Éfézu 6:1 - ꞌRe Ihâimana Uꞌâsi Mono Zadawa Wasuꞌu

¹ Da'ra norĩ, Wanhib'apito nhimiroti 're iwapari pese za'ra wa'aba mono zarina, te za aimama nhimiroti hã duré ana wa'aba nhimiroti zama hã 're iwapari pese za'ra wa'aba mo.

Éfézu 6:1 ပူးပေါင်းရင်းမြစ်များ

Zenezi 28:7

Imama norĩ nhimiroti, ina norĩ nhimiroti me te te iwapari zahuré zéb zarina, Zaco Mezopotãmia u imorĩzéb zama ma tô duré waihu'u.

Zenezi 37:13

Tawamhã Zaco, te ti'ra Zuzéhé ma tinha ãne: — Aima waihu'u pese di, asisãnawã norĩ, Siquẽ 'rata pone'ẽrebâ te te 're i'madâ'â za'ra mono na hã. Tahawa, wa hã wa ĩsima wẽ, itẽmeb za'ra aimorĩ da. — Wa ĩsina mare tô, ĩzatõrĩzéb zô. — Ãne ma te Zuzé asa timama sada'â.

Zenezi 48:12

Tawamhã Zuzé, timama wai'ré hawi ma tô ti'ra sani zahuré. Te te sani zahuré wamhã, ma tô hi'rãtitõ hã nhamra. Duré ti'ubu na ma tô ti'ai u hã ropto.

Zenezi 50:12

Ãne ma tô Zacoho 'ra norĩ siwi 'manha, imama za'ra uburé te te tãma ipisutu za'ra zéb zarina.

Neemia 9:13

Sina'i na ẽtẽ 'rãihâ nhisi u we asi'rai wamhã, ma tô hâiwa hawi asib'a'uwẽ norĩ ma, we inha. Tahawa, ma tô sena na asimiroti ipire na, duré aimreme iwẽ na, tãma iroti za'ra.

Salmu 119:128

Tahawa, wa wa hã asimiroti zarina si 're mo. Wa duré uburé dazadawa nhipese na si 're idanomro mono zé bâdâdi hã ĩsiwi te 're wẽ'õ pese.

Salmu 119:75

Uburé Danhib'apito, ĩma waihu'u pese di, i'uwaibaba na si dama 're irowairébé mono zé hã. Duré ĩma waihu'u pese di, sena na 're i'aihâimana mono zéb zarina, niha hã ĩma 're irob'manharĩ mono zé hã.

Salmu 19:8

Uburé Danhib'apito marĩ na te te ãma dama 're irowahutu mono zé i'uwaibaba na si, te dapẽ'ẽ 're rowẽ za'ẽtẽ zé hã te te dama 're anhomri. Duré isimiroti i'uptabi na sõ'awi marĩ te te wama 're ahâi'ré mono wa, te duré wa'rãi 'remhã te te wama 're arowa'a.

Provébiu 1:8

Ĩ'ra, aimama, marĩ na te te aima 're iroti mono zé hã ma'ãpé 're wapari pese mono. Duré ana, marĩ na te te aima 're iroti mono zéb zama te za 're iwapari pese mo.

Provébiu 23:22

Aimama hã 're wapari pese mono, õ hã te te tô aipoto wa. Ana zama niwa si'ihi wamhã, 're iwazé mono õ na hã 're aihâimana mono õ di za.

Provébiu 30:11

Timama ma, te te 're irob'manharĩ wasété za'ra mono hã te 're hâimana za'ra, duré tina ma, iwẽ te te 're i'manharĩ za'ra mono õ hã.

Provébiu 30:17

Ni'wa timama ãma 're wa'ẽi mono wamhã, duré ina si'ihi wa, te te 're wazé mono õ wamhã, te za sipahudu hã siwi ti'rẽ. Niha wamhã, te za duré sitoro corvo na isisi hã siwi tõmo zani.

Provébiu 6:20

Ĩ'ra, ma'ãpé aimama te te aima 're iroti mono zé hã 're wapari pese mono. Duré ana marĩ na te te ãma aima 're irowasu'u mono zém na hã niwamhã ãma aipo're si'âri tõ.

