Aiwasu'u wẽ za'ra wa'wa hã za te wapari wa, ĩma rowẽ hâ, ĩwasu'u hã za wapari za'ra wa'aba wa, za aima irowẽ za'ra wa'aba ne. Tahawa, wa tô ĩsima wẽ, Timotiu hã te ãma atẽme satõrĩ su'u za'ra wa'aba da. Wanhib'apito Zezusi hã ãne hã sena na te te ĩma pisutu wamhã, wa za tô ãma atẽme satõrĩ za'ra wa'wa, aima ĩwasu'u za'ra wa'aba 'wa da hã, duré apâ we ĩtẽme wisi wa, te te ĩma aiwasu'u za'ra wa'aba 'wa da hã.
Éfézu 6:22 - ꞌRe Ihâimana Uꞌâsi Mono Zadawa Wasuꞌu22 Ãme iwahâimana za'ra na te te aima rowasu'u za'ra wa'aba da, wa tô atẽme satõrĩ za'ra wa'wa, rowasu'u wẽ zarina, rowẽ na 're aihâimana za'ra wa'aba mono da oto. အခန်းကိုကြည့်ပါ။ |
Éfézu 6:22
7 ပူးပေါင်းရင်းမြစ်များ
Wasisãnawã Epafroditu hã ma tô we ĩtẽme isatõrĩ za'ra wa'wa, te te ĩma asadawa wasu'u za'ra wa'aba da, duré nasi ĩ'ãma siwãrĩ da, te robzépata wa, marĩ zô nasi ĩwi irowaptâ'â na hã. Cristuhu wasu'uwẽ na ĩsiré romhuri'wa ta hã, duré wanhitob'ru norĩ, wasiré wa te 're i'a'wapéi mono. Wẽ uptabi di, ta hã. Tane nherẽ, wa tô waihu'u, Timotiuhu wana, te ãma atẽme satõrĩ za'ra wa'aba da apâ.
Ta norĩ hã tipẽ'ẽzani wẽ ré, siptete sina 're hâimana za'ra mono da, wa tô te ãma 're romhuri pese za'ra. A norĩ wa'aba ãma zama wa tô duré te 're romhuri pese, aipẽ'ẽzani wẽ ré tô asiptete sina 're aihâimana za'ra wa'aba mono da. Tahawa, te za 'râwi simisutu siré 're hâimana za'ra ta norĩ hã, 're isisawi pese za'ra mono zéb zarina. A norĩ wa'aba zama te za duré ãne zarina simisutu asiré 're aihâimana za'ra wa'aba mo. Tawamhã 'Re ihâimana u'âsi mono wasu'uwẽ hã aré dama iwaihu'u'õ hã te te oto waihu'u pese za'ra wa, te za tô ta norĩ hã oto sena na te te 're waihu'u za'ra. Duré a norĩ wa'aba zama hã te za tô oto sena na 're iwaihu'u za'ra wa'aba mo. 'Re ihâimana u'âsi mono wasu'u hã aré dama iwaihu'u'õ hã, ã hã Cristuhu wasu'uwẽ, te dama wasu'u.
ကြော်ငြာတွေ