Éfézu 5:25 - ꞌRe Ihâimana Uꞌâsi Mono Zadawa Wasuꞌu

²⁵ Aibâ norĩ, Cristu hã tinhib'a'uwẽ norĩ te te 're i'azawi pese mono ne, te za aimro hã 're isawi pese za'ra wa'aba mo, tihâiba hã sawi ãna te te isõmri ne, sada dâ'â za'ra da.

Éfézu 5:25 ပူးပေါင်းရင်းမြစ်များ

Zenezi 2:24

Ãne wa, te za aibâ, timama tina me te te 're rẽme zahuré, timro me si, sina sihâiba sitom haré 're hâimana zahuré mono da oto. Tawamhã te za maparane ihâiba nherẽ, misi dahâiba ne oto siré 're hâimana zahuré.

Zenezi 24:67

Tawamhã Izaqui, 'ri u ina Sara aré 're isãmra mono zéb u, ma tô Rebeca hã saprõ. Ãhã wamhã, ma tô oto ãma timro. Tawamhã Izaqui, Rebeca ma tô te te 're sawi pese. Ãne zarina, ma tô ina dâ'âzém na 're ipẽ'ẽzé mono zé hã sina tãma tipa.

Mateu 20:28

Tane duré, ti'ai ãma Dasiré Ipodo hã da te tãma 're romhuri za'ra mono da, we morĩ õ di, ti'ai u. Te te 're da'apawapto mono da si, te we datẽme mo, sihâiba zawi ãna dazada dâ'â da, da'upana te te da'awa'âbâ da.

Zuwã 6:51

Wa hã dasa na wa tô ĩsiwasu'u, hâiwa hawi we ĩmorĩ wa. Ni'wam norĩ hã ĩ'ãma 're saihuri u'âsi mono wamhã, te za dâ'â ãna 're hâimana u'âsi za'ra, hâiwa ãma. Taha da, wa za ĩhâiba hã dama tisõ, dazada ĩdâ'â da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:28

Tahawa, te za 're asi'madâ'â pese za'ra wa'aba mo, 're anomro wẽ wa'aba mono da. Duré isazei'wa norĩ hã te za 're i'madâ'â pese za'ra wa'aba mo, siré 're isi'rã'õtõ mono norĩ hã. 'Re ihâimana u'âsi mono pẽ'ẽzani hã ma tô sima aipisutu za'ra wa'wa, isazei'wa norĩ hã tãma 're 'madâ'â za'ra wa'aba mono da. Ti'ra wapru na ma tô isazei'wa norĩ hã wa'â, tite da. Tahawa, pone'ẽrebâ 'madâ'â'wa norĩ ne, te za 're ida'madâ'â pese za'ra wa'aba mo, 'Re ihâimana u'âsi mono nhib'a'uwẽ norĩ hã.

Galata 1:4

Wanhib'apito 'Re ihâimana u'âsi mono te te tãma iwẽzéb uwaibaba, ma tô Zezu Cristu hã wazada sisõ, wazada dâ'â da, te te wa'awa'âbâ da, 're wanomro wasété mono wa, 'Re ihâimana u'âsi mono te te wahâ za'ra tõ da, rob'rãsutuzéb ãma hã, duré dapo're'õ na 're idanomro mono norĩ ne, 're wanomro u'âsi tõ mono da.

Éfézu 5:2

Cristu te te 're iwa'azawi pese mono zéb zarina, te za oto 're idazawi pese za'ra wa'aba mo. Ta hã te te 're wa'azawi pese mono wa, ma tô sisawi ãna, wazada za'ra hã sisõ, dâ'â da. Tahawa, 'Re ihâimana u'âsi mono ma 're idanhoprub za'ra mono zéb zarina, sisawi ãna sisõmri wa, Wamama ma wẽ uptabi di, wazada idâ'âzé hã.

Éfézu 5:24

Isib'a'uwẽ norĩ hã Cristuhu nhimiroti te te 're iwapari pese za'ra mono ne, te za pi'õ norĩ hã aimro nhimiroti 're iwapari pese za'ra wa'aba mo.

Éfézu 5:28

Aibâ norĩ, Cristu te te 're iwa'azawi pese mono zéb zarina, te za aimro hã 're isawi pese za'ra wa'aba mo. 'Re sawi pese za'ra wa'aba mono wa, marĩ iwẽ zô asima 're asõpré wa'aba mono ne, te za duré aimro ma zama iwẽ zô 're asõpré wa'aba mo. Tawamhã marĩ hã iwẽ zô aimro ma 're asõpré wa'aba mono zém na, te za marĩ hã iwẽ zô asima zama 're asõpré wa'aba mo.

