Esdra 10:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Esdra, 'Re ihâimana u'âsi mono nhorõwa 'ri nho're hi'rãtitõ sãmra sina, ma tô tãma mre, wawa sina, dawasété u'âbâ. Taha ré, ma tô Izaraéu nhihudu norĩ ahâ uptabi na imana wawimhã si'rã'õtõ, aibâ norĩ hã, pi'õ norĩ hã, duré ai'uté norĩ hã. Ma tô duré ta norĩ zama ti'ru'ru.

Esdra 10:1 ပူးပေါင်းရင်းမြစ်များ

Esdra 10:6

Tawamhã Esdra, 'Re ihâimana u'âsi mono nhorõwa 'ri nho're hawi ma tô watobro. Watobro wamhã, ma tô Eriasibehe 'ra si'aibâ Zoãnahã za'warizéb u mo. Tame ma tô ãma timara. Ma tô duré ãma ti'awẽ, sai ãna, duré te te hâ'rẽne ãna, tãma robzei'õ uptabi wa, Babilonia hawi a'uwẽ norĩ apâ te te sina isiri za'ra, 'Re ihâimana u'âsi mono ãma si 're nomro mono õ wa.

Neemia 1:4

Tawamhã ãne hã te wapari wamhã, wa tô nhamra. Ãhã wa, wa tô aiwa'õ. Tawamhã niha bâtâ na wa tô nasi aiwa'õ, ĩsai ãna. Ãhã ré, wa tô mre, 'Re ihâimana u'âsi mono ma ãne:

Neemia 1:6

'Re ihâimana u'âsi mono, ma'ãpé we ĩ'madâ'â. Bâtâ na duré mara na zama ĩmreme na te aiwi 're irowaptẽrẽ mono zé hã ma'ãpé 're wapari mono, asib'a'uwẽ Izaraéu nhihudu norĩ hâiba na hã. Wa hã Izaraéu nhihudu norĩ me wawasédé wa te 're i'manharĩ za'ra mono na hã wa aima ĩsiwasu'u. Wahi'rata norĩ hawim na wa wawasété na hã 're wahâimana za'ra tô.

Neemia 10:28

Wa norĩ hã Izaraéu nhihudu, sasedoti norĩ hã, levita norĩ hã, 'Re ihâimana u'âsi mono nhorõwa 'ri 'madâ'â'wa norĩ hã, tô taha 'ri're romhuri'wa norĩ hã, isõ're'wa norĩ tô taha 'ri 'remhã, duré uburé 'Re ihâimana u'âsi mono nhimiroti te te 're iwapari pese za'ra mono norĩ hã, wasiré a'uwẽ'õ wanhipti'ai 're, iwazarib za'ra wahâimana ãna 're iwahâimana za'ra mono norĩ hã wamro norĩ me, duré uburé wa'ra isimiza'rese prã norĩ me,

Neemia 8:9

Tawamhã 'Re ihâimana u'âsi mono nhimiroti na rob'ui'éré, da te wapari za'ra wamhã, ma tô ta'ru'ru ni. Tawamhã Neemia dama i'rãnho'u hã, Esdra, 'Re ihâimana u'âsi mono nhimiroti waihu'u wẽ 'wa uptabi hã, duré levita norĩ hã, rob'ui'éré na te te ãma dama saprĩ za'ra da, ihâimana za'ra norĩ hã ma tô dama nharĩ za'ra ãne: — Ã hã bâdâ iwazéb zahi, te tihâiba, Uburé Danhib'apito, wate 'Re ihâimana u'âsi mono ma. Tahawa a norĩ wa'aba wi aiwi irobzei'õ za'ra wa'aba da hã mare di za. Duré nasi i'ai'ru'ru wa'aba da hã mare di za.

Salmu 119:136

Ĩtõmo'u te panho'õmo ne ĩwi 're praba, asimiroti da te dasiwi 're 'madâ'â pese mono õ wa.

Salmu 32:5

Tawamhã ĩwasété na wa tô aima ĩsiwẽ'õ. Ĩnhimi'manharĩ wasété zé hã te aiwi simi'uri õ di. Ĩwasédé hã te aima wasu'u da, wa tô ĩsima rowairébé. Tawamhã a hã uburé ĩwasédé hã ĩ'ãma 're a'madâ'â mono õ di oto.

