Tahawa, te za asimiza'rese sina 're aihâimana u'âsi za'ra wa'aba mo. Te za duré asima 're irowaptẽrẽ u'âsi za'ra wa'aba mo. E marĩ da. Marĩ hã 're wairébé mono wamhã, asiptete na 're aihâimana za'ra wa'aba mono da, apâ we ĩmorĩ wa, ĩnho're asisép te, ai'rãipo tõ za'ra wa'aba da, ti'ai ãma dasiré ĩpoto nho're.
Éfézu 6:13 - ꞌRe Ihâimana Uꞌâsi Mono Zadawa Wasuꞌu13 Tahawa, 'Re ihâimana u'âsi mono nhimipawaptobzéb ré, te za 're aihâimana za'ra wa'aba mo. Tawamhã wa'uburé norĩ hã nimahã bâtâ na asô 're sihutu aba mono wamhã, te za 're i'wapé za'ra wa'aba mo. Tawamhã 're i'wapé za'ra wa'aba mono na, ãma 're ai'uté za'ra wa'aba mono wamhã, te za ta norĩ wi 're aiwairébé aba mo. အခန်းကိုကြည့်ပါ။ |
Éfézu 6:13
15 ပူးပေါင်းရင်းမြစ်များ
Duré amnho hã ẽtẽ nhisiwi irere'e mono hã, aimawi a'uwẽ, te wasu'u. Ta norĩ hã ãté te za 'Re ihâimana u'âsi mono zadawa wasu'u hã te te 're wapari za'ra, tipo're na. Tawamhã te za iwasu'u ma 're to za'ra. Tazahã, õne haré te te 're saze za'ra mono õ di za. Ãté, te za te te 're saze hutu za'ra. Ãté rowasédé hã da te tãma 're 'manharĩ za'ra mono õ'umnhasite, te za apâ 're sipizari za'ra.
Robra isi'utõrĩzéb u hã romhuture di oto, ti'ai ãma ré dawasédé, da te 're i'manharĩ za'ra mono hã. Tâibâ za oto. Cristu hã we apâ morĩ wapsi, rowa'a si te za oto 're hâimana u'âsi, robra wa'rãmi. Tahawa, robra 'rowi dawasédé, da te 're i'manharĩ za'ra mono ne, 're wanomro mono õ di za oto. Wawasédé hã wa za oto wa te 're sahâri pese za'ra. Duré Zezusihi nhimirowa'a na si wa za 're wanomro, robra wi wanhiptete sina ãma 're iwahâimana za'ra mono zéb da hã, danhimnhi'ãsi na dawi 're idasisõpa za'ra mono ne.
Ti'ai ãma 're idasi'wapé za'ra mono zém na danhimnhi'ãsi na, wa te 're a'wapéi mono õ di duré. 'Re ihâimana u'âsi mono nhimnhi'ãsi na si, wa tô wa te 're a'wapéi u'âsi, iwaihu'u pese zarina. Isitob'ru norĩ nhiptetezé hã wa te tiwi ãma 're i'a'uprosi mono zéb da hã, wa ãhã na si wa te 're a'wapéi u'âsi, ta norĩ hã, 'Re ihâimana u'âsi mono nhimnhi'ãsi na si.
Ta norĩ hã po're'õ u'âsi 're nomro mono wa, te za nimahã na tãma rob'manharĩ za'ra ipipa na, 'Re ihâimana u'âsi mono hã. Tane nherẽ, ãté ni'wam norĩ hã te za sadawa nhipese na te te aima 're rowasu'u za'ra wa'wa, za te te idahâ za'ra õ na hã. Ãne na te te aima 're rowasu'u za'ra wa'aba mono nherẽ, 're wapari za'ra wa'aba mono õ di za, isimirowasu'u tô senai'õ wa, ta norĩ hã.
Epafrasi te duré ãma asawi za'ra wa'wa, tame asiré isazei'wa norĩ siré 're ihâimana mono hã, Cristu Zezusihi ma romhuri'wa hã. Ta hã te ai'ãma 're mreme u'âsi 'wa simi'ẽ na, 'Re ihâimana u'âsi mono ma, taha si te te 're aipawaptob u'âsi za'ra wa'aba mono da, asiptete sina ãma 're anomro aba mono da, duré aihâimana prédup sina 're aihâimana wẽ za'ra wa'aba mono da, ta hã te te aima 're iwẽ za'ra wa'aba mono zéb zarina si. Cristu hã asina 're i'umnhasi za'ra wa'aba mono zém na 're asiptete za'ra wa'aba mono da, te duré ai'ãma 're mreme u'âsi za'ra wa'wa.
Da te aima 're rob'manharĩ wasété za'ra wa'aba mono nherẽ, te aima iroti za'ra wa'aba zéb zarina, ĩmreme na si 're anomro aba mono wa, ma tô asina i'uwaimrami za'ra wa'wa, ĩnhimiroti hã. Tahawa, ropsi'utõrĩzéb u, za marĩ ipipa hã iwairébé mono na hã wa za aima ba'a za'ra wa'wa, iwasété norĩ, za te te ida'apibui mono zéb ãma hã, ti'ai ãma daro mono bâ 're idahâimana za'ra mono norĩ hã.
ကြော်ငြာတွေ