Éfézu 5:33

Aima za'ra wa'aba zama, te rowasu'u hã 're hâimana, ãma 're i'aihâimana za'ra wa'aba mono zéb da hã oto. Tahawa, aibâ norĩ, te za aimro 're isawi pese za'ra wa'aba mo. 'Re isawi pese za'ra wa'aba mono zéb zarina, marĩ iwẽ zô asima 're asõpré wa'aba mono ne, te za duré aimro ma zama 're asõpré wa'aba mo, iwẽ zô hã. Duré pi'õ norĩ, aimro hã te za 're iwazéb za'ra wa'aba mo.

Colosu 3:19

Aibâ norĩ, aimro te za 're isawi pese za'ra wa'aba mo. Tãma 're aihâimana wasété za'ra wa'aba mono ãna, te za asima 're isawi pese za'ra wa'aba mo.

1 Timotiu 2:6

Ta hã ma tô dazada sisõ, uburé te te da'awa'âbâ da. 'Re ihâimana u'âsi mono hã bâdâ te te ipisutuzém na, ma tô da'awa'â. Tahawa, 'Re ihâimana u'âsi mono te te sima 're ida'awẽ mono zé hã, uburé pese te te 're ida'anho'reptui mono zéb da hã, wa tô waihu'u za'ra ni.

1 Pedru 3:7

Duré aibâ norĩ, aimro siré te oto 're aihâimana za'ra wa'aba mo. A norĩ wa'wa hã aibâ wa, aihâiba hã siptete za'ra wa'aba di, aimro hâiba za'ra wa'aba ma hã. Ãne hã te za asina iwaihu'u za'ra wa'wa. Tahawa, te za aimro ma 're aihâimana wẽ za'ra wa'aba mo. Rowẽ isi'utõrĩ'õ hã te za 'Re ihâimana u'âsi mono hã aima sõmri za'ra wa'wa, hâiwa ãma. Aimro norĩ wa'aba ma zama, te za duré tô tãma sõmri za'ra. Tahawa, te za aimro ma 're aihâimana wẽ za'ra wa'aba mo. Tawamhã 'Re ihâimana u'âsi mono ma, asiré 're aimreme zusi aba mono wamhã, te za te te 're ai'awapari 'wa, Wamama hã.

Apocalipsi 1:5

Zezu Cristuhu zama te te 're aipawaptob u'âsi za'ra wa'aba mono da, wa duré ai'ãma te 're rosa'rata u'âsi za'ra wa'wa. Ta hã dama i'umnha, te simi'ẽ na 're hâimana, 'Re ihâimana u'âsi mono zadawa wasu'uwẽ 'wa da hã. Ta hã ma tô dawana tihâiwa'utu 'rata, ihâiba si'utõrĩ waihu'u õ na. Uburé ti'ai ãma danhib'apito norĩ nhipai u, Zezusi hã te 're hâimana. Misi Danhib'apito uptabi na, te tô 're hâimana. Ta hã te te 're wa'azawi pese. Tahawa, ma tô wazada dârâ. Wazada dâ'â wamhã, iwapru ma tiwi puru. Tawamhã wawasété na 're wanomro mono ré, ma tô tiwapru na tidâ'âzém na te te 're wa'a'upsõ, wawasété ãna ãma 're wanomro mono da oto.

Apocalipsi 5:9

Tawamhã ta norĩ hã te Pone'ẽrebâi ma tinho're za'ra, tinho're itém na. Ãne te tãma tinho're za'ra: “A hã ma tô dasiwi aiwĩrĩ ni. Ma tô dazada hã atâ. Dazada atâ'âzém na ma tô ida'awa'â, dawasédé hã dama 're apari mono da ãma, 'Re ihâimana u'âsi mono nhib'a'uwẽ oto 're danomro mono da. Dapoto mono bâ a hã ma tô ida'awa'â, damreme sipo'o mono bâ 're idahâimana za'ra mono hã. Danhipai u aiwẽ uptabi di, a hã. Aiwaihu'u pese uptabi di duré. Tahawa, te aiwétési sada hã aihâiba, ibaihâ isinhai ré i'âri da hã, duré i'uptobzé hã aprub da.