re ihâimana u'âsi mono te te i'aipisudu. E a hã 'Re ihâimana u'âsi mono 'ra. Ma'ãpé sena na wama asiwasu'u na. Duré wawi ai'udâ tõ, 'Re ihâimana u'âsi mono nho'a hã.