Daniéu 9:20

Tawamhã wa zahadu tãma mre. Zahadu wa duré ĩwasété na tãma ĩsiwẽ'õzém na, duré ĩnhib'a'uwẽ norĩ wasété za'ra zém na zama hã te tiwi irowaptẽrẽ na ãma uzusi, Uburé Danhib'apito, ĩte 'Re ihâimana u'âsi mono wi, sa'a ite iwazéb zahi ma ropibu ma.

Mateu 3:6

Tahawa, dawasété na sõ'awimhã ma tô 're dasiwẽ'õ za'ra 'râwi, 'Re ihâimana u'âsi mono ma. Dawasété na 're dasiwẽ'õ za'ra mono sidâpâsi, ma tô Zuwã Batista â dawabzuri hã te te dama 're ab'manharĩ, Zodã pa ãma.

Luca 19:41

Tawamhã Zezusi hã ma tô rob'umhutu oto, Zeruzalẽ u hã. 'Ri ahâ hã te te 'madâ'â wamhã, te aiwa'õ, iwa 're idasi'ubumroi mono norĩ ãma hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:30

Tawamhã Coneliu te asa tãma rowasu'u oto, ãne: — Bâdâ si'ubdatõ ma tô ĩ'ãma ai'utõ, aibâ ĩtẽme iwisizém na hã. 'Re ihâimana u'âsi mono ma, ĩmreme ré, ma tô ĩtẽme wi, bâdâ sipra wi. Ti'uza hâirã na ma tô rob'uiwẽ, rowa'a nherẽ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:5

Tawamhã bâdâ hã wasi'aba'rézéb da hã iwa waptã'ã wamhã, isazei'wa norĩ hã ma tô wasiré ai'aba'ré, â zaihâ u, 'ri nho'õmo nhiti. Aihĩni ma tô wasiré ai'aba'ré, aibâ norĩ hã timro norĩ me, duré ti'ra norĩ me, te te wazawi za'ra da. Tame wa tô wahi'rãtitõ asimro ni, supara 'ré wa, wamreme zusi da.

Roma 9:2

Ĩsiré zudeu norĩ ãma hã, ãma 're ĩpẽ'ẽzé uptabi za'ra mono di, Cristu hã te te siwi 're wẽ'õ za'ra mono wa. Tahawa, te duré ĩwi 're robzei'õ pese, ĩpẽ'ẽ 'remhã. Ta norĩ ãma 're ĩpẽ'ẽzé uptabi za'ra mono wa, wa aré te ĩsima 're rosa'rata u'âsi ĩpẽ'ẽ na, 'Re ihâimana u'âsi mono ma, ĩsipisutu da, i'upana za'ra te te 're ĩwẽ'õ mono da, duré Cristuhu nhiti, i'upana 're ĩhâimana u'âsi za'ra mono da. Ãne hã 'Re ihâimana u'âsi mono hã te te ĩma 'manharĩ dai õ nherẽ, wa taré ĩsiwaihu'u, ĩsiré zudeu norĩ ãma 're ĩpẽ'ẽzé uptabi za'ra mono zém na. Ãne na, wa tô aima ĩsiwasu'u za'ra wa'wa, 're ĩzadawa nhipese mono õ na hã.

Zozué 7:6

Tawamhã Zozué, ti'uza ma tô hâiwazu, robzei'õ zé te. Ti'ai u, ma tô duré sime. Ti'ubu na ma te ti'ai u ropto, Uburé Danhib'apito nhimiroti ré wedehâ're 'manharĩ nho're. Tawamhã tô õne Zozuéhé siré ma tô Izaraéu nhihudu norĩ ma i'rãnho'õmo norĩ hã siwi 'manha. Tahawa ma tô hâiwahâ u ime tihâimana za'ra. Duré isine ma tô siwi 'manha: Ti'a na ma tô si'rãzazub za'ra, robzei'õ na tihâimana za'ra zém na siwasu'u za'ra da.

Zozué 8:35

Mozésihi nhimiroti na ãma irob'ui'éré mono bâ, ma tô Zozué hã uburé pese sõré, Izaraéu nhihudu uburé norĩ ma, pi'õ norĩ ma, ai'uté norĩ ma, duré isiré a'uwẽ'õ iwazari 're ihâimana za'ra mono norĩ ma. Te te 'mairẽme õ pese na ma tô uburé sõré, Zozué hã.