Esdra 10:44 - ꞌRe Ihâimana Uꞌâsi Mono Zadawa Wasuꞌu

⁴⁴ Ã norĩ ma tô uburé pi'õ dasiré'õ na hã aré timro za'ra. Tawamhã ta norĩ hã ma tô oto timro hã siwi wẽ'õ pese za'ra. Taha zarina ma tô tãma rob'ru za'ra, si'aba'ré da hã 'ra ré.

Esdra 10:44 ပူးပေါင်းရင်းမြစ်များ

Esdra 10:3

Tahawa, ãhã na awa'awi na wa za ipire na ropisutu za'ra ni, wate 'Re ihâimana u'âsi mono nho'remhã, pi'õ norĩ ma, 'ra ré si'aba'ré da, wa te tãma irob'ru za'ra zéb zarina. Ãne wa za asimiroti hã duré wate 'Re ihâimana u'âsi mono nhimiroti te te 're iwazéb za'ra mono norĩ mreme zama wasiwi 'manharĩ ni. Ãne wa za tô 'Re ihâimana u'âsi mono nhimiroti te te i'ruzé hã 'manharĩ za'ra ni.

Esdra 9:2

Izaraéu nhihudu si'aibâ norĩ, ma tô tisiré a'uwẽ'õ norĩ nhipi'õ na ãma 're mro za'ra. Ãhã zarina ma tô 'Re ihâimana u'âsi mono, tinhib'a'uwẽ da, te te ipisutu za'ra norĩ hã ibâi õ na ãma 're sihâimana wamnarĩ za'ra. Tawamhã danhib'ihâ'a norĩ, duré dama i'rãnho'õmo norĩ, ma tô dawasété na danhowamhã dama ãma tihâimana na'rata za'ra.”

Provébiu 2:16

Ãne wamhã, pi'õ iwasédé timreme nhipese na te te 're aipibui mono wamhã, te za asimirowaihu iwẽ hã te te 're aipawapto, imreme na ãma 're ai'uté mono da,

Provébiu 5:20

Ĩ'ra, e marĩ da, te za pi'õ siwa'ru 're ihâimana mono hã 're i'a'ruiwapari mono zarina 're i'mazawi hutu mo. E marĩ da, te za pi'õ, aibâ aimawi mro hã 're mrami mono sina iré 're aipasito mo.

Provébiu 5:3

Pi'õ siwa'ru 're ihâimana mono zaihâ hã aiwa te ropĩni ise ne 're hâimana. Duré aiwa azeitona wa'u tom ne hã mreme hâ su'u na te 're hâimana.