Éfézu 5:4 - ꞌRe Ihâimana Uꞌâsi Mono Zadawa Wasuꞌu

⁴ Duré aimreme nhiséb'õ na asima 're rowasu'u wasété za'ra wa'aba mono õ di za. Aimreme to na duré asima 're rowasu'u wasété za'ra wa'aba mono õ di za, ãne hã i'uwaibaba õ wa, Wamama nhib'a'uwẽ 're iwanomro mono norĩ ma hã. Wama 're isõpru mono zém na si, te za oto asima 're irowasu'u za'ra wa'aba mo, Wamama ãma si 're aiwata za'ra wa'aba mono da.

Éfézu 5:4 ပူးပေါင်းရင်းမြစ်များ

Provébiu 12:23

Isimiza'rese wẽ norĩ hã mreme wadi õ di, tinhimirowaihu'u na hã. Tane nherẽ, simiza'rese ãna 're ihâimana za'ra mono norĩ hã te za simiza'rese ãna niha na tihâimanazé hã te te dama 're hâi'ré za'ra.

Provébiu 15:2

I'rãi waihu'u wẽ mreme hã da te 're wapari za'ra mono wamhã, te za rowaihu iwẽ hã da te dasima 're wẽ za'ra. Tazahã, isimiza'rese'õ norĩ hã te za siwa'ru timreme wasété na si 're mreme zusi.

Daniéu 6:10

Tawamhã apito tinhimirotizém na isisi hâtâzém na te te waihu'u wamhã, ma tô tinhorõwa u apâ hã mo. Hâimo ãma 'ri 're wa'õno ihâimana ãma te nhamra, zanela 'ri zadazâri norĩ Zeruzalẽ nho'õmoi baba ihâimana za'ra ãma. Tawamhã Daniéu ma tô 'ri zadazâri hã sima 'ridawa za'ra. Taha pari ma tô hi'rãtitõ nhamra. Ma tô duré tite 'Re ihâimana u'âsi mono ma hã mre, awẽ sidâpâsi si'ubdatõ na ãma isahu na tãma 're imreme u'âsi mono ne.

Zuwã 6:23

Tawamhã ni'wam norĩ hã ma tô uba're na datẽme saprĩ za'ra, zara u. Tiberiadi hawi ma tô datẽme saprĩ za'ra, 'ri nho'õmo hawi. Wanhib'apito hã 'Re ihâimana u'âsi mono ãma iwatazéb u, ma tô ãma roptob za'ra, dasa hã da te ihurizéb u.

Roma 1:28

Dapo're'õ na 're idanomro mono norĩ hã, 'Re ihâimana u'âsi mono nhimiroti tô sena hã te te siwi 're wẽ'õ pese za'ra mono wa, te za 'Re ihâimana u'âsi mono hã te te 're arẽme, si'uihâ na te te sima 're irosa'rata wasété za'ra mono zéb uwaibaba si, tiwasédé hã te te 're 'manharĩ u'âsi za'ra mono da.

2 Corĩtu 1:11

A norĩ wa'wa hã wa'ãma 're aimreme zusi aba mono zém na 're wapawaptob za'ra wa'aba mono wamhã, 'Re ihâimana u'âsi mono hã te za te te 're aiwapari za'ra wa'wa, te te 're wanho'reptui u'âsi mono da. Ãne wamhã, iwẽ na si te za tô wama 're sõprub u'âsi. Taha zarina, te za tô da'ahâ na ãma 're dawata za'ra, 'Re ihâimana u'âsi mono ãma hã, iwẽ na si wama 're sõprub u'âsi mono wa.

2 Corĩtu 9:15

'Re ihâimana u'âsi mono ãma si, wa za 're wawata u'âsi za'ra, ti'ra na wama isõprub za'ra zé wa'rãmi. Isõprubzé hã wẽ uptabi nherẽ, damreme na i'uwaibaba na, da te dasima ãma 're irowasu'u za'ra mono zé hã, da te dasima ãma 're uwaimrami waihu'u za'ra mono õ di.

Éfézu 1:16

Taha zarina, wa õne u'âsi 're ĩto, 'Re ihâimana u'âsi mono ma, ai'ãma za'ra wa'aba. Duré tãma 're ĩmreme mono wamhã, aima za'ra wa'aba zama wa tô te tiwi 're rowaptẽrẽ u'âsi, hâiwa u ai'ãma 're ĩpo're si'âri za'ra wa'aba mono ãna.

Éfézu 4:29

Aimreme wasété na dama 're aimreme zusi aba mono õ di za oto. Aimreme wẽ na si te za oto dama 're aimreme zusi aba mo, asimiroti wẽ na si 're dapawaptob za'ra wa'aba mono da ãma.

Filipu 4:6

Marĩ na 're aihâtâ'â za'ra wa'aba mono ãna, te za oto 're aihâimana za'ra wa'aba mo. 'Re ihâimana u'âsi mono ma, 're aimreme zusi aba mono zép sidâpâsi, te za duré tiwi 're irowaptẽrẽ za'ra wa'aba mo, uburé marĩ zô aiwi 're irowaptâ'â za'ra wa'aba mono zém na hã. Aipẽ'ẽ 're, ãma 're aiwata za'ra wa'aba mono sina, te za asi'ãma duré tãma 're aimreme zusi aba mo.

