Esdra 10:3 - ꞌRe Ihâimana Uꞌâsi Mono Zadawa Wasuꞌu

³ Tahawa, ãhã na awa'awi na wa za ipire na ropisutu za'ra ni, wate 'Re ihâimana u'âsi mono nho'remhã, pi'õ norĩ ma, 'ra ré si'aba'ré da, wa te tãma irob'ru za'ra zéb zarina. Ãne wa za asimiroti hã duré wate 'Re ihâimana u'âsi mono nhimiroti te te 're iwazéb za'ra mono norĩ mreme zama wasiwi 'manharĩ ni. Ãne wa za tô 'Re ihâimana u'âsi mono nhimiroti te te i'ruzé hã 'manharĩ za'ra ni.

Esdra 10:3 ပူးပေါင်းရင်းမြစ်များ

Esdra 10:11

Tahawa, ma'ãpé ãhã na, Uburé Danhib'apito, aihi'rata norĩ te, 'Re ihâimana u'âsi mono ma, aiwasété aba na tãma asiwẽ'õ za'ra wa'aba. Duré tãma iwẽ hã ma'ãpé 're 'manharĩ za'ra wa'aba mono. Ma'ãpé duré wasiré a'uwẽ'õ wanhipti'ai 're, 're ihâimana za'ra mono ma, 're asa'o hâ za'ra wa'aba mono. Duré ma'ãpé asiré a'uwẽ'õ sipi'õ na ãma 're i'aimro za'ra wa'aba mono hã satõrĩ za'ra wa'aba, si'aba'ré da oto aihawib za'ra wa'aba.

Esdra 10:44

à norĩ ma tô uburé pi'õ dasiré'õ na hã aré timro za'ra. Tawamhã ta norĩ hã ma tô oto timro hã siwi wẽ'õ pese za'ra. Taha zarina ma tô tãma rob'ru za'ra, si'aba'ré da hã 'ra ré.

Esdra 10:9

Ãne wa, Zuda ãma, duré Bẽzami ãma uburé aibâ norĩ 're ihâimana za'ra mono si'ubdatõ bâtâ 're a'amo hã 9 ãma, duré bâdâ hã 20 na ihâimana ãma ma tô Zeruzalẽ u aihutu. Tahawa, ma tô si'rã'õtõ, 'Re ihâimana u'âsi mono nhorõwa nho'remhã, sõ'awi. Tawamhã taha siwaprã, tã ipini nhiptede ta'a wa, duré roti ipire zô isi'rã'õtõ siwaprã, ma tô uburé tipopo'o za'ra.

Esdra 9:4

Tawamhã tame wa tô ĩhâimana zei'õ na hã a'â nhamra, hâiwahâ tẽme danhoprub zata zéb u. Tawamhã ni'wam norĩ ma tô oto si'rã'õtõ da hã siwi ĩ'uirĩ, Izaraéu nhihudu norĩ te 'Re ihâimana u'âsi mono, Babilonia hawi isi'aba'ré norĩ tiwasédé te te 're i'manharĩ za'ra mono zém na te te inharĩzé ma, ipahi za'ra norĩ hã.

Neemia 10:1

Tawamhã imorĩ'rata na dama i'rãnho'u, Neemia, Hacaliasihi 'ra hã ma tô sisihâtâ. Taha parimhã ma tô duré Zedequia hã sisihâtâ. Taha nhana'remhã isiré norĩ zama ma tô oto sisihâtâ za'ra. Ãne isisi za'ra hã.

Neemia 8:14

Tawamhã 7 a'amo ãma Romhâ 'manharĩ 'ri na dasima romhu'u nhisi wa, a'â romhâ 'manharĩ 'ri 're, 're ihâimana za'ra mono zéb da hã, Uburé Danhib'apito, Mozésihi nho'õmoi baba Izaraéu nhihudu norĩ ma, te te i'ruzém na ãma irob'ui'éré hã ma tô siwi tisã, tô taha na te te ãma iromnhoré za'ra na.

Neemia 9:38

Tawamhã ãne hã uburé wama 're iromhâimana za'ra mono zarina, uburé wa norĩ Izaraéu nhihudu norĩ hã wa oto rob'ui'éré na 're idasisihâtâ za'ra mono zém na wasisazezé hã wasiwi 'manharĩ ni. Tawamhã wate dama ipire norĩ hã, levita norĩ hã, duré wate sasedoti norĩ hã te za duré taha na hã ãhã na ãma sisihâtâ za'ra.

Salmu 119:120

Asõ'remhã wa 're ĩrẽrẽ'ẽ u'âsi. Duré dama 're i'arowairébé mono zé ma hã wa 're ĩpahi u'âsi.

Salmu 119:59

'Re ĩhâimana mono zéb 'rata na hã wa tô rosa'rata. Tahawa, wa tô duré apâ aipi'ra, asimiroti na si 're ĩmorĩ da oto.

Zozué 9:6

Tawamhã Gilga ãma romhâ 'manharĩ na 'ri nhoré u ma tô ai'aba'ré. Si'aba'réi wamhã, ma tô Zozuéhé ma nharĩ za'ra, duré uburé aibâ Izaraéu nhihudu norĩ ma, ãne: — Wa norĩ wa tô we aihutu ni, ti'ai wa'õtõ nho'u romhâ uptabi hawimhã. Tahawa dasi'wapéi ãna dahâimanazém na dasisazezé hã ma'ãpé wama 'manharĩ za'ra wa'aba.