Éfézu 5:16 - ꞌRe Ihâimana Uꞌâsi Mono Zadawa Wasuꞌu

¹⁶ Ãhã na uburé dawasédé hã te daro mono bâ 're hâimana. Tahawa, wama 're hâimana za'ra mono ré bâdâ hã, wa za wa te 're dapawapto wẽ za'ra.

Éfézu 5:16 ပူးပေါင်းရင်းမြစ်များ

Zenezi 29:7

Tawamhã Zaco te tinha ãne: — Zahadu aré bâtâ hâ di. Ãhã wa, pone'ẽrebâ we i'ubumroi wa'aba mono hã zahadu sadai õ di. Tahawa e aré bété wẽ õ di, a'â tô â hã tãma õb za'ra wa'aba da, taha pari duré apâ ate mono bâ a'ubuni u isimroi wa'aba mono da hã, du te te 're huri mono da.

Daniéu 2:8

Tane nherẽ, apito, ma tô duré ãne ãma tãma wa'rãmi za'ra: — Wa tô ai'upsibi me za'ra wa'wa. Taré bâdâ uprosi za'ra wa'aba da, ma tô asima irosa'rata za'ra wa'wa, za te aima irowairébé za'ra wa'aba zéb da hã, asina waihu'u siromo za'ra wa'aba wa.

Mateu 25:17

Tane duré tãma iromhuri'wa hã 2 miu na rob'uiprazé isapotore te te i'âri ma hã ma tô duré tãma sina hâ. Tawamhã 2 miu na nherẽ, ma tô duré 2 miu na tãma ihâimana amo na ãma ato. Uburé hã oto tawamhã duré 4 miu na ihâiba hã oto.

Zuwã 12:35

Tawamhã Zezusi hã sõ'awib õ nherẽ, te rowa'a na siwasu'u, ãne: — Rowa'a hã te za suru na aima 're hâimana za'ra wa'wa oto. Tawamhã aima 're ihâimana za'ra wa'aba mono ré, te za 're anomro aba mo, aiwi 're robra za'ra wa'aba mono õ ré hã. Robra na damorĩ wamhã, nimomo damorĩ da hã dama waihu'u õ di.

Roma 13:11

Zezusi hã we apâ wazô imorĩzéb u hã romhuture di oto, te te iwanho'reptu za'ra zé hã te te oto wama i'rãsutu za'ra da hã. Cristu hã duréi, wa te wasina 're i'umnhasi na'rata za'ra mono hawim nherẽ, romhuture di oto, wama hã. Tahawa, te za oto asimiza'rese 're aihâimana za'ra wa'aba mo, darési ãna 're idanhotõ za'ra mono ne, asimiza'rese ãna 're aihâimana tõ za'ra wa'aba mono da. Ãne na ti'ai ãma 're iwahâimana hutu za'ra mono zé hã aima waihu'u pese za'ra wa'aba di. Ãne wa, te za 're idazawi pese za'ra wa'aba mo.

1 Corĩtu 7:26

Ãhã na Zezusihi zazei'wa oto 're wanomro mono wa, te da te wama 're rob'manharĩ wasété za'ra, wa te 're robzépata za'ra mono da. Tahawa, wa za oto aima roti za'ra wa'wa, aimro ré 're aihâimana za'ra wa'aba mono wamhã, taha haré asima 're aihâimana u'âsi za'ra wa'aba mono da, duré aimro õ nherẽ, 're aihâimana za'ra wa'aba mono wamhã, õne haré 're aihâimana za'ra wa'aba mono da.

Galata 1:4

Wanhib'apito 'Re ihâimana u'âsi mono te te tãma iwẽzéb uwaibaba, ma tô Zezu Cristu hã wazada sisõ, wazada dâ'â da, te te wa'awa'âbâ da, 're wanomro wasété mono wa, 'Re ihâimana u'âsi mono te te wahâ za'ra tõ da, rob'rãsutuzéb ãma hã, duré dapo're'õ na 're idanomro mono norĩ ne, 're wanomro u'âsi tõ mono da.

Galata 6:10

Ãne wa, wama iwaihu'u pese zarina, wa za dahâiba mono bâ marĩ iwẽ na, wa te 're dapawaptob za'ra. Wa te 're idapawaptob za'ra mono zém nhipai u, wa za wasiré isazei'wa norĩ hã marĩ iwẽ na 're wasipawapto pese za'ra.

Éfézu 6:13

Tahawa, 'Re ihâimana u'âsi mono nhimipawaptobzéb ré, te za 're aihâimana za'ra wa'aba mo. Tawamhã wa'uburé norĩ hã nimahã bâtâ na asô 're sihutu aba mono wamhã, te za 're i'wapé za'ra wa'aba mo. Tawamhã 're i'wapé za'ra wa'aba mono na, ãma 're ai'uté za'ra wa'aba mono wamhã, te za ta norĩ wi 're aiwairébé aba mo.

Éfézu 6:15

Duré dapara'uza itete na te za 're asipara'uza za'ra wa'aba mo. Dapara'uza itede hã iwasu'uwẽ na datoi u'âsi da te 're idapo're pu'u za'ra mono zé, te duré ta hã wasu'u, rowẽ u'âsi Wamama siré oto ãma 're idanomro mono zéb da hã.

Colosu 4:5

Asimirosa'rata wẽ, oto ãma 're iwaihu'u za'ra wa'aba mono zéb zarina, te za Cristuhu zazei'õ'wa norĩ ma aihâimana prédup sina tãma 're aihâimana za'ra wa'aba mo. Duré 're danhopẽtẽ za'ra wa'aba mono sidâpâsi, te za Cristuhu wasu'uwẽ hã dama 're iwasu'u za'ra wa'aba mo, dasiré 're aihâimana za'ra wa'aba mono ré, da te 're waihu'u za'ra mono ãna 're dahâimana za'ra mono tõ da, Cristuhu wasu'uwẽ hã.