Esdra 1:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Persia te apito, Ciru dama isi'i'rãnho'õmozém na misi imorĩ'rata na ãma iwahub ãma, ma tô Uburé Danhib'apito, isadawa 'mahârâ'wa Zeremiaha nhimirowasu'u zarina timreme hã ãma uwaimra oto. Tawamhã Uburé Danhib'apito ma tô apito Ciru hã 'rãi pi'ra. Tahawa, ma tô dama ti'ru, daro mono bâ tinhimi'madâ'âzéb 'remhã isimiroti na, da te ãma dasima ropéi mono da, rob'ui'éré na duré da'ahâ nho'a da te dasima 're isõré za'ra mono zéb da hã, ãne isimiroti na:

Esdra 1:1 ပူးပေါင်းရင်းမြစ်များ

Esdra 1:5

Tawamhã Zudaha nhihudu norĩ te, duré Bẽzamihĩ nhihudu norĩ te, dawa'õtõ nhib'ihâ'a norĩ hã, sasedoti norĩ hã, levita norĩ hã, duré uburé a'uwẽ ma 'Re ihâimana u'âsi mono ipẽ'ẽ to, te te tãma isõmri za'ra norĩ hã ma tô oto sima rob'ubumro za'ra, Zeruzalẽ u si'aba'ré da, tame Uburé Danhib'apito nhorõwa 'ri, apâ te te siwi 'ri da.

Esdra 4:3

Tane nherẽ, Zorobabé, Zozué, duré isiré Izaraéu nhihudu wa'õtõ nhib'ihâ'a norĩ hã ma tô ãne asa ãma sada'âbâ za'ra: — Wa te ai'ãma rosa'rata za'ra wa'aba õ di, Uburé Danhib'apito, wate 'Re ihâimana u'âsi mono te 'ri 'manharĩ na wapawaptob za'ra wa'aba da hã. Ãne si wa za tô wasiwaprosi wasiwi 'ri ni, Persiaha nhib'apito Ciru te te i'ruzéb zarina.

Esdra 6:14

Tawamhã zudeu norĩ nhib'ihâ'a hã ma tô 'ri na romhuri na te te ãma siwi uzusi, wẽ na. Taha siwaprã ma tô 'Re ihâimana u'âsi mono zadawa 'mahârâ'wa Ageu norĩ nhimirowasu'u, Idoho 'ra Zacariaha nhimirowasu'u me hã tãma tipẽ'ẽ to za'ra. Tawamhã ma tô 'ri hã siwi uprosi oto, Izaraéu nhihudu norĩ te, 'Re ihâimana u'âsi mono te te iwaihu'uzéb zarina, duré Persia nhib'apito norĩ Ciru, Dariu, Artazesi, ã norĩ hã te te iwaihu'u za'ra zéb zarina.

Esdra 6:22

Tawamhã 7 bâtâ 're, ma tô i'u'ẽtẽ duptoi'õ na dato hã siwi 'manha, to za'ẽtẽ za'ra sina. Tahawa, tãma hã rowẽ uptabi za'ra di, Uburé Danhib'apito hã, Asiriaha nhib'apito, niha oto te te 'rãi pi'rai wa, õ norĩ zawi na si oto 're hâimana mono da, taha zarina 'Re ihâimana u'âsi mono nhorõwa 'ri apâ te te siwi iwahutu na te te pawaptob za'ra da hã.

Esdra 6:3

“Apito Ciru isi'i'rãnho'õmozém na imorĩ'rata na ãma iwahub ãma, ma tô Zeruzalẽ ãma 'Re ihâimana u'âsi mono nhorõwa 'ri apâ da te dasiwi iwahutu da hã dama ti'ru, danhimizama na danhoprubzé da te iwa 're izata za'ra mono zéb da hã. Tawamhã 'ri na'rata pibuzé 27 metru na hâimo hã, duré 27 metru na 'ri zadarata hâiba amoi u ipibuzé hã.

Esdra 7:27

Tawamhã Esdra te ãne tinha: — Uburé Danhib'apito, wahi'rata norĩ te 'Re ihâimana u'âsi mono ãma, wa ãma ĩwata, wẽ uptabi wa, niha na apito pẽ'ẽ 'remhã rosa'rata na hã te te ãma tiwi saprĩ wa, Zeruzalẽ ãma Uburé Danhib'apito nhorõwa 'ri te te iwazézém na hã.

Provébiu 21:1

Ti'ai ãma apito nhimirosa'rada, Uburé Danhib'apito ma waihu'u pese di, te te tãma 're i'rui mono da hã, â nima niwĩ 're praba mono da, te te sima iwẽzéb zarina, te te tãma ipisutu ne.

Daniéu 1:21

Tawamhã Daniéu hã te oto dama i'rãnho'õmo nhimiromhurizé 'ri 'rãihâ 'remhã 're hâimana, Ciru za dama i'rãnho'õmo na tinhimiromhuri te te i'ârizé wahub u, Babilonia ãma hã.

Daniéu 2:1

Babilonia ãma Nabucodonozo apito na 're hâimana mono ré, maparane ãma iwahub ãma ma tô rosawẽ. Tahawa nasi sõtõ waihu'u õ di, hâtâ'â za'ẽtẽ wa.

Daniéu 6:25

Tawamhã apito Dariu ma tô uburé daro mono bâ, duré dapoto mono bâ duré damreme mono bâ 're idamreme zusi mono ma, rob'ui'éré, ãne: “Rowẽ na 're aihâimana za'ra wa'aba mono!

Daniéu 9:2

Isi'apitozém na zahadu misi ãma iwahub ãma, wa hã Daniéu wa tô ibaihâ iwazéb zahi na hã ãma romnhoré. Uburé Danhib'apito, tizadawa 'mahârâ'wa Zeremiaha ma, te te inharĩzéb zarina Zeruzalẽ 'ri siprum haré za 70 na ãma iwahubzém na hã wa tô duré ãma rosa'rata.

Zuwã 1:23

Tahawa, te oto tãma siwasu'u za'ra, ãne: — Wa hã a'ubuni wi, dama roti'wa. Ãne, wa tô te dama 're rob'mahârâ: “Wanhib'apito zô, te za bâdâdi hã imana 'rãmi asiwi isa'ra wa'aba mo, awa'awi da.” Ãne ma tô wahi'rada Izaia hã te te dama 're roti aré, 'Re ihâimana u'âsi mono zadawa 'mahârâ 'rata 'wa hã. Tane wa tô duré wa hã te dama 're roti, isimiroti zarina.