Éfézu 5:24 - ꞌRe Ihâimana Uꞌâsi Mono Zadawa Wasuꞌu

²⁴ Isib'a'uwẽ norĩ hã Cristuhu nhimiroti te te 're iwapari pese za'ra mono ne, te za pi'õ norĩ hã aimro nhimiroti 're iwapari pese za'ra wa'aba mo.

Éfézu 5:24 ပူးပေါင်းရင်းမြစ်များ

Luca 10:17

Tawamhã datẽme 're nomro mono pari, ma tô apâ aihutu itẽme, aibâ norĩ hã, 72 na ihâiba za'ra hã. Tãma rowẽ za'ra wa, toi uptabi za'ra di. Tahawa, te ãne siwasu'u za'ra, Zezusihi ma: — Wanhib'apito, asisi na, wa tô wa'uburé ma, wa te 're rob'ru za'ra, dahawi 're wairébé mono da. Tahawa, ma tô te te 're wawapari za'ra, ta norĩ hã.

Éfézu 5:23

E marĩ wa. Aimro za'ra wa'wa hã asipai u 're hâimana za'ra wa'aba mono wa, Cristu tinhib'a'uwẽ norĩ nhipai u 're ihâimana mono ne, ta norĩ nho'reptui'wa 're hâimana mono wa ta hã.

Éfézu 5:25

Aibâ norĩ, Cristu hã tinhib'a'uwẽ norĩ te te 're i'azawi pese mono ne, te za aimro hã 're isawi pese za'ra wa'aba mo, tihâiba hã sawi ãna te te isõmri ne, sada dâ'â za'ra da.

Éfézu 5:33

Aima za'ra wa'aba zama, te rowasu'u hã 're hâimana, ãma 're i'aihâimana za'ra wa'aba mono zéb da hã oto. Tahawa, aibâ norĩ, te za aimro 're isawi pese za'ra wa'aba mo. 'Re isawi pese za'ra wa'aba mono zéb zarina, marĩ iwẽ zô asima 're asõpré wa'aba mono ne, te za duré aimro ma zama 're asõpré wa'aba mo, iwẽ zô hã. Duré pi'õ norĩ, aimro hã te za 're iwazéb za'ra wa'aba mo.

Colosu 3:20

Ai'uté norĩ, aimama nhimiroti te za 're iwapari pese za'ra wa'aba mo, ana nhimiroti zama, Cristuhu zazei'wa oto 're ihâimana za'ra mono zéb zarina. E marĩ wa. 'Re ihâimana u'âsi mono hã te te aima 're wẽ za'ra wa'aba mono wa, ãne hã.

Colosu 3:22

Aiwada'uri zarina si, aipawa'âbâ ãna dama romhuri'wa norĩ, ti'ai ãma asib'apito norĩ mreme hã te za 're iwapari pese za'ra wa'aba mo. E asib'apito norĩ hã 'râwi titõmo na te te 're ai'madâ'â za'ra wa'aba mono wapsi, te za romhuri hã tãma 're i'madâ'â pese za'ra wa'aba mo, asimiromhuri na te te 're aiwẽsãmri za'ra wa'aba mono zéb da hã. Mare di. Ihâiba za're'ra nherẽ, te za tô romhuri hã tãma 're i'madâ'â pese za'ra wa'aba mo, Wanhib'apito hã asiwi 're iwazéb za'ra wa'aba mono zéb zarina.

Titu 2:7

A hã aihâimana wẽ na, te za dama ãma 're asanho mo, asirã zarina si 're danomro wẽ mono da. Dama 're rowahutu mono wamhã, aimreme tô sena na si, te za duré dama 're irowahutu mo.

Titu 2:9

Iwada'uri zarina si, pawa'âbâ ãna dama romhuri'wa norĩ ma zama, te za 're i'aroti mo, tinhib'apito mreme hã te te 're wapari pese za'ra mono da, isimiromhuri na te te 're wẽsãmri za'ra mono da, isib'apito hã. Romhuri'wa norĩ hã timreme na te te tãma 're wa'rãmi za'ra mono õ di za, tinhib'apito ma hã.