Colosu 3:8

Tahawa, te za uburé marĩ hã 're i'manharĩ wasété za'ra wa'aba mono zé hã irẽme pese za'ra wa'wa oto, 're ida'ruiwapari za'ra wa'aba mono zé hã, duré asisada 're asiti'ru za'ra wa'aba mono zé hã, duré niha dama 're rob'manharĩ za'ra wa'aba mono da, asima da'ãma 're irosa'rata wasété za'ra wa'aba mono zé hã, duré da'ãma 're iwasété za'ra wa'aba mono zé hã, duré uburé aimreme wasété 'wa hã. Ã norĩ hã te za uburé irẽme pese za'ra wa'wa.

1 Tesalonita 3:9

Tahawa, wa oto Wanhib'apito 'Re ihâimana u'âsi mono ãma 're wawata u'âsi za'ra, isõ'a, wama 're robze zani za'ra wa'aba mono wa, Zezusi hã asina 're i'umnhasi pese za'ra wa'aba mono zém na hã.

1 Tesalonita 5:18

Wẽ wa, te za ãma 're aiwata u'âsi za'ra wa'aba mo. Rowẽ na 're anomro aba mono wamhã, duré robzei'õ na 're anomro aba mono nherẽ, wẽ wa, te za tô ãma 're aiwata u'âsi za'ra wa'aba mo. Ãne na 're aihâimana za'ra wa'aba mono da, 'Re ihâimana u'âsi mono, ma tô aima pisutu za'ra wa'wa, Cristu Zezusihi nhib'a'uwẽ 're anomro aba mono wa.

Filemo 1:8

Tahawa, marĩ na wa za aima rowaihu'u. Wa za duré aiwi rowaptẽ. Wa hã asiré Cristuhu zazei'wai wa, adub'rada, wa oto 're mo. E tahawa, wa za ãma aima ti'ru, marĩ hã 'manharĩ da. Mare di. Te ãma aima 'rui õ di za.

Hebreu 13:15

Tahawa, Zezusi hã wazada idâ'âzéb zarina, wa za 'Re ihâimana u'âsi mono ãma 're wawata u'âsi za'ra, taha si wama 're toi u'âsi za'ra mono da. Duréihã danhimizama na duré dasa na 'Re ihâimana u'âsi mono ma, 're danhoprub za'ra mono wa, dama 're itoi mono ne, wa za ãma 're wawata u'âsi za'ra, wama 're toi u'âsi za'ra mono da. 'Re ihâimana u'âsi mono hã wa te wasina 're i'umnhasi za'ra mono zém na sõ'awi dama 're iwasiwasu'u za'ra mono na zama, wa za tãma ãma 're wanhoprub za'ra, 'Re ihâimana u'âsi mono ma hã.

2 Pedru 2:18

Ta norĩ hã simiroti pire newa, 'râwi sina 're wata za'ra mono sina, te za te te dama 're rowasu'u za'ra, da te dasima 're iwẽ za'ra mono zéb uwaibaba, 're dahâimana wasété za'ra mono da, dama ãma 're rowẽ za'ra mono da newa. Ãne wamhã, nimosi isazei'õ'wa norĩ hâimana wasétézém hawi 're idasipizari za'ra mono norĩ hã, te za oto te te ãma 're sasõmri za'ra, senai'õ na rowasu'u'wa norĩ ãma hã.

2 Pedru 2:7

Loho si 're morĩ wẽ wa, ma tô sõ'reptu, 'Re ihâimana u'âsi mono hã. Dahâimana nhiséb'õ na, 're dahâimana za'ra mono wa, ma tô tipẽ'ẽ na aré te te 're robzépata, Lo hã.

Zuda 1:10

Tane nherẽ, te aibâ iwasété norĩ hã rosa'rada hã uburé tãma iwaihu'u za'ra õ ma, nharĩ wasété za'ra. Robzari norĩ hã rosa'rata ãna siwa'ru 're ihâimana za'ra mono ne, te ta norĩ hã 're hâimana za'ra, simirosa'rata 'wa'rutu na. Taha zarina te za ai'utõ.

Zuda 1:13

 sisasi hã 're isibzaihâ za'ra mono ne, te ta norĩ hã tãma 're rowẽ za'ra mono da newa, hâiwi si 're nomro, 're wa'utu za'ra mono ãna. Duré â nhibzaihâ zaipro iwasédé, supara 'ré u te te 're isãmra mono ne, te marĩ iwasété si te te 're 'manharĩ za'ra, ta norĩ hã. Wasi hã siwa'ru 're inomro mono ne, te duré ta norĩ hã siwa'ru 're hâimana za'ra, te te 're rob uptabi za'ra mono ãna. Ta norĩ ãma ma tô 'Re ihâimana u'âsi mono hã sima ãma roti siromo za'ra, za te te ihâ za'ra zém na hã. Robra si 're isa'wari mono zéb u te za satõrĩ za'ra, robra u'âsi u, iwa 're hâimana u'âsi za'ra mono da, tame.