Éfézu 5:19 - ꞌRe Ihâimana Uꞌâsi Mono Zadawa Wasuꞌu

¹⁹ Aima ãma 're irobze za'ra wa'aba mono zéb da hã, te za 're asõ're za'ra wa'aba mo, Wanhib'apito pẽ'ẽzani te te aima 're iwaihu'u za'ra wa'aba mono zéb zarina. Wanhib'apito hã sõpru wa, te za rowẽ zarina tãma 're asõ're za'ra wa'aba mo, ãma 're aiwata za'ra wa'aba mono da, asõ're na.

Éfézu 5:19 ပူးပေါင်းရင်းမြစ်များ

Salmu 95:2

Oto wasi'aba'réi wa'aba, isõ're u ãma wawata za'ra da, wanho're na. Duré wato sina wanho're na ãma wazadawa'a'a wa'aba.

Mateu 15:8

“Õ norĩ hã tô sena newa, te timreme na si taré ĩ'ãma 're wata za'ra. Tane nherẽ, te tipẽ'ẽ 're aimawi zô si sima te te 're rosa'rata u'âsi za'ra, ĩ'upana.

Mateu 26:30

Tawamhã tinho're na ma tô ãma tiwata za'ra, 'Re ihâimana u'âsi mono ãma. Sõ're za'ra parimhã, ma tô duré oto wairé, Oriwera na ẽtẽ 'rãihâ nhisi u si'aba'ré da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:25

Tawamhã mara wa'wa, ma tô Paulu norĩ hã 'Re ihâimana u'âsi mono ma timreme zahuré, Silaha me. Tinho're na te duré ãma tiwata zahuré. Tawamhã 'ri 're wa'wa amo niwĩ isimasam norĩ hã te wapari za'ra, isõ're zahuré zé hã.

1 Corĩtu 14:15

E niha tawamhã, i'uwaibaba si te 're i'manharĩ mono zéb da hã. Ĩpẽ'ẽ na, wa za tô tãma 're ĩmreme 'râwi, damreme ĩma iwaihu'u'õ na hã. Tane nherẽ, wa za duré wamremezém na tãma 're ĩmreme, te ãma 're irosa'rata pibui pese mono zéb da hã. Duré wasiré isazei'wa norĩ siré 're ĩnho're mono wamhã, wa za tô 'râwi ĩpẽ'ẽ na 're ĩnho're, damreme ĩma iwaihu'u'õ na hã. Tane nherẽ, taha nhipai u, wa za duré wamremezém na 're ĩnho're, te ãma 're irosa'rata pibui pese mono zéb da hã. Tahawa, ãne te za duré a norĩ wa'wa hã 're i'manharĩ za'ra wa'aba mo.

1 Corĩtu 14:26

Ĩsisãnawã norĩ, ãhã wasu'u na, wa za oto aima 'rãsutu za'ra wa'wa. Asiré 're asi'rã'õtõ aba mono wamhã, ni'wam norĩ si te za aima 're sõ're za'ra wa'wa, isazei'wa nho'rezém na. Ni'wam norĩ si te za duré isazei'wa norĩ 're aihâimana za'ra wa'aba mono zém na, te te aima 're roti za'ra wa'wa. Ni'wam norĩ si te za duré marĩ iwaihu'u'õ hã te te aima 're waihu'u za'ra wa'wa, 'Re ihâimana u'âsi mono hã ta norĩ ma si, te te 're iwaihu'u za'ra mono zéb zarina. Timreme nai õ nherẽ, te za duré ni'wam norĩ si 'Re ihâimana u'âsi mono hã te te aima 're sadawa wasu'u za'ra wa'wa, damreme aima iwaihu'u za'ra wa'aba õ na hã. Ni'wam norĩ si te za duré aimreme aba na, te te aima ãma 're wasu'u pese za'ra wa'wa sõ'awi, aré damreme aima iwaihu'u za'ra wa'aba õ na 'Re ihâimana u'âsi mono, da te aima 're isadawa wasu'u za'ra wa'aba mono zé hã. Asimiromhuri aba mono bâ, te za ãma 're asipawaptob u'âsi za'ra wa'aba mo aihâiba mono bâ wa'aba, Wanhib'apito ãma si asiptete sina 're anomro aba mono da.

Colosu 3:16

Cristuhu wasu'uwẽ na te za ãma 're asipo're pu'u u'âsi za'ra wa'aba mo, aipẽ'ẽ 're aima 're hâimana u'âsi za'ra wa'aba mono da, taha zarina aihâimana wẽ na 're anomro aba mono zé hã asima 're sa'ẽtẽ za'ra wa'aba mono da oto. 'Re ihâimana u'âsi mono hawi, dahâimanazém na rowaihu iwẽ hã ãma 're iwaihu'u za'ra wa'aba mono zéb zarina, te za dama ãma 're iroti pese za'ra wa'aba mo. 'Re ihâimana u'âsi mono hã sõprub uptabi wa, te za tãma 're asõ're u'âsi za'ra wa'aba mo, aipẽ'ẽ 're ãma 're aiwata za'ra wa'aba mono sina. Ipẽ'ẽzani te te aima 're iwaihu'u za'ra wa'aba mono zém na, te za rowẽ zarina tãma 're asõ're za'ra wa'aba mo, Wanhib'apito ãma 're idanho're za'ra mono na zama.

Tiagu 5:13

Ãté asiré isazei'wai wa'wa hã te za robzépata. Ãne wamhã, te za sina rowaptẽ, hâiwa u. Duré ni'wa hã rowẽ tãma hâimana wamhã, tinho're na te za Wamama ãma tiwata.

Apocalipsi 5:9

Tawamhã ta norĩ hã te Pone'ẽrebâi ma tinho're za'ra, tinho're itém na. Ãne te tãma tinho're za'ra: “A hã ma tô dasiwi aiwĩrĩ ni. Ma tô dazada hã atâ. Dazada atâ'âzém na ma tô ida'awa'â, dawasédé hã dama 're apari mono da ãma, 'Re ihâimana u'âsi mono nhib'a'uwẽ oto 're danomro mono da. Dapoto mono bâ a hã ma tô ida'awa'â, damreme sipo'o mono bâ 're idahâimana za'ra mono hã. Danhipai u aiwẽ uptabi di, a hã. Aiwaihu'u pese uptabi di duré. Tahawa, te aiwétési sada hã aihâiba, ibaihâ isinhai ré i'âri da hã, duré i'uptobzé hã aprub da.