Luca 2:51

Tawamhã Zezusi te ime timorĩ zahuré apâ, Nazaré u. Tame timama norĩ mreme, te te 're wapari pese. Ina hã i'ra tãma isiwasu'uzéb zahuré na, te te 're rosa'rata u'âsi, tipẽ'ẽ na.

Roma 12:2

Ti'ai ãma dahâimana wasété na 're idanomro mono norĩ ãma hã, 're sasõmri za'ra wa'aba mono õ di za. 'Re ihâimana u'âsi mono wi si, te za 're irowaptẽrẽ u'âsi za'ra wa'aba mo, asimirosa'rata wẽ na si, aipẽ'ẽ 're, 're aihâimana za'ra wa'aba mono zé hã te te aima 're pisutu za'ra wa'aba mono da, 're aihâimana za'ra wa'aba mono zép tém na si, oto 're anomro aba mono da. Tawapsi te za 'Re ihâimana u'âsi mono, te te aima 're ipisutu za'ra wa'aba mono hã asina 're iwaihu'u pese za'ra wa'aba mo, marĩ iwẽ si tãma 're i'manharĩ za'ra wa'aba mono zém na hã.

Roma 16:2

Da'ahâ na ma tô te te 're da'apawapto pese. Ĩzama te duré te te 're ĩpawapto. Tahawa, ma'ãpé asiwi âri wẽ wa'aba za, wasiré Wanhib'apito zazei'wai wa, 'Re ihâimana u'âsi mono nhib'a'uwẽ, 're isiwaibui wẽ mono zém na. Marĩ zô tiwi rowaptâ'â wamhã, te za duré marĩ na asiwi ipawaptob za'ra wa'wa.

Roma 7:12

Ta hã, isimiroti 'rata na Mozési te te irob'ui'éré hã wẽ uptabi di. Isarina si te wama 're hâimana za'ra, iwẽ uptabi si.

1 Corĩtu 15:58

Ĩsisãnawã norĩ, ĩma asawi pese za'ra wa'aba norĩ hã, tahawa, te za asiptete u'âsi Cristuhu ãma si 're anomro aba mo, tiwi 're aipizari za'ra wa'aba mono ãna. Wanhib'apito ma, 're iromhuri za'ra wa'aba mono zé hã taréi õ di. Ãne na asina waihu'u za'ra wa'aba wa, te za tãma 're iromhuri pese u'âsi za'ra wa'aba mo, asimi'ẽ na.

1 Timotiu 5:4

Pi'õi mrotõ 'ra norĩ hã 're hâimana za'ra mono wamhã, tiwarahuzé wa'rãmi, te za tina hã marĩ na te te 're pawapto pese za'ra. Duré pi'õi mrotõ nhihudu norĩ hã 're hâimana za'ra mono wamhã, tiwarahuzé wa'rãmi, te za ti'rata norĩ hã marĩ na te te 're pawapto pese za'ra. Ãne te za 'Re ihâimana u'âsi mono nhimiroti zarina te te tãma ãma 're uwaimrami za'ra, ãne si tãma wẽ wa.

1 Pedru 2:13

Wanhib'apito nhib'a'uwẽ oto 're anomro aba mono wa, uburé dama ipire norĩ nhimiroti hã te za 're iwapari pese za'ra wa'aba mo. Tahawa, ti'ai ãma danhipai u da'madâ'â'wa nhimiroti hã te za duré 're iwapari pese za'ra wa'aba mo.

Ruti 3:5

Tawamhã Ruti hã te tãma tinha, ãne: — Uburé wa za tiha hã 'manha, ĩma iwaihu'uzéb zarina.

1 Samuéu 17:20

Tawamhã ãne bâtâ na awẽm na, ma tô Dawi hã oto udu mararé. Tahawa, ma tô pone'ẽrebâ norĩ hã da te sô 'madâ'â za'ra da hã dama sa'ré. Taha pari, imama Zésé te te tãma i'ru te te iduri da hã ma tô oto ti'â. Tawamhã ma tô oto wi, da te dasima i'ri nhoré za'ra zéb u hã, Izaraéu nhihudu norĩ hã, si'wapé za'ra da hã nasi hãsi mono ré wairébé mono sina isisõré pese da hã, za isi'wapé za'ra zéb u hã.